تخصص هندسي + درجة توفل + بعثة خادم الحرمين ... ؟؟؟!!!

اعتقد عطيتك السبب
و اذا انتي راكبة راسك كيفك اهم شي انا بينت لك السبب
و اللي يقول ادخلي و ما عليك اهم شي الطموح كلام صحيح بس يبي توضيح
دائما عامل التوظيف يستطيع يغير الطموحات اغلب الشركات لا تهتم بالطموح ( يعني فكنا من شرك ) و قد ايضا الشركات تحطكِ مكان غير تخصصك و هذا واقع حتى من شركة ارامكو و هذا حصل معي بس مو شركة ارامكو شركة أخرى
اتركوا عنكم العواطف و حاولوا تتخيلوا واقعكم بدون وضع اقنعة تحاولون بها تغطية الحقيقة لأنها لا ترضي طموحاتكم لكن هو الواقع لن تستطيع تغييره

و بعدين أنتِ تقولين أنك تحبين البرمجيات كما قلت لكِ فهو قسم مناسب و الإبداع فيه أكثر لأنه أقصى شي فيه هو كمبيوتر و نت و هؤلاء العاملان متوفران و بكثرة

حاولي التفكير أكثر و بدون عواطف

اولا
مشكور يا اخي الغامدي على ردك المشجع .....
وبصراحه رفعت من معنوياتي كثير .....
وان شاء الله تشوف احد اختراعاتي ياعسل قريبا ....
ومشكور ع الرد والتجشيع



ثانيا :

اخ بندر .... انا راح افكر في كلامك وانظر للواقع ... لكن بداخلي طموح كبير اني اكمل هندسة خصوصا هندسة الكترونيات ....
لكن بفكر وبستخير وبستشير .... وشكرا لنصيحتك يالغلا


مشكورين لكم كلكم

الاخت نوره,,,,
الاخ بندر ,,,, تحيه طيبه وبعد :
انا اتعارض مع الاخ بندر لان :
اولا : اهم شي قبل الطموح هو الميول وحب التخصص الذي بدوره يعتبر( الطريق اليسير) الموصل الى الطموح
ثانيا:اذا وجد الانسان التخصص الذي يميل اليه راح يبدع فيه حتى اذا واجهته صعوبات يستمتع وهو يواجهها ويحس بطعم الانتصار اذا تغلب عليها.
ثالثا :بعد ان يجد الانسان التخصص الذي يميل اليه واللي اكيد سيبدع فيه يستطع ان يعمل كأكاديمي وان يدرس تخصصه , او يتفرغ للبحث والدراسه واستكشاف واختراع الجديد في هذا التخصص .يعني موشرط المهندس يشتغل بشركه.
رابعا : (لماذا نجعل الواقع يتحكم فينا ؟، ونحن الذين اوجدنا الواقع ونستطيع التحكم فيه )

الاخت نوره
تذكري ان زمام الامر بيدك و لاخاب من اسخار ولاندم من استشار ، الى الامام

وانا في خدمتك.,,,,,,

نورة الغامدي


بامكانك التقديم على برنامج الابتعاث في ارامكو السعودية CPC هذا البرنامج رح يوفر لك الشي الكثير

وانا ارى درجتك قوية في التوفل مقارنه بانك باقي تدرسين الثانوية

برنامج ارامكو فيه تخصصات كثيرة في الهندسة بامكانك الاطلاع عليها فور اعلان البدء في التقديم ع البرنامج

اتمنى لك التوفيق

اولا:

الاخ الغامدي انا كذلك مأيده كلامك ...... بس لابد الأخذ بالإعتبار اللي قاله الأخ بندر والناس صارت عايشه عشان لقمة العيش وعشان الوظيفه وانا شخصيا ابغا شي يتوافق مع ميولي ولكن يكون مجاله الوظيفي واسع وممتاز .... بس مادري كل واحد يقول كلام وانا اشوف كلامكم الإثنين صح ...... بس زي ماقلتم بالنهايه ماخاب من استخار ولا ندم من استشار .....
وشكرا لك الأخ الغامدي الله يعطيك ألف عافيه


ثانيا :
مشكور اخي سكاي دانسر ..... مره معلومه افادتني .... وراح اقراء عنها واقدم فيها باذن الواحد الاحد اذا حصلت فرصه .... بس عندك خبر متى وقت التقديم ... شروط التقديم ؟؟ ولا هاذي المعلومات كلها بلاقيها بموقع ارامكو؟؟

ع العموم مشكور اخوي والله يعطيك ألف عافيه


ومشكورين كلكم الله يعطيكم ألف عافيه

كلامك صحيح ما عليه غبار الطموح مطلب و هذا سر تقدم الغرب أنهم يدخلون التخصصات التي تلبي طموحاتهم مع العلم أنهم يعرفون أنهم على تقدير من الجميع


كلام صحيح

شوف يا أخي أنت تقول إذا ما لقت في الشركات تروح اكاديمي هذا كلامك طيب وين الجامعات في السعودية التي كليات الهندسة الكهربائية تدرس فيها نساء وين ؟ عطني مركز واحد للبحوث في قسم الهندسة الكهربائية فيه نساء في السعودية إذا الطلاب ما حصلوا وظائف تبي النساء

لا تحاول تبرر بدون دليل حاول تواجه الواقع بكل قوة و حكمة و على الطاري عطني شركة في السعودية طالبه مهندسة كهربائية ؟؟


حاول أنك تواجه المشاكل بحكمة وليست بعاطفة

الاخ بندر ,,,,,, سلمك الله وبعد:
بالنسبه للكليات الي تدرس هندسه كهربائيه في السعوديه
1- جامعة عفت كما ذكر الاخ سابقا .
2- جامعة الملك عبدالله للعلوم والتقنيه .

