بكالريوس الطب ؟؟ هنا ام الغربة

انا متخرجه بكالوريوس احياء .. وابغا ادرس طب الان في كندا او امريكا
بس المشكله مو هنا المشكله ان القبولات لمرحله البكالوريوس جدا صعبه في امريكا وكندا .. لذلك نصيحتي ادرس بالسعوديه بكالوريوس طب وبعدين كمل برا ..

لان لو حبيت تجي تدرس بكالوريوس طب في نورث امريكا لازم تدرس بكالوريوس علوم قبلها ..

بالاضافه لاختبارات الاطباء المطلوبة وغير التنافس ..


بس اذا رغبتك وطموحك طب .. انا انصحك تكمل هالمشوار وماتفكر بالصعوبات حتى لو لك رغبه تجي تدرسه بالخارج وتبدأ من البدايه ..

شكراً عالتشجيع .. وعلى فكرة انا أمريكا شايلها من رأسي من زمان .. البكالريوس ياخد فيها 12 سنة وهذا غير المنافسة الشديدة والمقاعد القليلة الي الأولى بيها اولاد بلدهم

الله المستعان

اولا انت عارف السعزدية والدراسة فيها (بدون تعليق)

انا انصحك بالمانيا ادخل قسم المانيا وراح تعرف

اقل شي مو زي امريكا 10 % ماقعد للاجانب ولا كند 5% مقاعد للاجانب

بعدين يكفي علي شهادتك جيرمني

ادخل قسم المانيا وماراح تندم

اممممم اذا بتدرس هنا ؛ عندنا جامعات نظامهم قوي ( القصيم وسعود وعبدالعزيز ) .. بس مشكلتها تنافس شديد ع مقاعد الطب ولازم تشد حيلك ف التحضيري
أما لو تبغى برا ، روح اي مكان غير امريكا

تنافس شديد وواسطات بالسعوديه
اول سنه لي قسمونا ثلاث اقسام الدكاتره الممتازين بالشرح حطوهم بقسم معين واللي نص ونص حطوهم بقسم ثاني واللي زفت حطوهم بالقسم الاخير
القسم الاول كان فيه مجوعة طلاب ممتازين والباقين كلهم واسطات القسم الثاني للي اقل والقسم الثالث اقل ناس بالدفعه ولا عندهم واسطات
طبعاً ماقالوا لنا بنقسمكم او انتم القسم الفلاني
لكن القسم الاول محاضرات كانت مع افضل الدكاتره وهكذا
بعد السنه الاولى خلاص الهم كله يروح ويبى الاجتهاد في المذاكره

عندكم بكندا تعاون من اعضاء الملحقيه اذا كان الطالب متخرج بتخصص علوم او علوم طبيه
مثل الاحياء قدمي الطلب وراح تشرف عليك دكتوره نسيت اسمها وتتعاون معك كثير واذا شافت انك مهتمه راح تحاول تدبر لك القبول

نصيحتي لك تاخذ البكالوريس هنا ,,

لما تتخرج ان شاء الله ماراح احد يسألك من وين جايب بكاللوريوس الطب ,, راح يهمهم من وين جايب شهادة التخصص الي ما بعد الطب اقصد الزماله ,, هنا تفرق
فليش تتعب بالغربة ,, راح تتغرب بعدين ,,
بعد ما تاخذ الباكلوريوس ,, يبغالك اربع سنوات ,,وقد تصل الى ست سنوات عشان تاخذ شهادة الزمالة الطبية في تخصص معين هذاك الوقت خذها براا اذا تغبى ,, مع ان في تخصصات قوية هنا

وبرضو بعد التخصص ,, لو تبغى تخصص دقيق يبغالك سنتين الى ثلاث سنوات اضافيه وبرضو اغلب الدكاترة ياخذوها برا

فشوف كم سنة بتقعد في الغربة لو بديت البكالوريوس برا ,, سنييييين ! إلا اذا انت تحب تتغرب وما عندك مشكله هذا شئ ثاني

وموفق يارب

يعطيكم الف عافية


شكراً Dr,Mhz