أي إستفسار عن تخصصات طب الاسنان؟

السلآم عليكم ورحمه الله وبركاته ...
انا طالبه ادرس لغه حاليا وتوي خلصت اللغه ب 6 شهور ورح ادخل الجامعه الي عندي فيها قبول مشروط (جامعه ويسترن كنتاكي )
المشكله الي اواجهها حاليا اني مو حابه ابدا دراسه بالجامعه هذي لان مافيها الا برنامج تحضير لطب الاسنان ..وانا طالبه ثانويه ومبتعثه وواحتاج جامعه فيها البرنامج كامل عشان الملحقيه توافق لي عليه
هل تعرفون جامعات في امريكا فيها برنامج الاسننان كامل ؟ وشغله ثانيه كمان انو بعض الجامعات تفصل البرنامجين عن بعض بعد ماتخلص التحضيري تسوي اختبار وعلي اساسه تقدر تدخل برنامج الاسنان
وانا ماينفع اخذ هذا لان الملحقيه طالبه مني قبول كامل ..؟ وعارفه انو اغلب الجامعات قفل التسجيل فيها الي الترم الجاي وانا دوبي مخلصه ولا اعتقد رح يمديني وبكذا انا لازم احط هولد علي البعثه وانزل السعوديه واانتظر الفل الجاي لين القي قبول جامعي مثل ماتبيه الملحقيه ؟؟ شنو تنصحوني فيه اخواني ؟؟؟؟

في امريكا، لا يوجد برنامج كامل لطب الاسنان.
الطريق لطب الاسنان يتم بعد الانتهاء من دراسة العلوم الطبية لمدة ٤ سنوات وبعد هذا يتم التقديم على برامج طب الاسنان ( غالبا ٤ سنوات ) وهذا التقديم صعب جدا جدا والمنافسة عليه قوية جدا جدا.
شخصيا، ماعرف ولا سعودي انهى ٤ سنوات علوم طبية ويدرس حاليا طب اسنان في امريكا.
انصحك بالتواصل مع الدكتورة انس الخضراء مشرفة قسم طب الاسنان في الملحقية السعودية في امريكا وهي ماراح تقصر معاكي ان شاء الله

د. حاتم او اي دكتور جزاكم الله كل خير عن ما تفعلووه من مساعده لاخوانكم الاطبااء وأسأل الله ان يوفقكم ويكتبها في ميزان حسناتكم

اولا انا طالب في الامتياز وبقي على تخرجي من الامتياز شهرين فقط وانا صراحه أميل وبقوه واحب قسم جراحة الوجه والفكين ولكن محتار في أمرين هما :

1- مقدم على إعاده (قسم معيد ) في الجامعه وبإذن الله باقبل في نفس القسم, واعتقد انه الجامعه تطلب ان تواصل البورد من خارج المملكه العربيه السعوديه وانتم تعرفون كيف القبول برئ السعوديه من صعوبه ويمكن أتأخر بعض السنين.
2- وزارة الصحه ونسبة قبولي ان شاء الله عاليه على اني اواصل البورد السعودي في جراحة الوجه والفكين .

فانا والله محتار فيهم الاثنين و ابغاكم بعد أذنكم تعطوني المميزات بين الاثنين وايهما احسن والعيوب, وايهما بالنسبه في رائيكم افضل واحسن
ولكم مني جزيل الشكر و التقدير

هدا وصلي اللهم على سيدنا ونبينا محمد وعلى آله وصحبه وسلم ومن اتبعه الى يوم الدين

اهلا،
قبول الجراحة في امريكا صعب جدا جدا، ما ودي احطمك لكن يحتاج منك شغل كبير من تجهيز الاختبارات والمنافسة على المقاعد المحدودة.
بالنسبة للبورد السعودي في الجراحة قوي جدا، واعرف دكاترة خريجين من هذا البرنامج مستواهم فوق الممتاز وللمعلومية قبولك في وزارة الصحة لايعني ابدا قبولك في البورد السعودي لجراحة الوجه والفكين لان عليه منافسة مو سهلة ايضا

دكتور حاتم يعطيك العافيه على مجهودك الرائع .. لاحظت في برفايلك انك تدس بجامعه بينسيلفانيا .. انا حاليا عندي قبول من المعهد تبع الجامعه وان شاد الله ناويه اكمل اندو ..
ياليت لو تعطينا نبذه عن طريقة تسجيلك في الجامعه الى ان تم قبولك ..
تمنياتي لك بالتوفيق ان شاء الله

الف شكر دكتور على ردك

يعطيك العافيه بس اقصد ايش المستندات اللي قدمتها وهل درست في برنامج قبل بعدين قدمت على برنامج التخصص والا قدمت على الجامعه على طول ،،
سؤال ثاني .. هل اقدر اخذ قبول مشروط الى ان انهي المعهد واختبر توفل لانهم طالبين التوفل ؟

كمان عندي استفسار بعد اذنك على هذي النقطه من الريكوايرمنت للبرنامج اذا عندك اي فكره عنها :
In addition, all accepted candidates are required to obtain training licensure from the Commonwealth of Pennsylvania, if you don’t hold a current dental license in the State of Pennsylvania. Those candidates accepted into a Graduate Dental Education Program that have met the DMD/DDS *****alency requirement, must forward the original credentialing evaluation to the Pennsylvania State Board of Dentistry for approval of the training licensure prior to matriculation into the program. For information on the Pennsylvania State Board of Dentisty approved credentialing agencies, please contact the Office of Graduate Dental Education, 215-898-5792 or dadeinfo:dental.upenn.edu.

كيف احصل عليها ؟!