استفسار الرغبة أم المستقبل ؟

July 10th, 2013, 03:41 AM

السلام عليكم .. أنا يا أخوان طالب سعودي عمري 16 ساكن في بريطانيا مع أهلي ، وتوي خلصت الثانوية البريطانية .. المهم أنا أبغى أختار تخصصي ومحتار بصراحة بين الفيزياء والهندسة الكيميائية ..

وش أقول لكم عن الفيزياء بس الفيزياء طموحي وهوايتي وأعشق كل ما فيها (النسبية ، نظرية الكم ، الفلك ، الخ...) .. بس المشكلة أبوي والناس ما ينصحون فيها لقلة الوظائف غير التدريس .. بالمقابل الهندسة الكيمائية بأقدر أضمن بها مستقبلي خصوصاً مع توجه المملكة البترولي-بيتروكيماوي ، وكمان راتبي بيزيد مع زيادة سنين الخبرة .. من ناحية الرغبة ، فأنا أفضل الفيزياء بكثير على الهندسة الكيميائية .. بس من ناحية الوظيفة ، أتوقع واضحة ولو قررت إني أدرس الفيزياء في الجامعة ، فأنا بأدرس في جامعة ساوثهامبتون البريطانية اللي تعد من أفضل 5 جامعات في تدريس الفيزياء على مستوى بريطانيا .. ويمكن أحول لأكسفورد أو مانشستر أو الكامبردج بعد البكالوريوس .. أنا ما أكره الهندسة الكيميائية ، بالعكس أنا أخترت التخصص هذا كبديل .. بس رغبتي لتخصص الفيزياء أكبر بكثير

يعني في النهاية وش تنصحوني أختار .. الفيزياء أم الهندسة ؟ وهل ممكن يتغير الحال بعد 5 سنين وتطلع وظائف لخريجي الفيزياء ؟

مشكورين ..

• نشر عبر تويتر
• نشر عبر فيسبوك
• نشر عبر جوجل