لجميع الطلاب الذين يبحثون عن قبول جامعه.. هذه سبعة خطوات جدا مهمة اتباعها

الله يعافيك اخوي نايف..

للاسف كان ودي والله افيدك بس ماعندي خلفية عن القبول المشروط للقانون.. بس اتوقع لو تشوف الطلاب الي يملكون التخصص يفيدونك اكثر مني .. وبرضو لو تسأل طارق الشيخ موظف الملحقية فهو اكثر شخص بيفيدك بخصوص سؤالك.. وانت ممكن تعرف بنفسك اذا طبقت خطوات هذا الموضوع ..

والله يوفقك ويسهل عليك،،

أخي وحبيبي أنس
أسأل الله لك التوفيق والنجاح
والله يجعل كل كلمه كتبتها في ميزان حسناتك
ولن أنسى وقفتك معاي وفضل عليه
وها أنت تساعد الجميع وتنير لهم الطريق من واقع خبرتك
ومبتغاك هو الأجر والدعاء
فلك منا جميعا الدعاء وعلى الله الأجابة ومجازتك بالأجر الكثير

أخي بالنسبه لمعادلة الشهادة فأنت تعرف أيضا أن هناك
IERF
هم يعادلو الشهاده بس اللي صار معاي أن الجامعة طلبت مني أن أعادل شهادتي عندهم
وما أدري عن بقية الجامعات ... فأسمح لي بهذه الإضافة

أخي أنس
باقي بيني وبينك حديث عن معهد اللغة بكليفورنيا فزهب عمرك
الله يطول في عمرك

والله أسأل بأن يحفظك ويرعاك بعينه التي لا تنام
تحياتي وأشواقي

ماشاء الله ابو نواف هنا ؟؟؟؟؟!!!!! نور مبتعث والله..

ماشاء الله عليك عكوز بكوز في كل محل مركوز.. في الماسنجر في الايميل في الملتقى السعودي في مبتعث .. خطر افتح الدولاب تطلع لي خخخخخخخخخخ ياحبي لك والله .. عز الله شوفتك انها عسل على قلبي .. ومشكور على اطراءك الكبير والي انت عارف وانا عارف اني ماسويت شيء ولا لي فضل ولاهم يحزنون وكل الفضل لله .. وزي ماقلت لك ربي يحبك ومسخرلك كل شيء ماشاء الله تبارك الله .. واستمر على نفس الاعمال الطيبة الي تسويها ماشاء الله تبارك الله ..

اضافتك طيبة اخوي ابو نواف.. بس انا اريف ماعرف اي احد جربها .. هل انت تشوف ان معدل المواد حقك ارتفع بعد اريف .. يعني المادة الي اخذت فيها مثلا B+ هل اصبحت A- ؟؟

وبخصوص معهد كاليفورنيا الي تامرني فيه حنا حاضرين وانت تامر وحنا ننفذ طال عمرك والي مثلك نتشرف بخدمتهم ..

الله يوفقك ويسهل عليك دربك ياااااااارب..

هههههههههههههههههههههههههههههههههه

الله يسعدك ربي ويحفظك
الدولاب موب الحين شوي هههههههههههههههههههههه
الا والله سويت لي الكثير ولو ماهي الا طلتك البهيه في ايميلي وماسنجري
وانت والله قدمت لي الكثير والله يقدرني ارد لك جميل معروفك

بالنسبه لمعادلة الشهادة في
IERF
فقد نزل معدلي من 2.63 الى 2.48
وأعتقد أنه منطقيا لازم ينزل المعدل العام لأنه الدرجه تنزل من 5 الى 4

بالنسبة للمعاهد بكاليفورنيا
قاعد أجمع معلومات عن المعاهد وبرسلك ايميل واخذ مشورتك

والله يرفع مقدارك ويرفع شانك وما قصرت أول وتالي والله الشرف لي أني أعرف مثلك وشرواك

والله يرعاك ويحفظك وييسر دربك يارب

فقد نزل معدلي من 2.63 الى 2.48

.. طبيعي ينزل لانه كان من 5 واصبح من 4 .. بس صعب تعرف من المعدل .. بس اذا شفت المواد كيف المعدل فيها هل هو ارتفع او نزل او نفسه ؟

يعني مثلا عندك مادة سلم 104 اخذت فيها في شهادتك الجامعة B+ .. كم اصبحت عن الايرف ؟ هل اصبحت A- او نفسها B+ او B- ؟؟؟ وكذا تقدر تعرف اذا المعدل نزل او نفسه او نزل ..

بالنسبة للمعاهد بكاليفورنيا
قاعد أجمع معلومات عن المعاهد وبرسلك ايميل واخذ مشورتك

انصحك تراسل كل معهد وتخليهم يرسلون لك ايميل احد العرب تستفسر منه.. لاني ماسبق اني درست اللغة في كاليفورنيا ولا اعرف احد يدرس في معاهد اللغه فيها .. والشباب هنا ان شاء الله مو مقصرين .. واحرص على المعهد الي يهيأ بشكل قوي للتوفل واسعار السكن مناسبة في المنطقة الي هو فيها .. هذه اهم نقطتين تركز فيها ..

والله يسهل عليك يارب ويوفقك..

الله يجزاكم خير يا شباب ويعطيكم الف الف عافيه
ممكن سوؤال ابو نواف
هل انت متخرج من جامعة الملك سعود - كلية الهندسه-عشان بكذا راح احسب معدلي بناء عى معدلك وأشوف كم بيصير؟؟

في أمان الله

اسمح لي اتلقف اخوي الميموني.. انا اعرف ان السؤال موجه لابو نواف وشكلك تقولي اطلع من الموضوع .. بس فيه نقطة مهمة انك تعرفها .. ابو نواف سوى معادلة الشهادة عند شركة ثانية اسمها الايرف .. وهذه بصراحة الشركة ماعرف جامعة طلبت معادلتها الا الجامعة الي انا ادرس فيها حاليا وغير كذا انا ماسويت الايرف وعطيتهم ال WES وقبلوها.. فاتوقع مقارنة بالشركتين ف WES اتوقع انها الافضل..

وبخصوص الهندسة وجامعة الملك سعود فالله يسلمك انا متخرج من الهندسة من جامعة الملك سعود وسويت معادلة في ال WES وارتفع معدل كل مادة.. يعني ال B+ صار A- و A- صار A وهكذا .. وهذا هو الي المفروض يهمك وخصوصا اذا انت اخذت مادة عند ((مجاهد)) فيبيلك ال WES ..

موفق اخوي ..

مشكور اخوي على هل موضوع

هلا والله ما عاش اللي يطلعك ~
والله ما خذين الثيرمو عند المجاهد هههههه باين علينا في الهوا سوى
ما ادري تعرفني ~احمد الميموني~ وفرصه طيبه يا انس
ولله يوفقك~واحتمال والله ارسل اوراقي ~ والله يجزاك خييييير ويبارك فيك- وبعد المعادله شكلي راح ارسل درجة الثيرموا ل المجاهد هههههه
في امان الله-والله يجزااااك خير
احمد

والله ماقصرت فعلا موضوع كنت اتمنى وجوده قبل الحوسه اللي صارت لي



جزاك الله خير