المبتعثين لماستر فيزياء يدخلون هنا ..

بس جامعة كوينزلاند للتكنولوجيا الدراسة فيها متوقفة بأمر من الملحقية بسبب كثرة الطلاب السعوديين

صحيح الجامعة م ايقاف الابتعاث لها مؤخرااالكن انا احضرت القبول قبل الايقاف
وسواء قبل الايقاف ام بعدة قد استفسرت من الملحقية الاسترالية وردت لي لامانع من القبول بما اني مبتعثة من الجامعة من ((عملي ))لاني لست تابعة للبرانامج وحاليا صدر قرار الابتعاث من الجامعة بس انا تأخرت الفيزاااا

طيب يا حلوين اللي ما يبي فيزياء طبيه ولاهو هاضمها وش يتخصص انا مقدم بعثه على امريكا بس ابي تخصص يكون له سوق عمل زين بالسعوديه يعني ابي ارجع اذا الله اراد في شركة في مصنع يعني شي يكون تقني شوي وش رايكم في فيزياء النانو او فيزياء الكترونيات او فيزياء اتصالات واللي عنده معلومات عن هذي التخصصات الثلاث يفتينا شوي وخصوصا عن فرص العمل لها بعد ما نرجع

مكانك راوح ما كأني سألت وش معقوله محد عنده معلومات عن هذي التخصصات والا هو انشغال برمضان على العموم الله يجزاكم بالخير

مافيه اي رد يا شباب وش هالتطنيش اللهم اني صايم

السلام عليكم شفيك مستعجل يااخوي
شكلك جيعان وطفشان..............

ليش مو هاضم الفيزياء الطبية

هي التخصص الوحيد اللي من خلاله نقدر نبعد عن الجامعات
وعلى طاري المصانع المهندسين فرصتهم اكبر من الفيزيائيين بمراحل
بس النانو تكنولوجي حلوة بس وين هالمصانع اللي منتشرة عشان نشتغل فيها .........
ممكن تتخصص فيزياء نووية او فيزياء اشعاعية وتتوظف بمدينة الملك عبدالعزيز للعلوم والتقنية (باحث علمي)...........

[/QUOTE]السلام عليكم شفيك مستعجل يااخوي
شكلك جيعان وطفشان..............

ليش مو هاضم الفيزياء الطبية

هي التخصص الوحيد اللي من خلاله نقدر نبعد عن الجامعات
وعلى طاري المصانع المهندسين فرصتهم اكبر من الفيزيائيين بمراحل
بس النانو تكنولوجي حلوة بس وين هالمصانع اللي منتشرة عشان نشتغل فيها .........
ممكن تتخصص فيزياء نووية او فيزياء اشعاعية وتتوظف بمدينة الملك عبدالعزيز للعلوم والتقنية (باحث علمي)...........

[/QUOTE]

والله لاني جيعان ولا طفشان بس اللي ابي ابينه للشباب هاهنا انه يا شباب نصيحه لحد يروح يستعجل ويتخصص فيزياء طبيه تراهم واجد وش كثرهم في البلد وماهو على مستوى الدكتواراه ولا الماستر لا حتى على البكالوريس بعد تراهم كثيرين بعدين وزارة الصحه مكتفيه وما عاد تبيهم ومستشفيات وزارة الدفاع والحرس كذلك لانهم ما يحتاجون في كل مستشفى الا فيزيائي طبي واحد او اثنين بالكثير لذلك قليله وظايفهم في المستشفيات واللي ماهو مصدق يروح يشوف الجامعات ويشوف حقين الفيزياء الطبيه كلهم في الجامعات محاضرين لا ويرجع دكتوراه في الفيزياء الطبيه وتلقاه مسكين يدرس 101 و 102 و 103 مواد الاعداد العام للسنة الاولي حتى يمكن ما يخلونه يدرس تخصصه اذا كان جديد وتوه جاي من برا عشان يجربونه في مواد الاعداد العام وبعدين يا شباب ياخي الله ما كتب رزقك في السعوديه وبس ياخي اذا انت جايب شهاده من برى في تخصص تقني والا تخصص ابحاث للشركات مثل النانو والا الالكترونيات والا اتصالات والا الليزر او اي تخصص من هالتخصصات الزينه اللي الواحد تعب فيها واشقى نفسه فيها لا يضيع نفسه في جامعة وفي الاخير يروح يدرس 101 و102 (فيز) الواحد يروح لمكان يلقى فيه تخصصه في اوربا امريكا بريطانيا اليابان اي مكان يكون موجود فيه رزق الله انشاء الله يروح لزحل يشتغل هناك بس يطبق الشي اللي درسه عشان يطور نفسه ويطور من هذا العلم اللي تخصص فيه ترى الغرب ما نجح الا بهالطريقة على فكره يا شباب قريت قبل فتره ان شركة كيما نول السعوديه اللي نزل لها اكتتاب قبل فتره في السوق ترى شغلها قريب من النانو بس يميل الى كيمياء النانو اكثر وشغلها كله يعتمد على مبادى النانو لذلك أسألو ولا تطلع على نصيحة احد شف انت وش تحب بالضبط وش اقرب ماده الى نفسك تحس نفسك انك حبيتها وابدعت فيها ايام الجامعة وكمل على مسارها والله يوفق الجميع اسف على الاطالة

