أي إستفسار عن تخصصات طب الاسنان؟

مرحبا أخ حاتم
الله يجزاك كل خير لأن أنا ما كنت أعرررررف شي عن ما بعد التخرج
يعني الموضوع ما شاء الله مرة قيم و مفيد و نوّر الجميع
بشرحلك وضعي ياليت تقدر تقولي ايش رأيك لأن بعد هذا الموضوع خلاص أنا واثقة برأيك
و على فكرة قريت الموضوع مرة و مرتين و ثلاثة من البداية و كل مرة أفهم أكثر

أنا مبتعثة و خلاص ما بقى شي على التخرج إن شاء الله + سنة الامتياز
حالياً بعد ما دخلنا في المواد أكثر قررت إن شاء الله بتخصص تقويم أسنان

و قدامي شيئين إما ( بريطانيا ) أو ( أمريكا )

لأن بصراحة البلدان الثانية ما فيه أي معلومات عنها عشان الواحد أصلاً يفكر يروحلها

لما أفكر في بريطانيا أقول يعني أول ما أتخرج إن شاء الله ... آخذ الامتياز في نفس بلد الدراسة
و بعدين أرجع السعودية أشتغل سنة و بعدين أروح بريطانيا (جامعة queen) ؟!
بس السلبيات فيها إني مو حابة أرجع أتوظف و استنى الوظيفة و بعدين أقدم على بريطانيا و خايفة بعد الانتظار ما ألاقي شي

و لما أفكر في أمريكا أقول بعد اانتهاء من فترة الامتياز على طول أمدد البعثة على معهد لغة أو أسجل برنامج تحضيري للتقويم في الجامعة ( ايش برأيك أفضل ؟؟ )
و خلال هذه الفترة أقدم اختبار الـ NBDE و أقدم للجامعات
بس نفس الشي خايفة أروح و أدرس سنة و بعدين ذا سمح الله إني ما ألاقي قبول
و أضطر بعدين إني أغير التخصص اللي حاطته في بالي و هالشي اللي إن شاء الله ما يصير

يعني أنا ودي أكمل على طول ما أبغى أضيع السنوات استنى قبول ...

و لما أحط الفكرة ببالي ... ممكن إني أجهز لها من الحين
مثلاً لو حطيت فكرة أمريكا أمتحن الـ GRE و التوفل بعد التخرج على طول ...
و خلال سنة الامتياز ما علي إلا أسويهم و أكمل أوراق البعثة و التمديد و امتحان الهيئة السعودية ...
التوفل صلاحيته سنتين .. و الـ GRE ???

و الله مو عارفة أقرر ... أنا قلتلك الأشياء اللي أفكر فيها ياليت أخوي تساعدني و الله يجزاك كل خير ...

يا جماعة انا خريج ثانوي طبيعي بنسبة75واريد دراسة طب الاسنان في اي دولة اتمنى منكم مساعدت اخوكم.
هل احصل قبول او اكبر الوسادة عند امي

أخي الكريم د/حاتم
السلام عليكم ورحمة الله وبركاته
لو تكرمت ترسلي الايميل تبعك على الخاص لأني حاولت أرسلك رسالة على الخاص ولكن لم يكتمل لدي ال30 مشاركة لكي أتمكن من ارسالها
ولك جزيل الشكر

بسم الله الرحمن الرحيم
السلام عليكم ورحمة الله وبركاتة
د.حاتم
نشكر لك جهودك و توصياتك التي بذلتها معنا
انا من خريجات كلية العلوم الصحية دبلوم عالي تخصص مساعدي طب اسنان بمعدل 3,93 موظفه بالصحة عندي طموح كبير اني اكمل طب اسنان بحثة بالموضوع قالولي فية امكانية بس لازم يكون فية قبول من الجامعة الي تبغي تدرسي فيها . من خلال كتاباتك حطيت في بالي امريكا فا الله يعافيك لو تفيدني في:
مدى سهولة او صعوبة القبول؟
كيف راح تكون معادلة الشهادة؟
والدرجة المطلوبة لاختبار التوفل؟
واذا ما عجبتهم درجة التوفل هل يرفضون ولا يكون فية قبول لمعهد ويكون بعدها قبول الجامعة؟
واهم الأشياء المطلوبة ؟

وجزاك الله خير على ماتقوم به

السلام عليكم .....
اخوي تكفى ابي منك جواب لسؤالي..
انا ادرس طب اسنان في كليه البترجي الاهليه سنه اولا درسة سنه تحضيريه وخلصت سنه اولا ،،،،
و ضروفي ما سمحت اني اكمل فيها والحين بقدم على الابتعاث،،،اي مكان امريكا او اي دوله
ابي اعرف هل يعادلولي الي درسته في الكليه ولا لا،،،،
واذا ما يعادلولي كم مده درااسه بكلوريوس طب الاسنان في امريكا،،،كامله
تكفي جاوبني لاني شايل همها....
ومشكوور

السلام عليكم اخي د. حاتم
جزاك الله كل خير على جهدك البناء وشعار موقعكم جعله الله في ميزان حسناتكم
استشارتي لكم كالتالي وارجو ان يتسع صدركم لي
انا طبيبة اسنان دفعة 1999 اعمل بوزارة الصحة حصلت على دبلوم تركيبات ثابته من جامعه القاهرة مدته سنه
زوجي واولادي مصريين اسال:
1_هل الافضل لي التقديم في شهاده الاختصاص السعوديه والتي مدة دراستها 4 سنوات ام التقديم على بعثة الى نيوزيلاندا مثلا لانه من خلال تصفحي لموقعكم شعرت ان فرصة القبول فيها اسهل
2_هل يتم معاملة الطبيب الحاصل على البورد السعودي والحاصل على شهاده الاختصاص من اي دوله اجنبية في المملكة واحد؟ وان كانت الاجابة لا فارجو توضيح السبب.
3_ماهي افضل البلاد في حال تقديمي على بعثة حيث ان اولادي بالمرحلة الابتدائيه منح حيث الامان عليهم ووجود مدارس اسلامية مثلا
4_هل يتم صرف راتب لزوجي واولادي مع انهم غير سعوديين؟حيث اننا اسرة متوسطة ولا نستطيع تحمل اعباء ماديه ترهقنا.
5_هل السويد من البلاد الجيدة لدراسة طب الاسنان ؟حيث انني افضل تخصص اندو او ريستورتيف
6_ماذا عن ماليزيا بالنسبة لطب الاسنان؟
وجزيتم عنا كل الخير

السلام عليكم أخ د. حاتم
بغيت أعرف الحين إذا أخذت الزمالة السعوديه , أقدر أروح أمريكا على طول أقدم على إختبار البورد الأمريكي مباشره ؟ يعني الزماله سعوديه والبورد أمريكي .
شكرا ياوخيي

أتمنى لو تفيدنا عن المواد التي يدرسها طالب طب الأسنان ( في مرحلة البكالوريوس )، ويا حبذا لو تذكر نبذة بسيطة عن كل مادة.

ويا ليت لو أحد من الأخوان الذين يسألون عن الزمالة يساعد الأخ حاتم ويجيب على بعض الأسئلة التي يعرف إجابتها ( مثل سؤالي )