الجامعات العالمية المرموقة في مجال الأحياء .. مشاركاتكم مفتوحة

August 9th, 2009, 06:01 AM

السلام عليكم ورحمة الله وبركاته

كلنا مدووووشين في قصة ايش التخصص الي تحته التقنية الحيوية و ايش الاشياء التانية و ايش باقي وعدل الدولة و كندا قبولها صعب و أمريكا فيها جرائم و بريطانيا وقفوا الابتعاث عليها لوجود سعوديين بكثرة و الواسطات ذبحتنا ..... الخ

شوية و يخلص البندول من الصيدليات وانا بس اقرا مواضيع زي كدا في المنتدى .... ياربي لطفك يارب

خلوها على الله واكثروا من الدعاء و الاستغفار و الي ربنا كاتبه بيصير وكل واحد حياخد قسمتو ونصيبو زي ما يقولوا


هادي مقدمة زي ما يقولوا للموضوع الي جايكم فيه واتمنى الاقي تفاعل منكم و مشاركة لو بكلمة بس نطلع بفايدة لنا كأحيائيين ونستفيد منها كلنا ان شا الله و توفر على الغالبية فينا مجهود كبير ان شا الله


وعشان نطلع من الدوشة الي قولتها في بداية الموضوع قولت بحكم اني وكتير من الشباب و الصبايا طالعين دراسات عليا في الأحياء ليش ما نتعرف على أقوى الجامعات العالمية في مجال الأحياء و نحصرها في موضوع واحد بحيث تبقى مرجع لنا و لغيرنا من الناس الي ناوية تطلع ابتعاث وبحكم ان الطلاب الدارسين في الدراسات العليا يبحثوا عن شيئين لهم أولوية في البحث :

1- قوة التخصص في الجامعة وشهرتها في التخصص المطلوب .
2- قوة الجامعة و سمعتها عالميا .

اتمنى الكل يشاركنا لو بجامعة وحدة يعرفها قوية في مجال الأحياء أو يدرس فيها صديق او صديقة او سمع عنها

الموووهيم نطلع بفايدة حلوة و نختصر وقت جهد علينا وعلى غيرنا

ولكم فائق الاحترام و التقدير

• نشر عبر تويتر
• نشر عبر فيسبوك
• نشر عبر جوجل