أي إستفسار عن تخصصات طب الاسنان؟

المدة هي ثلاث سنوات.

أتمنى انك تراجع أول صفحة في الموضوع

عشان تعرف الفرق بين الزمالة والبورد.

النظام في أستراليا هو نظام بريطاني,

وللسبب هذا ما أقدر أفيدك بخصوص موضوع العمل.

الزمالة طبعا افضل من الماستر,

لانه الماستر (كما ذكرت في اول صفحة بالموضوع)

شهادة اكاديمية وليست شهادة تخصص.

للاسف يا عزيزي ما عندي فكرة واضحة

عن الدراسة في استراليا واعذرنا عن التقصير.

الله يجزيكي الخير والله يقدرنا على خدمتكم.

فكرة ممتازة جدا وأشجعكم عليها بشدة.

ممكن زوجك في البداية يدرس لغة ويحسن من مستواه.

بعد ما تتحسن لغته ممكن يقدم على بكالوريوس في تقنيات الأسنان.

أو حتى ممكن ياخذ كورسات في متقدمة في صناعة التركيبات الثابتة والمتحركة,

أو صناعة أجهزة التقويم و حافظ المسافة للأطفال.

يعني في خيارات كثيرة لزوجك ممكن يستفيد منها.

وبالتالي لما ترجعوا بالسلامة للسعودية يكون اكتسب خبرة وشهادات

تساعده بالحصول على وظيفة أفضل في مكان أفضل من وزارة الصحة.

الله يوفقكم جميعا واذا عندك اي استفسار لا تترددي بالسؤال.

تامر امر يا عزيزي,

ولكن يا ليت توضح مكان دراستك الحالية.

أعتقد من كلامك انك تدرس بالبرنامج الموحد في جامعة الملك سعود.

هل صحيح كلامي؟

أنتظر ردك.

خلي أملك وثقتك بالله.

من الطبيعي وجود صعوبة في البداية,

ولكن ان شالله لما تحصل قبول راح تنسى الصعوبة هذي كلها.

أنصحك بشدة تقدم على امريكا.

القبول في امريكا اسهل من كندا نظرا لوجود عدد كبير من البرامج.

وأتمنى انك ما تلتفت للكلام الفاضي الي للاسف يردده بعض الاخوان

عن امريكا وكرههم للمسلمين وصعوبة الفيزا.

بالنسبة لل Postdoctoral Application Support Service

أو ال(PASS),

هذي طريقة جدا ممتازة وسلسة للتقديم.

من أهم مميزاتها انك ترسل رسائل التوصية Recommendation letters

وشهادتك Transcript

لمكان واحد فقط. وبعدها هم يرسلوا نسخة منها لكل جامعة أو برنامج

أنت مقدم عليه. وبالتالي ما يحتاج انك ترسل اوراقك لكل جامعة.

لا تشيل هم موضوع الPASS,

ان شالله راح ابسطه لك بصورة كبيرة.

اهم شي انك تدرس للNBDE عشان تقوي فرص قبولك.

واتمنى انك تشوف الردود الي كتبتها للاخوان والاخوات

عشان تتضحك لك الصورة اكثر.

بالتوفيق ان شالله.