تخصصك رياضيات؟؟ تبغا جامعات بدون GRE؟؟ طيب أتفضل عندنا..

الله يعطيك الف عاافيه .. والله جد ارتحت لما قريت موضوعك كنت متخووفه انه الدراسه برا تكون صعبه
انا طبعاا قدمت على المرحله السابعه ... وطبعا اخترت اول رغبه امريكا وبعدها كندا وبعدها ايرلندا ... بس حبيت اسئل هل مضمون بتطلع لي الرغبه الاولى لانه بجد حلمي من زمان اروح امريكا

وعليكم السلام ورحمة الله اخوي
والله انا دايما انصح واقول إنو الواحد لا يستعجل الأمور ولا يستبقها, انا فاهم شعورك وتخوفك من المجهول خصوصا إنك ماتدري كيف بيكون الوضع هناك. ترا الوضع جدا سهالات وبسيط فوق ماتتخيل لا تنكد على نفسك وتشيل هم وتحرق في روحك على الفاضي , نصيحتي لك إنك تروح وتركز في اللغة عشين تقويها , وأرى الأنسب إنو بعد 6 - 8 شهور تبدأ تدور على الجامعة إلي بتكمل فيها الماجستير , نظرتك للأمور وللجامعات راح تختلف كثير لمن تروح هناك , راح تروح وتستفيد وتتعلم أمور وتشاور ناس وتعرف كيف أنظمة الجامعات وقبولاتها , الشغلة جدا سهلة وبسيطة , وانا مبسطها لك كمانة بالجامعات إلي حطيتها في اللستة , فنصيحتي روح وخلي تركيزك الكامل في البداية في اللغة وسبل تقويتها

ربنا يوفقك ويسعدك

الله يعافيكي أختي
الدراسة بصراحة ماهي مرة صعبة وماهي كمان سهلة , بالتركيز وحل الواجبات اول بأول راح تمشي امورك تمام إنشاء الله
حسب مابأشوف في المراحل السابقة وكمانة كم واحد من اصحابي , الوزارة بتعطي للمبتعث الخيار الأول , لكن الواحد مايدري في الخير مكتبلو , ربنا يوفقك محل ماتكوني وخلي املك بربك كبير
موفقة

مشكووووووووووووووووووووووووووووووووووووووور يا غالي

الله يقويك أخوي على مساعدة اخوانك واخواتك
ربي يجزاك كل خيير

أنا عندي إستفسار
الحين أنا طلع اسسمي من ضمن المرشحين للمرحله السسابعه واخترت امريكا وتخصصي رياضيات
وابغى نصيحتك لي إيش أفضل ولايه من حيث الامآن والأسعار ماتكون غالييه والدراسه ادري ماراح تكون سهله لكن ابي جامعه تكون معترف فييها
كنت محتاره بين نيويورك وبين دنفر لكن خوفوني يقولو دنفر من اخطر المدن ونيويورك فيها اعااصير ومدري ايش
إيش رايك بـ فيلادلفيا ؟! مره حآيره ^^


ياليت اللي عنده الخبره والمعرفه يفيدني ^^

بالعكس اختي دنفر وعموم ولاية كولورادو من أحلى الولايات في أمريكا وأكثرها أمناً, بصراحة أحسن وأحلى وأرقى من ناسها ما قيد شفت , قمة في التعامل حتى مع المحجبات , اروع وأحلى أيامي كانت في ولاية كولورادو , أنا انصحك فيها بشدة تعبت من كثر ما أعدد في مميزاتها , لكن السلبية الوحيدة فيها هيا كثرة الخليجيين والعرب والسعوديين فيها , اتخيلي تتخلي المعهد تحصلي 70% من الطلاب عرب يتكلمو عربي , هادي السلبية الوحيدة إلي فيها. وبالنسبة للأمان ترا آمنة , واسعار السكن جدا رائعة ومناسبة.

وبالنسبة لنيويورك بالعكس في كل شي , انا عشت فيها قرابة 7 شهور , السكن والمصاريف ناااااار , ساكن مع واحد امريكي بحدود 1100 ويبقالي 700 دولار والله يدوب تكفيني نهاية الشهر , وفي ممكن تحصلي سكن رخيص لكن بصراحة قمة في الوساخة وفي مناطق خطرة شوية , معروفة نيويورك بالجرائم إلي فيها لكن هيا خفت كثير عن أول. العيش في نيويورك جدا حلو وراح تنبسطي كثير , لكن الله يعينك على المصاريف.

راح أعطيكي كم ولاية جدا حلوة والدراسة تشرح الخاطر ورخيصة نسبيا:
كولورداو - اوريجن - فيرجينيا - فلوريدا - أريزونا - مدينة سانت انتونيو في تيكساس (المدينة جدا رائعة ورخيصة والحياة مرة حلوة فيها ماراح تندمي لو رحتيها) - رود ايلند - انديانا - اوكلاهوما

الأماكن ماأنصحك فيها لكثرة الجرائم:
نيوجيرسي (خصوصا الشمال الجنوب اهدى وأحلى) - بينسيلفينيا (خطيرة عموما وكلهم عبيد) - ميتشيغان و اوهايو و ايلينوي (الجريمة منتشرة عموما لكن برضوا في أمان - غير كمانة نسبة العبيد كبيرة فيها)

أماكن المعيشة فيها جدا حلوة لكن تعتبر غالية في السكن:
نيويورك - ماستشوتس - كاليفورنيا - واشنطن العاصمة - ولاية واشنطن - فلوريدا

ربنا يكتبلك الخير محل مايجي

معلش القروب الي كنت كاتبه هنا طلع فيه غلط
group69508@ gro up si m.com
من غير مساحات

السلام عليكم ... ممكن اخذ رائك في ولاية ماستشوتس بوسطن خاصة لدراسة تخصص ماستر رياضيات وللمرافق بكالوريوس علوم الحاسب الالي؟؟ وقبل سالتك عن المعهد امباسي بس فيه مشكلة انه الملحقية غير معترفة فيها ايش الحل؟؟

السلام عليكم
كيف الحال اخ زعفور

حبيت اسالك اسهل جامعة لدراسة ما جستير رياضيات .
وجزاك الله خيرا على المعلومات القيمة
والله استفدت من كلامك كثير

السلام عليكم والرحمه
يعطيك ألف عافيه على هالموضوع القيم
بما أن تخصصك أبلايد ماث,,فياليت تجاوب على سؤالي في هذا الموضوع اذا لديك فكره عنه

http://www.mbt3th.us/vb/forum76/thread304208.html

وحابه ايضا اسالك عن جامعة دايتون و سانتا بربرا
من حيث الفرق بينهم في القوه والتخصص؟؟

يعطيك العافيه..تقبل مروري.