تخصصي الكيمياء الحيوية عندي اسئلة بخصوص الماستر

اختي بالصراحه ماشفت لك هالتخصص واان بعد كيمياء حيوية وابحث عن ماستر بس كيمياء حيويه طبيه او عامه
وعلى فكرة انا موظف ومسمى وظيفتي اخصائي وانا بالبكالوريس ولا اخلص الماستر ان شاء الله اصير اخصائي اول

و انا كمان كيماء حيوية و سمعت انو كمان تقدري تدرسي ماستر تغذية و تصيري اخصائية تغذية
بس انا ناوية ماستر نانو
و الله يوفقنا كللللللللللنا

معليش سؤال

انت اخصائي عشان عندك ترخيص هيئة التخصصات ولا بدون ترخيص ؟

لاني انا مخلصة ماستر بيوكمستري بس مو عارفة فين ممكن اشتغل بمسمى وظيفي اخصائية

شكرا

هلا عزيزتي موفقة ان شا الله

التخصص اللي بتسالي عنه هوة نفسه التغذية
يعني سواء نيترشن او كلينيكال نيترشن هوة نفسه تغذية الكيمياء الحيوية او الكيمياء الحيوية الغذائية

وحلو برضو لو كملتي كيمياء حيوية طبية فكلية الطب
انا لما اتخرجت من البكالريوسفجامعة الملك عبد العزيز كان نفسي اكمل ماستر كلينيكال بيوكمستري في الطب بس للاسف ماكان مفتوح على اياميا فكملت كيمياء حيوية عادية من كلية العلوم

مجالنا حلو ومتنوع ودراسته مشوقة
بس دسم ومترابط ومتشابك مع عدة علوم فبعض


موفقة ياارب

السلام عليكم أنا تخصصي كيمياء حيوية وأبغى أكمل ماستر طبية هل أقدر أكمله في كلية الطب بجامعة الملك عبدالعزيز وهل في شروط أرجو الرد ضرووووري

هلا يا فراشة طموحة

ايوة تقدري تكمليه فكلية الطب انا اعرف صديقتي كملت هناك قبل حوالي سنة سجلت

تقدري تدخلي موقع الجامعة تشوفي الشروط

يعطيكم العافيه كلكم

و الله يحقق لكم ما تتمنون ^_^

Vit E

ليا فترة غيرت تفكيري و و قعدت ادور عن الكلينيكال بايوكمستري..^^

بس انا لسه مستوى خامس و لما اخذت التغذية حبيتهااا..
حسيتها قريبه من ميولي لسه ما اخدت طبية..

لكن لما قرأت عنها حبيتها كمان ^_^

إن شاء الله لما اخدها بعدين و حسيتها اقرب لي لميولي حأتوكل على الله و اقدم عليها

ايوه قرأت ان الجامعه فيها دا التخصص بس في الدفعة يقبل عدد قليل جدًا الترم اللي راح بس 8 طلاب و طالبات ..!

بس ابغى اعرف ايش ممكن يكون المسمى الوظيفي لخريج الكيمياء الحيوية السريرية أو الطبية؟؟؟؟؟؟؟؟؟؟؟

و كمان البنات يقولوا انو ممكن أكمل ماستر في الطب و أصير طبيبة..!

انا اعرف دا الكلام في كندا انو يدرسوا 4 سنوات علوم بعدين يتخصصوا طب..

هل دا الشيء هنا موجود..؟
لأن القبول في كندا جدًا صعب..

وأنا رغم حبي لتخصصي إلا أنني مازلت مقتنعة و بشدة أني أبغى الطب..!

و الحمد لله انو الحيوي قريب منه ^__^

معليش كثرت أسئلة بس لأن مرات يجيني إحباااط من التخصص و بعدين أرجع أغير و اتفاءل لأن تخصصنا الحمدلله رغم صعوبته إلا انه ممتع و حلو

و شكرًا

السلام عليكم

انا قدمت على البعثة علوم صحية (تغذية) ايرلندا

وانا خريجة كيمياء عامة

ايش ممكن اتخصص في الماستر او اي شئ قريب وحلو من البيوكيمستري او التغذية او شئ شيق لاصعب ولا سهل

انجليزيتي مش ولابد نفسي ادخل على الجامعات الايرلندية واعرف اي شئ لكن ماباليد حيلة لو احد يخدمني اكون شاكرة

انا باذن الله تخرجي حيكون مع نهاية الترم دا تخصص كيمياء حيوية جامعة الملك
وافكر اطلع اكمل صيدلة او اي تخصص اخر يجمع بالكيمياء الحيوية ايش نصيحتكم ليا والله محتار