ماهي الاوراق اللزمه للتقديم مرحله الماجستير والبكالورس

والله اخوي انا نفس الشيء ودي اعرف الاوراق اللازمه لتقديم واتمنى الاخوان يتفاعلو معنا ويفيدونا بالاجابات الشافيه وبالتوفيق لجميع

وانا بعد اطمح لمواصلة الدراسه


ابي اعرف الشروط والاوراق

تكفون ساعدونا

1) ألا يقل المعدل في مرحلة البكالوريوس عن ( 2.75 من 4 ) أو ( 3.75 من 5 ) أو ( 80 من 100).
2) ألا يكون قد مضى على حصول المتقدم على شهادة البكالوريوس أكثر من خمس سنوات بدءاً من العام الجامعي 1426هـ ــــ 1427هــ .
3) ألا يزيد عمر المرشح على سبع وعشرين سنة ( ولا يقبل من ولد قبل تاريخ 9/11/1404هـ ).

هذه هي الشروط المطلوبه لمرحلة الماجستير. واتمنى من الاخوان والاخوات افادتنا بالاوراق اللازمه عند تقديم الطلب واجابتي عن تساؤلاتي :
هل جواز السفر من الاوراق التي لابد إرفاقها في بداية التقديم؟؟
(الوثيقه_التوصيات _كشف الدرجات_شهادة حسن السيره والسلوك) ترفق في بداية التقديم ولابعد صدور الموافقه أي قبولي في الابتعاث ؟؟

وهل التوصيات لابد ان تكون بصورة مقال (لان التوصيات بجامعتي على شكل جدول ) ولايوجد توصيه مقاليه ؟؟

ونرجو منكم الافاده والاجابه على الاسئله لتعم الفائده على الجميع .وشكرا

هلا فيكم يااخواني وأبشروا بلي يفيدكم إزهلوها ..
وأنا أختكم بالنسبه للأوراق طبعا" راح تصورون كذا صوره من كل ورقه من أوراقكم ,,يعني كم صوره من السجل ,,وكم صوره من الوثيقه,, وكم صوره من كل توصيه ..
وقد ماتقدرون صوروا عدد كثير لأوراقكم لا تبخلون لأنكم راح تراسلون كذا جامعه مو جامعه وحده ,, وبعد ماتصورونها تختمونها ختم طبق الأصل ..
بعدها تجيبون ظرف صغير تحطون فيه ثلاث توصيات مختلفه من طبق الأصل وتقفلون الظرف الصغير وتختمونه من بره ..
بعدها تاخذون الظرف الصغير وتحطونه في ظرف كبير وتحطون برضو في الظرف الكبير صوره طبق الأصل من الوثيقه والسجل وإذا عندك شهادات دورات فحطوها عادي ..
بعدها تقفلون الظرف الكبير وتقفلونه وتختمونه من بره .. تأكدوا من أوراقكم كامله في الظرف لأن بعد ماتختمونه خلاص ماعاد تفتحونه ..
ونفس الشي تكررونه مع كل ظرف وبكذا يكون عندكم عدد من الأظرف ..
وبعدها ربي يوفقكم وأنا أختكم ويسهل أموركم وتتيسر وتنقبلون في أفضل الجامعات ..
تحياتي لكم ودعواتكم لي بالتوفيق وتتسهل أموري ..

اهلن شاعره عسكريه تسلمي يالغاليه على تفاعلك بموضوعنا ومساعدتنا .

لكن اختي ,,هل نقوم بعمل هذه الخطوات بعد القبول في برنامج الابتعاث ولا عند التقديم؟؟ وهل نحن نراسل الجامعات اونسلم هذه الاظرف لمسؤولين عن الابتعاث

(وزارة التعليم العالي) وهم يقمون بالمراسله معهم؟؟

واذا عندك خبره في افضل الدول لدراسه الماستر في الفيزياء ياليت تفيديني يالغاليه ؟؟

وماقصد بالسجل المدني هل هو كشف الدرجات؟؟

وشكرا لك مرة ثانيه.

سود الهدب..
يامرحبا عزيزتي وهلا بك ,, بالنسبه للأظرف راح تكون معاكي عشان إنتي بنفسك راح تقدمي عالجامعات اللي راح تدرسي فيها والوزاره مالها شغل
بالبحث عن جامعه لكي ,,الوزاره تجيبلك معهد اللغه ,, أما الجامعه وقبولها عليكي ..
وأنا أختك عشان ترتاحي ضبطي أمورك من الحين وجهزي أوراقك أفضل ..
أما السجل اللي أقصده مو السجل المدني أقصد كشف الدرجات ..
ومن ناحية أفضل الدول فماعندي خلفيه بس كندا يقولون إنها صعبه في الحصول على القبولات الجامعيه أما أمريكا فهي سهله من ناحية القبول الجامعي ممكن تحصلي
جامعات في أمريكا تقبل ,, أعرف ناس إدرسوا في كندا لغه وجابوا قبول جامعي من أمريكا .. أما باقي الدول فما أدري عنها إن شالله الأخوان يفيدونك أفضل مني ..
وأي أسئله أبشري بسعدكي إنتي والجميع ..
بالتوفيق لكي وللجميع ..
دعواتك لي ..

تسلميلي يالغاليه وشكرا على ردك السريع علي واتمنى لك التوفيق ومزيد من النجاح ياااااارب وعقبال الدكتوراه ان شاء الله.

العفو وأنا أختك أفا عليكي حنا كلنا أخوان في المنتدى ونفزع لبعض ..
وربي يسمعها منك وأحصل على أعلى مراتب العلم .. وربي يرزقكي والجميع بالمثل ..
بالتوفيق للجميع ..

السلام عليكم ... لو سمحتي شاعرة عسكرية حابة اسألك الظرف الصغير الي نحط فية التوصيات الختم الي نختموا علية من الجامعة وكذلك الظررف الكبيررررر ..ولك جزيل الشكر مني