احتاج مساعده في الماث كاد والسي بلس والاسمبلي بلييز

ماذا تريد بالضبط ؟

أبي شخص يفهم بما سبق وان ذكرت واتواصل معاه
ارسل له الاسايمنت ويضبطها لي وله ان شاء الله اللي يبي
مستقبلي وبعثتي في خطر واحتاج المساعده باسرررررع وقت

طبعا مو شرط انت بنفسك يمكن تعرف احد يعمل هالاشياء او انت بنفسك مو مشكله او حتى لو بالسعوديه او اي مكان بالدنيا
اهم شي اخلص هالبروجكتات واسلمهم على خير

بصراحة لازم أنت تكرف على الحل أما هذه الطريقة أنا ما أنصحك فيها أبد فيه مدرسين خصوصيين في لغة السي و أكيد إذا تبي تعطيهم فلوس يحلون أبوها بس وش الفائدة إذا أنت ما فهمت الطبخة النت مليان كتب عن كل هذه البرامج و إذا تبي موقع فيه كتب مليانة و بالغة العربية ابشر من عيوني بس اهم شيء تقرأ و تفهم هذه البرامج بصراحة إذا أنت رجل تستطيع أنك تحل المشاكل بهذه البرامج فأعرف أنك مهندس قوي جدا أما هذه الطريقة اعتقد لا تسمن و لا تغني من جوع في أنك تجد شخص يحل لك الواجبات

أما مسألة أن مستقبلك في خطر أكيد و انا أخوك بهذه الطريقة
اعتقد كان لديك الوقت الكافي في إعطاء المواد حقها خصوصا مواد مثل لغة السي بلس شف إذا تبي كتب قوية و ذات فعالية و مجربة راح أعطيك كتب تفهم يعني تفهم و إذا كانت لغتك قوية صدقني ما راح تحتاج لواحد يشرح لك إلا في جزيئات صغيرة

البلاد محتاجة لكم و الأمة الإسلامية كذلك فأرجوا عمل كل ما يستطاع لجلب هذه العلوم لنا قد أكون خرجت بعض الشيء لكن لا مانع من الإستطراد إذا كان فيه فائدة

تقبل تحياتي و ارجو أنك ما تأخذ كلامي على محمل خطأ

جزاك الله الف خير وكلامك على عيني وراسي من فوووووووق وهو الصح
لكن الظروف بعض الاوقات اقوى
والحمد لله على كل حال
اخي الكريم
لو ماني مضطر لهالشي ما طلبته ولعلمك بمجرد حصولي على الحلول ما راح اسلمها حتى افهمها لان فيه مناقشه وبرزنتيشن
بس انا محتاج احد متخصص حتى احصل على درجات عااليه جدا عشان اضمن النجاح لان وضعي خطير
بمجهودي الشخصي ما راح اجيب درجات عاليه

شكرا لك على كلامك
ويا ليت احد عنده استعداد يخدمني او يدلني على احد يضبط لي هالبروجكت
انتظركم اخواني

طيب ما هي طبيعة البروجيكتر لعلي اساعدك ضع أسئلتك هنا يمكن أحد يعرف الحل و يمكن أحد يعرف على الأقل سؤال واحد منها صدقني لن تجد أحد يخدمك بكل هذه البرامج وبالصورة التي أنت متخيلها لكن ضع أسئلتك هنا أنا أشوفها أفضل و لعلي أنقل أسألتك لكم واحد من الشباب تخصصهم حاسب خصوصا في لغة السي و يمكن انا اساعدك لأني درست هذه المادة

تسلم اخوي والله ما تقصر
بالنسبه للسي فتأكدت ووجدت انه اختياري بينها وبين الاسمبلي وطلع الافضل الاسمبلي لانه هو المتوفر عندنا في اللابات
لان البرنامج المطلوب هو عباره عن محول للسيقنال من انالوق الى ديجيتال والهارد وير المستخدم هو مايكرو كنترولر 8031 هالبروجكت عندنا فيه شغل هاروير كثير وتصميم سيركت ودريلنق وسودرنق وبياخذ مني وقت مره كبير وفوق هذا كله محتاج بعد السوفت وير ديزاين اللي هو مثل ما قلت لك ADC عموما البروجكت له معايير معينه موجوده عندي
هالبروجكت المفروض نشتغل فيه قروب مكون من شخصين
بس للاسف الشخص اللي معاي مو مهتم ولا بيسوي شي
عشان كذا توهقت لوحدي فيادوب اخلص الهاردوير ومحتاج المساعده في السوفت وير
وهالماده بالذات محتاج فيها درجات عاليه عشان اضمن النجاح باذن الله
وربي محتاااااااااااااس وخلها على ربك
عموما معايير البروجكت موجوده عندي بملف وورد ارسلهم لك عالخاص اذا عندك استعداد

ولا زلت اكرر طلبي
اذا فيه احد يعرف مدرس خصوصي او احد مختص في عمل مثل هالبروجكتات يدلني عليه والله يوفقه دنيا واخره
انحطيت بموقف لا احسد عليه
والحمد لله على كل حال

ارسل على الخاص
اوكي

ترا ارسلت لك الملف عالخاص اخوي بنر
لو ما طلع وياك عطني خبر لا هنت

وصل الملف و الله يعينك بصراحة الموضوع دسم جدا