افضل التخصصات

تخصصات علم الاحياء كثيرة بالأمس كنت أتصفح موقع جامعة أكسفورد أصبحت الان بالدراسات العليا خاصية دمج تخصصين بالدراسات العليا بااسم تخصص واحد
يعني مثلا انا خريجة الاحياء وانت خريج الهندسة
نقدر نكمل في الدراسات العليا تخصص هندسة وإحياء بااسم تخصص واحد لكن غالبا تخصص الهندسة اكثر قبول بهذا التخصص من تخصص الاحياء
بتقولون ليه ؟ التخصص فرضا التحليل الإحصائي الحيوي هذا تخصص دراسات عليا يقدر يدخل فيه أصحاب خريجين تخصص الاحياء وتخصص الإحصاء
زميلتي الجامعة ابتعثتها من تخصص المكتبات بكالوريوس آلى تخصص دقيق داخل المكتبات للماستر اعتقد اسمه الحيوية في العلوم مثل كذا
هذا تخصص يتبع تخصصنا بالعلوم لكن في التخصص داخله أنظمة اكثر اتجاه الفهرسة والمعلومات في المكتبات وهو تخصص داخل تخصصات المكتبات العلمية وانظمتها الان
مثل المكتبات الرقمية .
تخصص الاحياء تخصص واسع الأفق لجميع التخصصات في الدراسات العليا لااجل كذا انه اراء اهم تخصص وعليه منافسه بالدراسات العليا من مختلف التخصصات .

احنا ماعندنا نختار مثلا احياء نبات ولا حيوان.. خلاص ندرسه كله.. احياء عامة بسس الاخت غيمة شجن تقول. الافضل انك تكملين في الاحياء ماستر احياء ودكتوراه احياء يعني مااختار تخصص طبي مرتبط بالاحياء. شرايك انت.. !?

( تمت المشاركة باستخدام تطبيق مبتعث )

وعليكم السلام ورحمة الله وبركاته ..

الأخوان والاخوات كفوا ووفوا ما شاء الله عليهم ..

لكن احب انوه عن نقطة وهي .. إذا لك رغبة مستقبلية بالمجال الطبي وانتي بكلية العلوم فأختاري احياء ..

بحيث لو رغبتي الابتعاث والدراسة بالخارج ، تخصص الاحياء مسموح له يدرس علوم طبية ..

طبعا العمل الاكاديمي يشترط امتداد للتخصص .. بمعنى أن يكون بالبكالوريوس احياء والماستر احياء والدكتوراه أحياء ..

لا انصحك بالكيمياء العامة إذا ميولك طبي .. ولكن الكيمياء الحيوية لو كانت متاحة لك فهي خيار موفق ..

لأن مجالات الكيمياء الحيوية كثيرة بالاضافة الى انه يستطيع الاكمال بالعلوم الطبية وعلم السموم والمختبرات ..

التخصصين فيهم اوجه تشابه بنقاط معينة .. وكلا التخصصين يدرسون مواد بعض .. لكن الكيمياء الفهم فيها اكثر من الحفظ والاحياء العكس تقريبا ..

استخيري وبالتوفيق ..

شوفي مثل ماقال الاخ حرف لو خلصتي بكالوريوس أحياء لك مجال تكملي ماستر علوم طبية ( مختبرات طبية ) لانه امتداد لتخصص
بس الاحياء بصراحة قسم حلو واسهل بكثير من الكيمياء

استخيري والله يوفقك

الله يوفقك اختي اي مساعدة تحتاجيها بقسم الاحياء أعطيني خبر تخصصي هذا وان شاء الله أفيدك
أنصحك بالدراسات العليا بالدمج بين تخصصين
اذا اخترتي احياء مثل التقنيات والأحياء او الطب والأحياء و... المهم لا تغيرين مسارك كامل
في شيء تقريبا يسمونه عندنا الوحدة البحثية المتكاملة مثال :
الان انا طالبة دراسات عليا زرت مركز ابحاث حتى اعمل على بحث خاص من بحوثي يقولون لي وحدة ابحاث تخصص الاحياء وحدة متكاملة ماراح تتعبين بالبحث الوحدة المتكاملة توظف كل التخصصات في نفس القسم مثلا وحدة ابحاث الاحياء في مركز الابحاث
تجدين فيها باحث تخصصه كيمياء لكن الدراسات العليا اتجه الى البيو كيمياء ودخل في أبحاثه ودراسته الاحياء فهو عنصر مهم للعمل في قسم ابحاث الاحياء
أيضاً في دكتور اشتغل معي على تشريح عينات هو بكالوريس طب ودراسات عليا في التصنيف التشريحي الحيوانات وجدته موجود موظف في وحدة ابحاث الاحياء
تصدقين حتى وحدة معلومات البحثية لقسم الاحياء هو ناس تخصصهم أنظمة معلومات لكن لو تبحثين في دراستهم العليا تجدين أنهم اتبعوها في مسار الاحياء ولا ماكان دخلوا قسم ابحاث الاحياء

هذا تخصص العصر القادم بإذن الله انا اعتبره ومن يبدع فيه ويدمج داخله تخصصات فرعية بالدراسات العليا بيجد فرص ماتنتهي ماشاء الله

اليوم بالصدفة اتصلت فيني إحدى الصديقات ماشاء الله دمجت في تخصص الدراسات العليا بالأحياء تقنية الكهرومغناطيسية ماشاء الله يعني هذي ممكن مستقبلا يفتحون لها فرع من فروع الاحياء جديد مثل تخصص الجينيوم صار فرع من فروع الاحياء
مثل تخصصات كثيرة فرعية من فروع الاحياء
وجدتها يوم بحثت بالجامعات
اختصاصات كثيرة بالدراسات العليا قبلها تلاقين كلمة bio هذي كلها تابعة لمن مسارهم تخصص احياء لكن لازم تلاحظين شي مهم بعد كلمة bio
ايش التخصص الموجود لو تخصص بعيد عن الاحياء مثل الكيمياء بالدراسات العليا بالقبول بتكون منافسة قوية لمن مسارهم السابق كيمياء وإحياء حسب التخصص الموجود بعد الكلمة
شرحت هالشي عشان إيضاح للرساله الخاصة
وعذرا على الاطاله الله يوفقك كاريزما
الاحياء تخصص رائع الله يوفقك

مشكككككورة جدا جدا جدا تعبتك معاي. والله يوفقك ويحقق لك لي تبينه♡♡♡♡

( تمت المشاركة باستخدام تطبيق مبتعث )

ربي يوفقك وييسر كل أمورك سامحيني على الفلسفة بس انا غاطسه بحث بالتخصصات بسبب قبول الدكتوراه وربك كريم