الطب و ما ادراك مالطب << مسااااعدة

انا ماقريت الموضوع من اوله لانه مكتوب فيه انه قديم لكن دخلت اخر صفحه اشوف التحديثات
وانصدمت من الرد اللي يقول غيورين وحسودين وخايفين من اخذ المكان

ملاحظه انا ماقريت الموضوع من اوله لكن ابي ابين شي

كثير من الاطباء او اغلبهم مايردون لانهم يشوفون اغلب المواضيع عن الطب تافهه
انا مو طبيب لكن بمرحلة الدراسه،، الطب مو لعبه ولا حلم ويمكن الحصول عليه بسهوله او يحتاج له واحد شاطر والامور راح تكون بالسلييم
بغض النظر عن الراتب وعن اي شي ثاني مادي
قد فكرتي بيوم من الايام انك سويتي عمليه لمريض والمريض مات بين ايدينك لانه العمليه كانت غير مضمونه والمريض موقع انه راح يتحمل نسبة النجاح والفشل؟
قد فكرتي بيوم من الايام انك سويتي عمليه لمريض واخطأتي خطأ بسيط ومات المريض بين ايدينك لسبب انك اخطأتي خطأ ماتوقعتي انه راح يضر؟
قد فكرتي بيوم من الايام ان الصحافه راح تكتب عنك وتقول انك اخطأتي والشعب يطالب بمعاقبتك لخطأ غير متوقع؟
الشعب والصحافه ماراح يرحمونك اذا انتي قاعده تسوين عمليه مدتها ثمان او تسع ساعات ونسبة نجاحها ٤٠ بالميه ولا نجحت
راح يخلون الخطأ كله عليك انتي
الربيعه على كثر عمليات الفصل اللي سواها والانجازات اللي حصل عليها بخطأ طبي هو ماله علاقه فيه العالم كله تكلم عليه
حطي نفسك مكانه ايش راح يكون ردة فعلك اذا انتي بالرياض وجاك طلب توظيف من شخص تخرج من جامعه كويسه بمعدل عالي بتخصص نادر وراح يتوظف بمكان يحتاج لكادر وظيفي والشخص هذا عمل خطأ بنقل دم ملوث
كل الناس حطت الخطأ على الربيعه على انجازاته في فصصل التوأم اللي تعتبر انجازات عالميه

راح يكون بين ايدينك انفس وحياة لناس ماتدرين انتي تقدرين تعالجينهم وبشكل غير متوقع هالنفسس تموت

كيف تبغين دكتور او جراح يرد على موضوع عنوانه "حلمي اكون طبيب" ومحتوى الموضوع "من يوم اني صغير كنت احلم اني اكون طبيب لكن مادري وين ادرس طب"
الدكتور والطبيب والجرااح راح يساعدون الشخص اللي يعتقدون انه يستحق انه يصير طبيب شخص يقدر الانفس اللي راح تكون بين ايدينه اذا تخرج

بالاخير اتأسف اذا كان ردي ماله دخل بالموضوع او اي شي لكن انا انقهرت من اللي كاتب ان الدكاتره حاسدين وخيافين على مناصبهم

البكالوريوس هنا و تكملين برا

كيف أضيف نقاش علما أني مبتدئه