تخصصك رياضيات؟؟ تبغا جامعات بدون GRE؟؟ طيب أتفضل عندنا..

بعد الاذن من الاخ زعفور بأعطي نصيحة للاخت ابتسامة كبيرة,,,,,

في البداية اتمنى لك التوفيق والقبول في المرحلة السابعة ان شاء الله,,,

فكرة جميلة جدا انك تطوري نفسك قبل الابتعاث وانصحك بالتركيز على أهم 3000 كلمة في اللغة الاتجليزية تم اعدادها من قبل المختصين من اكسفورد,,,,
موجودة بموقعهم,, (The Oxford 3000 Word list),,,وبأحاول ارفقها للفائدة,,

من ناحية السنة في اللغة ان شاء الله انها تكفيك لانك حاصلة على 400 في التوفل وكمان رح تطوري نفسك قبل المجيء,,,لانه المعاهد في الغالب تكون من خمسة الى ستة مستويات وكل مستوى يتطلب الدراسة فيه ما بين شهرين الى ثلاثة اشهر,,
,وكمان الطالب المجتهد الملحقية تمدد له ان شاء الله ,,,,,
من ناحية الاوراق انا اخذت من الجامعة اكثر من 20 ظرف مختوم من الخارج وللاسف الى الان ما استخدمتها لان الشغلة في البداية تكون مراسلات الكترونية ثم اذا انقبلت في الجامعة اتوقع يطلبون منك الاصول والظاهر حسب شروط الجامعة,,
,والاوراق هي الوثيقة والسجل والتوصيات ( مترجمة ) وكمان طبق الاصل,,, واتمنى لك التوفيق ,,,,

الأخ أبو عبدالرحمن الله يسهل أمرك وأرجو أن يكون التوفيق حليفك والنصر رفيقك ، التوفل هو شغلي الشاغل الأن لأني ماأبي تأخذ اللغة مني سنه كامله هناك حتى يتسنى لي مراسلة الجامعات بدون خوف أو قلق ، باقي الأن نضبط الأوراق بس عسى تتساهل معانا الجامعة وتعطيني 20 ظرف مختوم..

والله ياأخوي ماعندي خبر عن الأيلتس , لكن الجامعة قبولاتها جدا سهلة, وطالبين في التوفل 61 اغلب التخصصات العلمية وبدون الـ GRE فبصراحة ماأعتقد درجة الأيلتس تزيد عن 6 , لكن إنتا حاول وراسل الجامعة قسم القبول والتسجيل أو نفس قسم الفيزياء وأسألهم عن الدرجة في الأيلتس (شوف في أول صفحة ممكن تستخدم الخطاب وجاهز مع شوية تعديلات)

اهلين أختي نجلاء لكي وحشة والله وعن أخبارك , فرحتيني والله ربنا يسعدك وزوجك ويوفقكم لكل خير
انا آليتي كانت في البعث عن الجامعات كانت عن طريق وزارة التعليم العالي الجامعات الموصى بها , مسكت امريكا ولاية ولاية , وكل ولاية دخلت على جميع الجامعات في موقع الوزارة , وعاد سويت أوراق ولستة بالجامعات وشوروطها مهما كانت سهلة أو صعبة , وسويت تقريبا ورقتين كبيرة لأكثر من 25 ولاية , وبعدين بدأت أشوف الشروط الأسهل في القبول وبدأت مراسلة الجامعات

العملية هادي لا تستعجلي فيها دحين , انصحك تغلقي سنة بعدين تبدأي تركزي وتدوري على الجامعات
ربنا يكتبلك الخير
أهلين أخوي عبد الرحمن أعذرني إني مارديت عليك بدري
مافي مشكلة أرسلي خطابك على الخاص وانا أشوفه وأعطيك رأيي فيه وأحاول أعدلك وأعطيك نصائح وأضيف فيه إلي أشوفه لازم
وعليكم السلام ورحمة الله
أهلين أختي ,, ربنا يوفقك ويكتبلك الخير إنشاء الله محل مايكون ماشاء الله عليكي ترا درجة التوفل إلي جبتيها جدا حلوة تقريبا تعتبر 50 , والمطلوب للجامعات 61 , أنا كانوا معايا شباب جلسوا أكتر من سنة دراسة لغة وماوصلوا الـ 60 , فنقول إنشاء الله إنك قدها وقدود ولغتك إنشاء الله طيبة , وبالنسبة إنو سنة تكون كافية أو لا , انا بصراحة كانت كافية لي سنة وأقل بشوية , لكن ظروف إني ماقدمت على الجامعات بدري ومالحقت آخر موعد للتسجيل , أضطريت إني أتأخر كمانة 4 شهور , فجلست تقريبا سنة وكم شهر في اللغة وبرأيي بحسب الشخص والأغلب إنها كافية , نصيحتي دام إنو الملحقية عندها فترة سنة ونص للغة فنصحيتني أغتنميها كاملة , إلا لو كنت شاطرة أو مستعجلة وجبتي درجة القبول حقت التوفل من بدري , فخلاص بإمكانك تبدأي الماجستير حتى لو غلقتي سنة في اللغة