اما بالنسبه للشركات السعوديه فيه شركة ارامكو مثل ماذكر skydancer , وشركة سابك وشركات النفط العالميه الكبرى العامله في المملكه
وهذا رابط برنامج ارامكو للابتعاث http://www.saudiaramco.com/irj/porta...Programs&ln=ar

وهذا رابط آخرلخبر في قناة mbc عن البرنامج .

وبالنسبه لمركز البحوث لا استطيع ان اقول انه لايوجد ولكن بحثت ولم اجد .

اخي بندر كلامك صحيح لكن في المقابل انا لا ادري (لماذا لا نستطيع التفكير خارج الصندوق؟؟) العالم في وجود النت اصبح متقارب جدا يعني تستطيع المرأه ان تعمل لمركز بحث خارج المملكه اذا لم يكن موجود عندنا وان تكون باحثه وهي داخل بيتها اصلا.وتستطيع ان تثبت جدارتها وتتهاتف عليها الشركات والجامعات ,على فكره بعض الشركات قد تشتري او تدعم لك ابحاثك مثل شركة سابك في السعوديه .

كما ان المراقب للساحه السعوديه في الوقت الراهن يرى اختلافا كبيرا في التعامل مع المراه وانا متفائل جدا بالنسبه لوضع المرأه في السنوات القادمه.
سعدت بالحوار البناء معكم
وشكرا

السلام عليكم .....
أخ بندر وأخ الغامدي .... رجاء نقفل الموضوع هذا ..... اذا تبون تتحاورون يا حبذا تراسلون بعض ع الخاص فضلا لا امرا الله يسعدكم....


ومره شكرا لكم كلكم لأنكم ساعدتوني .... والله ما توقعت الردود هاذي مره تسلمون وماتدرون قد ايش افدتوني ....
امممممممممممممممم حبيت اسألكم مين اقوى من ناحية الهندسة ..... نيبراسكا ولا اوريجون ولا متشيجن ؟؟ ... تدرون نفسي ادخل برتش كولومبيا لكن سمعت القبول منها صعب ..... خصوصا انهم يشترطون بالتوفل 550 ومافوق وانا جايبه 537 .... افكر اعيد الإختبار باذن الله .....


اي صح عندي سؤال ثاني ...... اممممممم الحين هل ممكن احصل على قبول مشروط من احد الجامعات وانا لسا مو مكمله الثانويه ؟؟؟ لأني فكرت اخذ قبول مشروط لكن قلت انا ما املك شي لا شهاده ولا غيره ...ما املك سوى شهادة توفل ..... مادري ياليت تفيدوني واكون لكم شاكره


وشكرا للكل والله افدتوني كثير ..... وأي استفسار اي شي مبهم مافهمته مني مو واضح بالنسبه لكم ... اسألوني
ولكم من احلى تحيه
مع خالص ودي
نوره

يا أختي البنات صعب يحصلون على وظائف هندسية
فأرجو انك ما تتورطين ولكن شوفي التخصصات الطبية لانه فيه فرص للوظائف
والله يوفقك الجميع

بالتوفيق لكن انا مع رأي الاخ بندر

وظائف البنات في مجال الهندسة الكهربائية عالميا قليل ومحليا معدوم
اقول هذا لاني عملت كمهندس كهربائي هنا وزرت مصانع في اوروبا واستراليا ومحطات كهرباء
فلم أرى أو أسمع يوما بمهندسة كهربائية تعمل في هذه الاماكن
اما هذه المحاوله لارامكو لتخريج مهندسات كهربائيات فتعتبر فاشله
ولا اقول هذا ارتجالا
لسببين السبب الاول لان عملنا ميداني وفيه احتكاك بالعمال والمقاولين وتحت الشمس وضغط ومناطق نائيه مع رجال فقط
و وجود مرأه معهم يعد خطر عليها
الامر الثاني: لنقل انه تم توظيفك بالفعل في ارامكو سيضطرون لجعل عملك مكتبي وهذا سيجعلك تملين بسرعه لانكي لاتعملين في مجال تخصصك بل امور مكتبيه وهذا مالاتحتاجين لتحقيقه شهادة هندسه كهربائيه

عموما انا ارى انكي تبحثين عن عمل ليس فيه اختلاط مع الرجال ارضاء لربك وخيرا لدنياك وآخرتك

بالتوفيق