كلامك على العين والرأس

بس بعطيك بعض المعلومات اللي يمكن غايبة عن بالك شوي

مستشفى الملك فيصل التخصصي ومركز الابحاث قبل اسبوع طالبين تخصص فيزياء طبية ولكل الدرجات العلمية بكالوريس وماجستير ودكتوراة وخص نص من خريجين استراليا والاعلان موجود بالمنتدى وموجود بموقع المستشفى ................ هل تعلم انو فية اجانب تشتغل هنا بالسعودية بتخصص الفيزياء الطبية وكمان بكالوريس ومن قالك ان المستشفى يحتاج شخص واحد بس
بالعكس فيه تخصصات دقيقة داخل الفيزياء الطبية في ناش تهتم بالتشخيص وناس تهتم بالعلاج

وحتى العلاج الاشعاعي فيه تخصصات دقيقة يعني مو كل شخص تخصص بالعلاج الاشعاعي قادر انه يعالج اي ورم سرطاني ....... فيه ناس تقضي الماستر والدكتوراة بعلاج سرطان الثدي
وفيه ناس مهتمة بسطان المخ وناس بسرطان البروستاتا ............ألخ

وترى في فرق بين الفيزياء الطبية والفيزياء الحيوية واحد بالشرق وواحد بالغرب........في دكاترة بالفيزياء ولايعرفون الفرق بين التخصصين والفيزيائي الحيوي مايقدر يشتغل بالمستشفى ماله مكان اصلا دراسته ماتأهلة انه يعمل بالقطاع الصحي ............. وبعطيك معلومة زميلي دكتور بالفيزياء الطبية يشتغل معي بقسم الفيزياء بالجامعة ومن جنسية عربية (مو سعودي) رجع لبلدة وبعد شهرين بس جاء للسعودية بوظيفة استشاري فيزياء طبية باحد المستشفيات التخصصية بالسعودية

السؤال هنا وين السعوديين اللي تقول عليهم مالين الدنيا ........

السعودي يحب الراحة عشان كذا يجلس بالجامعة وياخذ مواد 101 و102 ويعرف أن العمل بالمستشفى متعب وخطر بنفس الوقت لانه بيقضي وقتة بالاشعاع وهذا عمل حساس محتاج انسان مبدع ومايخاطر بنفسة

وجهة نظرك على عيني وراسي واحترمك واقدرك بس يا عزيزي والله مثل ما تفضلت وقلت اعرف دكتور فيزياء طبيه انا اعرفلك عشرات الدكاتره في تخصص الفيزياء الطبيه وزيهم ماستر وزيهم واكثر من اخويانا من جامعة ام القرى تخصص فيزياء طبيه وفي البترول والمعادن الشي اللي قاعد تتكلم عنه صحيح وممتاز جدا بس يا عزيزي الفاضل والله اقولك قله في المستشفيات
ماهو عشان ان التخصص صعب وعمله في الاشعاع لا والله لان اغلب المتخصصين فيه مالقوا في المستشفيات وراحو للجامعة كلامك صحيح يوم تقول انه في فرق في المعالجين واحد في علاج سرطان الثدي واحد في علاج سرطان المخ والخ بس هذا الكلام برى ماهو عندنا احنا مشكلتنا في السعوديه في ازدواجيه في كثير من التخصصات وبعض الاحيان او اغلب الاحيان واحد ياخذ محل الناس الباقين مثلا الان اغلب المعالجين للاورام الخبيثه والعياذ بالله ماهم فيزيائين طبيين هم اطباء تخصصاتهم اشعة في شباب نعرفهم راح كملوا زمالة طبيه وكان تخصصهم في الاشعة
وشغلهم كله على علاج الاورام وفيه بعد تخصص في العلوم الطبيه التطبيقيه وهو اخصائي اشعة وهو يكون معاون للدكتور في الجرعة الاشعاعيه وتقريبا هو قريب من الفيزياء الطبيه
عمل الفيزيائي الطبي اللي من المفروض انه يكون في العلاج والتخصصات الثانيه ينحصر في السعوديه في حاجة وحده يمكن في حساب كمية الاشعاع في الغرف حقت الطب النووي فقط ورح شف المستشفيات والا كيفية وضع الدروع الرصاصيه الواقيه من الاشعاع وحساب مسافاتها مع قاذف الاشعة حتى تبين التأثير المتوقع يعني شغلهم كله في اجراءات السلامة طبعا انا اتكلم في السعوديه ما قلت برى لا ترجع وتقولي شي ثاني ولو ترجع لمستشفياتنا ما عرفوا شي اسمه الطب النووي الي قريب ولكن الله المستعان انا والله ما ني قاعد اتحداك في معلومات والا اكبر راسي بالغلط لا والله بس والله ودي انك انت وبقيه الاخوان ما تتورطون لان اللي نصحوني كثير ودي لكم بالخير مثلي مثلكم
وفي معنى الحديث لايؤمن احدكم حتى يحب لاخيه ما يحب لنفسه والله من هذا المنطلق فقط لاغير اسف على الاطالة