مساعدة درآسة الطب , أو الكيميـاء ؟ المشاعر مختلطه :')

هلا اختي
بامريكا ماينقبل في الطب الا معه بكالوريوس في اي تخصص
وفقك الله

يعطيك العافية مشكور على ردك : )

طيب شرايكم في تخصص الكيمياء وأيش هي مجالاته ؟

وينكم ؟!!
ماحد عنده أي فكره

مرحبا أختي

في مجال الدراسات العليا والأبحاث
تقدري بإذن الله تكملي دراستك العليا في كل فروع الكيمياء - النانو ساينس - الهندسة الكيميائية - علم المواد ( وهو مثل النانو علم يجمع كل فروع العلوم )
إضافة طبعا إلى التخصصات التربوية لو حبيتي مثل المناهج وطرق التدريس وحتى علم النفس

أما المجال الوظيفي فعلى حد علمي : التعليم العالي (بالجامعات) والعام (بالمدارس) - المستشفيات - أرامكو - مدينة الملك عبدالعزيز للعلوم والتقنية (بعض المعاهد والبرامج توظف السيدات)

بالتوفيق

وعليكم السلام ورحمة الله وبركاته ..

بحكم مجالي .. علم الكيمياء علم رائع وعلم جميل .. ومن يتعلم هذا العلم لا يتوقف عن الخوض في تجاربه والبحث اكثر ويفتح ذهنك لاشياء كثيرة .. الكيمياء أم العلوم .. وداخله في كل حياتنا .. جسم الانسان كيميائي ..!

مجالات العلوم والبحث مجالات كثيرة جدا .. عندك الكيمياء العضوية ( كيمياء الكربون ) وهي كيمياء الصناعه ويتفرع منها فرع دقيق يسمى البوليمرات ..

لذلك عملها في ارامكو وسابك وشركات البتروكيماويات .. الكيمياء الفيزيائية .. كيمياء تحليلة .. وهي كيمياء التنقية ..

كيمياء حيويه وهي الكيمياء بداخل اجسامنا ومجالها في العلوم الطبيه والمستشفيات يعتبر جيد .. كيمياء نووية وهاذي راح تفيد لما تفتح المحطه النوويه بالسعودية .. ايضا كيمياء النانو هذا علم له مستقبل كبير .. يعني انا لو اشرح عن النانو راح اسجل سطور عالية ..

بعيدا عن الاطاله والخلاصه .. هي انه علم يستحق من يكرس حياته عشانه ..

بالتوفيق ..!

اخوي هل انت متأكد من معلومتك؟!
الدكتور اللي مشرف علي بالجامعه تخصصه بزنس ودرس طب

المطلوب بشكل عام تخصص علوم
لكن اذا انت متخرج بأي تخصص ودرست المواد المطلوبه لدراسة الطب وهي كيمياء واحياء وفيزياء ورياضيات راح تحصل قبول ان شاء الله بعد اختبار الامكات
زميلة كانت معي السنه الماضيه تخصصها اقتصاد الان تشتغل في عياده جراحيه كممرضه

ترى تقدري تكملي في مجالات طبية ، زي المختبرات مثلا لان فيه في المختبرات حاجه اسمها كيمياء الدم ، انتي أبحثي واستخيري واتوكلي ولو طموحك او ميولك طبي فكملي بالشي اللي تحبيه لانه حيكون كل حياتك

وكمان الصيدلة مجال تقدري تكملي فيه بس لو كنتي تحبي كيمياء المنتجات الطبيعية

إذا انت تبغى المجال الصحي تقدري تكملي في الصيدلة او الكيمياء الطبية

وفيه ايضا تخصصات في الكيمياء صحية بس هذا اللي ذكرت انه قريب بشك مباشر مع الطب

تحياتي