كيف اشحن من الرياض لقلايع وادرين بأمريكا

فية عدة طرق منها الشحن بالطيارة عن طريق اي مكتب سفر او شركة شحن (غالي ) .
شحن دي اتش ال (غالي ) .
شركات كثيرة تستقبل الشحنات من السعودية لأمريكا (قلعة وادرين ) . بس اللة يعينك على التكلفة المرتفعة .

غريبة!

أنا قد شحنت لأخوي (يمكن من 3 سنين) كرتون 100 كيلو (بغو يتمصعون يوم شالوه) إلى تكساس ، ورخيص بعد بـ800 ريال.

وكان من مكتب الشحن الي ورا (في الحارة) مكتب الطيار للسفر والسياحة بشارع التخصصي حي المزرعة ، الظاهر انهم الطيار.

أحسن طريقة في نظري.. (وهي الي سويتها يوم جيت أشحن لأخوي) أنك تمسكين دليل الهاتف التجاري (الأصفر) وتدورين مكاتب الشحن وتدقين عليهم واسأليهم عن الأسعار ومدة الشحن.

طيب و انا اختك

ما فيه شي مو غالي ؟

بالبحر يعني

طيب و انت ضامن انهم يوصلون لقلايع وادرين؟

كلهم قالوا نوصل للمدن الرئيسيه بس

بس اخوك في تكساس يعني مدينه رئيسيه والطيار يقول نوصل فقط للمدن الرئيسيه همن تعالي انتي خذيه من المطار

يعني يبيني ادق سيلف اربع ساعات و اروح للمطار و اخذ الكرتون و احطه بسيارتي و ادق سيلف معوده اربع ساعات

أمي الله يحييها على طاعته ما خلت شي مجمعته تبيني اخذه و ابوي الله يخليه جايب كرتون تمر عشرين كيلو

الظاهر مثل ما قلت بمسك الدليل و ادق عليهم واحد واحد

جزاك الله خير