افضل التخصصات

غالب العلوم الطبيه تحتاج الى احياء .. او كيمياء بحسب التخصص الطبي اللي راح تكملين فيه !
شوفي التخصصات الطبيه الموجودة ..

مثلاً تخصصات المختبرات .. غالبها تحتاج الى احياء بشكل مكثف ..
علم الادوية والامراض ... تحتاج الى كيمياء بشكل اكبر من الاحياء ..

وكلها راح تدرسين الاثنين فيها .. بمعنى ثاني ..

لو مثلاً التخصص الطبي اللي راح تدرسينه بعدين .. يتطلب كيمياء مكثفه ..
راح تدرسين مواد الكيمياء اللي تحتاجينها .. واما عن مواد الاحياء فراح تعادل لك لسبب انه تخصصك الرئيسي ..

والعكس !

الاسهل لك .. انك تعرفين ايش تخصص الماجستير اللي راح تدخلينه .. وبالتالي تعرفين ايش التخصص اللي راح تختارينه في البكالريوس حتى يسهل عليك الامر بعدين !

مشكور اخوي محمد.. طيب ابي انا تمريض او مختبرات مثلا. . ادرس احياء عامة صح! ?

( تمت المشاركة باستخدام تطبيق مبتعث )

ايه اختي ,

بس المختبرات يختلف بحسب التخصص الدقيق اللي بتاخذينه .. لكن الاغلب احياء ..

وبكل الاحوال .. سواء اخذتي احياء او كيمياء .. كلها تمشي بالتخصصات الطبيه ..

مثل ماقلت لك .. كلها مطلوبه فلو تخصصك احياء عام ... وجيتي لتخصص طبي يتطلب احياء .. راح يعادلون مواد كثيره ويعطونك المواد اللي ما اخذتيها !

هذي هي الفكرة !

اها.. مشكورر ... اهم شي ادرس ومايروح تعبي هباءا منثورا 😭😭 من امسس مخي بينفجر من التفكيير احياء او الكيمياء.. ع العموم شكككرا جزيييلا ♡

( تمت المشاركة باستخدام تطبيق مبتعث )

اختي اذا انت تقصدين تخصص البكالوريوس
تاخذين احياء او كيمياء والدراسات العليا تختارين الإكمال تخصصات طبية صح هذا قصدك

أنصحك لا تكملين الا في نفس مسار دراستك
مثلا بكالوريوس احياء ماستر احياء دكتوراه احياء
وهذه الخيارات تحتها تخصصات دقيقه مهمه افضل من ضياع نفسك في تخصص ومسارين مختلفين لا تنفعك وظيفيا ولا علميا
عندك بكالوريس احياء ماستر الجينيوم فيه جداً مطلوب
خريجين الأقسام الطبية هم الأولى بالقبول في الدراسات العليا في الأقسام الطبية

في مثل نقوله دائم من خرج من داره قل مقداره
خليك في دار العلوم افضل

هذي وجهة نظري وعمي سألته مره مثل حالتك زميله لي وهو في وحدة تصنيف التخصصات وظيفته
قال لي الأولوية لخريجين البكالوريوس الطبي .


( تمت المشاركة باستخدام تطبيق مبتعث )

طيب لو كملت بمساري بكالريوس احياء وماستر احياء ودكتوراه احياء. .. ايش هي الوظائف المتاحة لي... لان مابي التدريسسس كللل شي ولا التدريس 😥

( تمت المشاركة باستخدام تطبيق مبتعث )

يااختي مابعرفش والله لكن التدريس في أنواع وهو افضل مهنة للمراءة صراحة من وجهة نظري

ممكن تشتغلين في مراكز الابحاث وخاصة الان في فجوة انتشار كبيره مراكز الابحاث لازم تشمل مختصين في كل العلوم ماتدرين يمكن تكونين باحثة وعالمة في تخصصك لا تشتتين نفسك .


( تمت المشاركة باستخدام تطبيق مبتعث )

اوك.. مشكورة ♡

( تمت المشاركة باستخدام تطبيق مبتعث )

انا خريج بكالوريوس من جامعة الملك سعود تخصص أحياء دقيقة

والماستر ان شاء الله بكمل في قسم البكتيريا الطبية والاحياء بشكل عام تحته اقسام كثيرة
فطريات - فيروسات - بكتيريا - طحالب هذي الاشياء الاساسية في اقسام بعد مثل الاحياء الجزيئية وفي المناعة

بصراحة تخصص ممتع

وعليك بالاستخارة وانا اخوك

بالتوفيق