استفسار عن رواتب مهندسين الاتصالات

اعلى راتب للمهندس في المملكة لحديثي التخرج هي شركة ارامكو 12000 الاتصالات قريبه جدا من هذا الراتب تقريبا 11000


الشركات دائما تفضل حاملي البكالريوس مثل ارامكو وسابك



اما الماجستير فهو اكيد اضافة وماعندي خلفية بالنسبة للماجستير

مشكور اخوي ولاهنت ع الرد انا سمعت ان شركة الالكترونيات المتقدمة يعطون للبكالوريوس 13 الف
وحسب علمي سابك وارامكو مايوظفون مهندسين اتصالات لانهم مايحتاجونهم

ننتظر الباقين خاصة الموظفين

ما عندي خبرة عن اعلى راتب للمهندسين حديثي التخرج .. بس بالنسبة للشركات .. انا تخصصي نفس تخصصك .. وانصحك بالتوجة الى شركات الاتصالات .. لانها افضل الشركات الموجودة في السعودية حاليا .. حتى لو كان الراتب مبدئيا اقل من مهندسي ارامكو او سابك .. مع الوقت راح تتقدم في الوظيفة بشكل افضل وراح يرتقع الراتب باذن الله..

عندك المشغلين مثلا stc , موبايلي , او زين .. وعندك كمان الشركات المتعاقدة معهم .. وهم غالبا شركات عالمية.. اشهر هذة الشركات الموجودة في السوق حاليا هي ,,, اريكسون .. هواوي ,, ونوكيا .. هذة الثلاث الشركات هي اكثر الشركات اللي عندها مشاريع مع الشركات المشغلة ..

ايييييييييييه نسمع رواتب لاكن مانشوف
ما ابي احبطك بس كل المهندسيين يبون زين وموبايلي والاتصالات السعوديه وارامكو وسابك وهذي الشركات رواتبها فوق العشره بس كيف تتوظف فيها هنا السؤال لان الكل يقدم عليها ومو الكل يتوظف
التحليه توظف مهندسين االمترونيات واتصالات تقريبا 9600 ريال نفس الشئ يقدموا كثير والي يتوظفوا قليل

اما الشركات المتعاقده مع المشغلين وبما انك سعودي راتبك ماراح يزيد عن 8000 ويسجلوك بصندوق تنمية الموارد البشريه يعني كل الي يدفعوه 4000

في الشركات المتعاقده مع الحكومه بمشاريع الصيانه للمرفقات الحكوميه سواء سنترالات او اجهزه لاسلكيه الرواتب فيها من 3500 الى 6500 بالكثير انا جلست باحد الشركات تقريبا سنه و4 اشهر براتب مايوصل 4000 والحين رحت لشركه ثانيه براتب مايوصل 9000

انا ما ابي احبطك بس الموضوع ارزاق وكل ياخذ رزقه لي زملاء معاي تخرجوا في منهم راتبه 5000 ومنهم 16000 باحد المدن الطبيه

اهم شئ للمهندس الخبررررررررررره واللغه بدونها المهندس مايسوا شئ

شقيقي يستلم 24000ريال شهري مع البدلات والانتدابات
يحمل شهادة البكالوريوس في الهندسة الكهربائية وخبرة سنه في شلمبرجيرالفرنسية في دولة المكسبيك
يعمل في هئية الاتصالات منذ سنتين

يعطيكم الف عافية حبايبي
طيب بالنسبة للدوامات فيه شركات تداوم حتى يوم الخميس حسب ماسمعت

الحين بصراحة احترت بين الاعادة بالجامعة يعني وظيفة حكومية ويبتعثوني بعد ما اتوظف بسنة او اقل
الميزة فيها رواتبها مش بطالة حسب علمي تبدا من 9000 واجازات ع طول مع الطلاب يجيك سنويا بحدود 3 شهور
اجازة ومستقبلها باذن الله مضمون يعني بالنهاية اصير دكتور مهندس
ومهما تسوي راتبك يجيك كامل نهاية الشهر مو زي الشركات الخاصة يحسبون كل ساعة عليك
وشهر اجازة بالسنة ويقولون الموظفين بالقطاع الخاص مهضوم حقهم

اللي ابي اوصله لكم اني ماراح اتوظف مباشرة يعني ان شاء الله راح اكمل دراستي بالماستر
وبعدها اتوجه اما للجامعة عضو هيئة تدريس او لشركة خاصة
هنا النقطة الهامة يعني محتار بين الحكومي والخاص

والله اخوي الموضوع يعتمد عليك في مهندسين عندهم خبرات ووصلوا لمدراء مشاريع رواتبهم من 15 الف الين 40الف على حسب الشركه هذا غير السياره والتامين الصحي ولاتنسى مبلغ نهاية الخدمه بس علشان توصل للمستوى هذا فيه كثير تحديات وشغل يبيلك تتعب كثير يعني في لازم تختار شركه تعمل فيها على حسب نوعية العمل والمشروع مو على حسب الراتب يعني انا جاني عرضين واحد ب 12والثاني ب8900 اخترت ابو 8900 لانه مشروع جديد وفيه دورات وخبره والثاني مشروع صيانه لادورات لاخبره ولاحتى زياده بالراتب ولازم تتنقل من شركه لشركه على حسب المشاريع والراتب ومسمى الوظيفه وهذي مهمه لازم تهز راسك عند المدير وتقول yes sir خصوصا اذا كان مديرك هندي ولا باكستاني

باختصار الشركات افضل اذا عرفت وين تبي توصل وتخطط صح لازم يكون عندك هدف ووقت معين للوصل لهدفك وخطه محكمه ولا روح للحكومه وريح دماغك خليك على تفاضل وتكامل وتحليل اشارات
افتح موقع ديوان الخدمه وشوف رواتب اعضاء هيئة التدريس من معيد الى دكتور وشوف انت وين تبي توصل واحسبها

اذا تبي االشركات كمل ماجستير اداره هندسيه واذ تبي الحكومه ماجستير ودكتوراه بالاتصالات


تحياتي
مهندس مراد

أخ العزيز راقي كبرى الشركات سابك وارامكوا يوظفون مهندسين الأتصالات بشكل كبير و بالعكس هم بحاجة لمهندسين الأتصالات وخصوصا في المشاريع .. انا خريج هندسة اتصالات والكترونيات و اعمل في شركة ارامكوا السعودية و للعلم توجد أدارة كبيرة متخصصة في الاتصالات فقط .

بالنسبة للرواتب الشركات الكبرى تكون رواتبها مقاربة محصورة بين ( 14 - 18 شاملة البدلاات) لكن لاحقاُ تعتمد على الشركة والخبرة المكتسبة و في العموم في الخمس سنوات الأولى من الوظيفة التركيز يكون على اكتساب الخبرة و هي اللي تدعمك في سوق العمل وتتنفس عليك الشركات الكبرى بأعلى الرواتب والعروض المغرية

تحياتي

يعطيك الف عافية ي بش مهندس لكن بعرف وش تخصصات الماستر اللي يبتعثون الشركة المهندسين لها يعني نفس التخصص او تخصص اداري