بالنسبة لمعاهد اللغة , دام إنك حتقدمي على برنامج الإبتعاث بالملحقية هيا تجبلك قبول معهد اللغة , وإنتا بعدين تجيبي جامعة للماجستير في فترة دراسة اللغة , فالكلام إذا بتقدمي دحين على الجامعات وبرنامج اللغة وتطلعي على حسابك في البداية فلازم تجهزي مظاريف وبأوراق مختومة طبق الأصل (مو الأصلية)وتحطيها في ظرف مختوم من برة (جهة فتحة وقفل الظرف) من قسم القبول والتسجيل عشين يبان إنو محد لعب في ألأوراق وحط درجات وشهادات من راسو

الأوراق المهمة في الظرف :
شهادة البكالوريوس - كشف الدرجات - خطاب الغرض من الدراسة - توصيات علمية - (ولو طالعة على حسابك الخاص كشف شهادة بنكية , ولو كنتي مبتعثة تكلمي المشرف حقك وهوا يرسلك زي ورقة التعريف إنو عندك بعثة والحكومة تتكفل بكل المصاريف)

ربنا يكتبلك الخير

أخوي عبد الرحمن كفيت ووفيت ياغالي , بس تعقيب بسيط على كلامك ,,
إنتا لمن تقدم على الجامعات إلكترونيا , لازم بعدها ترسلهم ظرف فيه كل الأوراق على أساس يبدأو بمراجعة طلبك , وبعدين لو أكتملت الأوراق يرسلوا ملفك على القسم والقسم يطالع شهاداتك ودرجاتك ويكتبولك التوصية إذا ممكن يقبلوك في القسم او لا
ربنا يوفقك لكل خير
أختي لا تشيلي هم التوفل صدقيني بسيطة , انا نكدت نفسي على التوفل ونفسيتي تعبت بس كلو كان على الفاضي , أستهدي بالله ولا تشغيلي بالك كتير وإنشاء الله ربنا يسهلك هيا

وبالنسبة للظروف انا أشوف شغلتها عادي , إنتي تصوري نسخ من أوراقك وتختميهم طبق الأصل من الجامعة , هادي شغلة بسيطة وعادية , وبعدين قوليلهم انا مبتعثة ولازم الأوراق تكون في ظرف والختم من برا عشين تعتبر رسمية من الجامعة , الشغلى ماأخدت مني 5 دقايق , وبالنسبالي أعتقد 10 ظروف كافية ووافية , أنا قدمت على 4 جامعات بأربعة ظروف وجاني قبول في إثنين

فنقول الشغلة إنشاء الله بسيطة

أخ زعفور الله يسهلك أمورك ويوفقك يارب من جد ريحتني الله يريحك يارب...

بس معليه في سؤال كمان شاغلني أنا صراحه رتبت أموري كلها على أن تكون دولة الأبتعاث الولايات المتحدة الأمريكية طيب عند التسجيل يطلبو مني اختار ثلاث دول،طبعا الأختيار الأول راح يكون أمريكا بس أخاف يختارو لي من الخيار الثاني أو الثالث ، سؤالي كيف يختارو لي دولة الأبتعاث وهل يكون دائما الخيار الأول متحقق؟؟

من جد الموضوع هذا مسبب لي قلق لأني ياأمريكا يابلا الله يكتب فيه الخير لي ولكم يارب..

