تخصصك رياضيات؟؟ تبغا جامعات بدون GRE؟؟ طيب أتفضل عندنا..

جزاك الله كل خير

بيض الله وجهك يارب

الله يعطيك العافيه ماقصرت ..., صراحة موضوعك جدا جدا جدا مفيد .
عندي بعض الاستفسارات :

*هل ممكن احصل قبول مشروط يعني قبول ماستر رياضيات بشرط اخلص اللغه في معهد الجامعه ؟ لان العمل مايعطيني اجازة حتى اجيب قبول الجامعه.

**هل الجامعه تعطيني مواد من البكالوريوس قبل مانبدأ في الماستر ؟ وكم لازم تجيب درجات فيها ؟

*** انا ابغى اتخصص دقيق احصاء او جبر . كيف احصل ؟

جزاك الله الف خير

وياك يارب
اسعدتني بدعوتك , الله يبيض وجهك إنتا كمان
أهلين اخوي
بالنسبة للقبول المشروط موجود وبكثرة , لكن بصراحة انا الجامعات إلي قدمت فيها ماسألتها هل عندهم قبول مشروط أو لا , عاد معليش ماعندك غير تراسل الجامعات وتسألهم عن هادا الشي
وبالنسبة للمواد التكميلية ترا مو شرط إنك حتآخدها في كل جامعة , طبعا الأصل إنك تدخل وتبدأ الماستر مباشرة , لكن بعض الجامعات تقول إنو مثلا إنك تحتاج تقوية في بعض المواد , أو في مواد معينة إنتا مآخدتها بشكل كافي. فعلا هادا الاساس يعطوك مواد تكميلية , وعلى الأغلب لو تخصصك إمتداد للبكالوريوس ممكن يعطوك بالكتير مادتين او ثلاث مو كتير. ولو أخدت المواد على كدا يصير قبولك مشروط , تدخل الجامعة وتصير نظامي فيها وتبدأ الماستر لمن تنجح فيها بـ B على الأقل في كل المواد (طبعا ممكن تختلف الدرجة من جامعة لجامعة لكن الأغلب إنها B)

بالنسبة لتخصص إحصاء وجبر أو أي مادة دقيقة , هادي برضوا بحسب الجامعة لازم تراسلها وتسألهم عن برامجهم , بس أغلب الجامعات إلي شفتها انا موجود عندهم بس برامج عامة زي Applied mathematics, Pure mathematics وغيرها يعني تدرس مواد عامة في الرياضيات وانتهينا

الله يوفقك ويسهل امرك

اهلين بجيراننا في ويست منيستر نورت كولورادو
بالنسبة لـ CU Denver هادي اسهل في القبولات من University of Denver
في الــ CU D مشترطين التوفل 71 والآيلتس 6 , وأكيد بدون إختبار GRE
قسم الرياضيات في مجملو ما يطلب إختبار GRE

لكن DU هادي تطلب إختبار GRE وبالنسبة للتوفل بصراحة ناسي كم قالولي طالبين

بالتوفيق

الف شكر على التوضيح

سؤال واحد

الله لايهينك
هل الجامعات الموضوعه في هذا الموضوع من الجامعات الموصى بها من وزارة التعليم العالي؟؟؟؟؟؟؟؟؟؟؟؟؟؟؟؟

والله يوفقك ويوفقني ويونولنا جميعا اللي في بالنا

العفو والله يوفقك
أهلين
أكيد إنشاء الله الجامعات كلها معترف بيها ونص , موجودة في موقع الوزارة , وموجودة في اللستة حقت الجامعات في الحكومة الإلكترونية

بس ممكن في جامعة وحدة موقفين الإلتحاق بيها بس مني متأكد عشين تكدس الطلبة السعوديين فيها , إلي هيا
PITTSBURG STATE UNIVERSITY

الواحد دايما الأفضل يسأل الملحقية أو المشرف حقو قبل كل شي عشين يتطمن زيادة

الله يجزاك خير اخوي

بس ياليت لو تقدر تساعدني في معرفة الجامعات اللي بكندا اللي فيها تخصص احصاء رياضي او حتى رياضيات عامه وماتبغى gre