استفسار الريزيدنسي في كندا

مساد الخير غدير ان شاد الله تكوني بخير
حاجاوبك عالاسئلة اللي اعرفها بخصوص الزمالة في كندا

��الاستفسار الأول :
لو أنا حطلع على سبونسر بعثات الوزارة ( وظيفتك بعثتك ). ؛ هل أستطيع التقديم عادي عالبعثات وبعد ما أطلع الى بلد الابتعاث (. كندا )، أبدا بتحضير الاختبار للبرود الكندي ( بدون التسجيل في معهد ولا شي ). واختبر قبل الماتشينق وبعدها أبدأ أقدم على طلب الجامعات مع الايلتس ؛ هل أستطيع فعل ذلك ام لا ؟؟؟؟

لا ما تقدري عند التسجيل للابتعاث تختاري التخصص و عدة رغبات للدول حسب المتاح للتخصص اللي عندك حيظهر لك وقت التقديم
ما حتعرفي اي بلد انقبلتي فيها غير بعد الملتقى اللي يبعد من ٦-١٠ شهور من وقت التقديم الاولي .. وبالتالي ما حيفيدك التجهيز للاختبار قبل ما تعرفي فين حتنقبلي او فين اترشحتي
ماتحتاجي لغة لانك طب الا لو طالعه فرنسا او المانيا اي بلد تتطلب لغة اخرى .. والايلتس تحتاجي تجيبي فيه ٧
اول شي بعد ما يتم ترشيحك تجتازي المفاضلة بعدها تترشحي للمقابلة الشخصية وفي حال اجتزتي المقابلة باذن الله يدعوكي للملتقى من خلال موقع سفير التقديم ويترسل لك ع ايميلك
تختاري موعد الملتقى المناسب لك والافضل كل ما كان اقرب .. الماتشينق تبع كندا في جولاي فيفضل تعرفي دا الشي لانه بعد الملتقى بكم يوم تظهر لك دولة الابتعاث
وقتها تبداي تحضري للاختبار وتقدمي له *تحتاجي وقت طويل* وتجهزي الايلتس وبعدها تخشي على موقع الملحقيث الثقافية في كندا تلاقي المتطلبات وتكمليها من ورقة ترشيح و سي في و توصيات وكدا .. بعدها ترسليها للملحقية هما يتواصلو مع الجامعات مو انتي ويقولولك لما تجيكي مقابله شخصية يطلعوكي كندا تروحي المقابله وفي حال القبول ان شاء الله وقتها تخلصي قرار الابتعاث وتصدري التذكرة وتطلعي البورد على طول


أم يستوجب اختبار البورد الكندي قبل التقديم على البعثة ( ليس الجامعات) ؟؟؟ ... لانو حاليا المدة المتبقية على فتح بعثات الوزارة شهرين مافي وقت احضر للامتحان واختبر ؟؟؟
لازم الاختبار اذا طالعه كندا

��الاستفسار الاخر ؛

هل يوجد معاهد كابلان في كندا ؟؟؟
في اي ولاية المعاهد؟؟
هل أستطيع بعد ما اقدم للبعثة ( من الوزارة ) اسجل فيها واحضر الاختبار الكندي والأمريكي معا ؟؟؟ وبعد ذلك أبدا في التقديم على الجامعات
ماسمعت عن شي زي كدا في كندا .. عموما باي طريقة مافي امكانية تطلعي قبل لا تعدي الاختبار والماتش

�� الاستفسار الثالث ؛
انا عندي اختبار ايلتس جاري المفعول بس الدرجة 6
هل أستطيع تقديمه للملحقية وقت البعثة ،، و أبلغهم انه بعد ما اختبر وابدأ اقدم على الجامعات سوف اختبر اختبار ايلتس اخر ؟؟؟؟
تختبري اختبار اخر عندك وقت كافي لانه لتخصص الطب الموضوع مطول وهما عارفين فيدوكي وقت سنتين ثلاثة وممكن اكتر عموما حتى لو جا الماتش وماخلصتي ورقك تبي تقدمي للتاني يمديكي اهم شي تعدي الاختبار بدرجة عاليه عشان تضمني القبول و تقدري تاجلي البعثه فاي وقت اهم شي ماتلغيها
�� الاستفسار الرابع ؛

بالنسبة للبعثات الوزارة الحالية (. وظيفتك بعثتك ) للطب ، لما اختار التخصص ؛ هل تستطيع اختيار اكثر من دوله وترتيبها حسب الاولوية ام فقط يتم اختيار دولة واحدة؟؟
ايوة تختاري عدة دول وترتبيها غالبا تجيكي اول رغبه

و بالتوفيق

لو سمحتبغيت اعقب و اسال علي موضوع تاجيل البعثة ، انا كنت انقبلت مع وزارة الصحة في الزمالة في كندا المرحلة 12 ، بس للاسف عندي ظروف و ما اعتقد بقدر اخلص التحضير للاختبار هذه السنة، ايش هي مدة اخضار القبول للبعثة ؟ و هل ممكن أاجل البعثة لين احصل قبول ولا خلاص لو ما امداني بتروح علي الفرصة ؟
و شكرا جزيلا.