جميع من أعرفهم تحققت لهم الرغبة الأولى , وهذا إلي أعتقدوا!
لا تشيلي هم ولا تتنكدي صدقيني نحنا ننكد نفسنا على الفاضي وربنا يسهلها من محل ماتدري (وافتكري كلامي)

السلام عليكم اشكرك و اقدر لك تفاعلك و الرد على استفساراتهم وهذا مادل الى على حسن أخلاقك و حبك للخير.
انا لدي بعثة للولايات المتحدة الامريكية لدراسات درجة الماجستر في تخصص الرياضيات و بتحديد لدي رغبة في تخصص الجبر.
لكن لدي بعض المشكلات وهي بدرجة كبيرة اللغة الانجلزية فلغتي ضعيفة جداً جداً جداً
وكذالك لا احب ان اذهب بدون قبول مشروط و احب او احصل عل. هذا القبول المشروط بجامعة GRE ليس متطلب بها و يكونة برنامج الماجستر لا يتجاوز السنة و النصف بدون صيفي.
أسف على الإطالة بس نسيت اتمنى نصايح اثناء فترة اللغة لي بحكم ضعفي فيها بشكل كبير.
و شكراً *

وعليكم السلام ورحمة الله أخوي
أخوي بالنسبة لخوفك من اللغة هادا شي طبيعي إنو الواحد يشيل همو , وياما أفتكر الشباب يحكوني مواقف سارتلهم أول ماسافروا بالطيارة والمطارات والمعاهد والمطاعم وكلها تتعلق إنو مايعرفوا إنجليزي نهائيا ومواقف جدا بلهة , لكن كلها ماتتعدى غير إنها ذكرى حلوة وأيام جميلة عدت ,, من أعز أصحابي يسكن في قرية تابعة لقرية تابعة لمحافظة , يعني مرررة على قولتهم بدوي أصلي وماله في الإنجليزي نهائي , والله العظيم إنو بعد سنة وحدة بس صار من أحسن الشباب نطقا وكلاما وفهما للإنجليزي , فالموضوع مرة عادي وبسيط ولا تشيل هم , لكن يبغالوا صبر وشغل شوية وإختلاط بالشعب الأمريكي.

وبالنسبة لحكاية إنك تفضل تطلع وقبولاتك كلها جاهزة , فأنا دايما أعيد وأكرر , لا تشغل نفسك وعقلك وتفكيرك بكل شي الآن , وربي يجيك نكد وهموم مابعده هم , مدري ليش الواحد مستعجل على كل شي , نصيحتي لك أطلع وأبدأ في اللغة , وخلال فترة اللغة راح تبدأ تتعلم وتفهم النظام في الجامعات والقبولات , ووقتها تكون مهيأ إنك تدخل مواقع الجامعات وتشوف شروطها وبرامجها والمواد والساعات وكل شي وراح تكون مهيأ إنك تقارن وتختار افضل جامعة لك , الوضع جدا مختلف لمن تروح هناك وتبدأ تعيش حياتهم , منظورك راح يختلف 100 درجة بعد ماتعيش هناك وتشوف الوضع , نصيحتي لك خذ الأمور بروية وكل شي في وقتوا حلو , انا شخصيا بدأت أدور قبولات الجامعات للماجستير بعد تقريبا 8 شهور من فترة اللغة.

نصايحي لك بالنسبة للغة كتيرة لكن أختصرلك هيا في 3 نقاط مهمة:
1. لا تسكن مع سعودي أو عربي , او يكون في عربفي نفس بنايتك (شرحها يطول وياريت ماتفهمني غلط)
2. حاول تقلل من خرجاتك مع السعوديين , وحاول تكون صداقات مع أجنبيين تخرج دايما معاهم (برضوا لا تفهمني غلط وشرحها يطول)
3. حاول تشتريلك دفتر نوتات صغير , وأكتب فيه كل كلمة جديدة تمر عليك أو تحسها مهمة وممكن تفيدك فيحياتك اليومية ( أكبر غلطتي في دراستي إني ماسويت هذا العمل)
هادي خلاصة تجاربي في دراستي للغة وهيا من منظور شخصي خاص بي , أتمنى محد يفهمني غلط أو يحسبني عنصري ومتعقد , ولمن تسافر راح تفهم قصدي

بالتوفيق وآسف على الهرج والبربرة الكتير :S

الله يعطيك الف عافية اخوي زعفور,,,اتمنى لك التوفيق في الدنيا والاخرة,,

السلام عليكم جميعا
إنشاء الله خلال الأسبوع الجي حأحدث الموضوع في الصفحة الأولى بخطاب الغرض من الدراسة حقي لقسم (رياضيات)