أفضل تخصصات الهندسة

معليش أخوي موضوعك شوي ملخبط ياؤيت لو تلون بالألوان عشان نقدر نركز في الكلام لأني ما اميز كلامك وكلام الموضوع ولا ولا

أخوي سعودي وكلي فخر :-

السلام عليكم ورحمة الله وبركاته

اخوي انا أعرف ان أفضل قسم بالهندسه الي هي الهندسه الكهربائيه قسم الكترونيات واتصالات

وبعدها الميكانيكيه


هذا الي اعرفه والله اعلم

والله يوفق الجميع ... ... ...

بالنسبة لتحديد التخصص فاعرف ناس كثير يدرسون البكالوريس وهم ماهم راضين عن تخصصم وقاموا يغيرون تخصصهم بس ماعرفوا إلا بعد ماتخرجوا فهذه تعود على رغباتك وهواياتك مو تجي تقلي أيش رايكم في تخصص كذا ولا كذ .
فأنا حصلتلي ذي المشلكة درست في الكلية التقنية كهرباء وبعدين حولت حاسب وخرجت من الكلية وأنا مانا راضي عن تخصصي ولاكن أتوقع إلحين عرفت تخصصي وهو معماري لأنه يحاكي رغباتي وهواياتي بس ماعرفت إلا متأخر وهذي مشكلتنا يالسعوديين وهو مافي تثقيف في المراحل التوسطة والثانوية من ناحية تحديد الهدف وتحديد التخصص المطلوب لدى الطلاب فيجيك الواحد يدخل الجامعة مع من هب ودب وينظر للتخصصات المرموقة وضيفياً ثم يجي بعدين يحول ويقول والله ما افلحت .
لكن أنا أنصحك بانك ترووح لواحد تثق فيه وتستشيره من ناحة التخصص وتقابله شخصياً لأني أتوقع إن تحديد التخصص شي ماهو بسهل ويبيله أسئلة كثيرة ولاتصتصعب الأمور فتفائلوا بالخير تجدوه .
يقول عليه الصلاة والسلام فيما يرويه عن ربه تبارك في الحديث القدسي " أنا عند حسن ظن عبدي بي فليظن عبدي بي ماشاء "
أسأل الله لي ولكم التوفيق والمعذرة على الإطالة :gr_876:

سعودي وكلي فخر .. واني اقرا موضوعك
عرفت وش رغبتك ؟ :gr_918: ادري عاملة روحي افهمها وهي طايرة...

بس اخوي انت قلت الجواب بنفسك ... انه تبي تخصص تقدر تشتغل فيه في نطاق حكومي وخاص وتبي تشتغل فيه في نطاق العمل الخاص بك ... يعين اما تتخصص هندسة معمارية
او هندسة ديكور ( هذا التخصص رائع جداً) لو كنت شاب كان دخلت هذا التخصص بدون تفكير...

واهم شي انك تفكر صح لما تختار تخصصك ... لأن هذي حياتك الوظيفية ..

بالتوفيق لك

السلام عليكم
اخوي التخصص حسب الهوايه والرغبه من نفسك انت احيانا تدخل تخصص انت ماتهوى هذا التخصص ولكن ترا انه الافضل في نظر من حولك ومثال ذلك الهندسه الكهربائيه
عندها تضيع نفسك ومستقبلك لانك ماراح تبدع طالما تفكيرك في شي ثاني والهندسه الكهربائه صعبه شوي وتبي واحديبدع في هذا القسم

انا عن نفسي اتتني الفرصه بأن اكون في الهندسه الكهربائيه او الميكانيكيه ولكن لأني ارغب الهندسه المدنيه اتجهت اليها مباشره رغم الضغوط التي كنت اواجهها من الاصدقاء والاقارب بأن الافضل هو الهندسه الكهربائيه او الميكانيكيه
ولكن الحمدلله اتجهت الى مارأيته مناسبا لي وارغب فيه
وبعد التخرج من الباكلوريوس تجد فرص العمل في الهندسه المدنيه اوفر من الهندسه الكهربائيه او المكانيكيه
ايضا في الهندسه المدنيه وبعد فتره من الخبره في مجال العمل يستطيع الشخص تكوين شركه او مؤسسه او مكتب هندسي اسرع في وجهة نظري من باقي الاقسام الهندسيه الاخرى

وفي الاخير اخوي شوف وش تميل له انت وتحس انك راح تبدع فيه واتجه له وبالتوفيق لك وللاخرين وآسف على الاطاله

ياشباب اشوف مااحد جاب سيره هنده حاسب ولا هذا التخصص مو زين

,,, طبعا حاسب وكهربائية شايل فكرتها من راسي تماما .,..,

ليش يا أخي حطمتنا
أنا أدرس في كلية الهندسه قسم هندسة كمبيوتر (حاسب) والحمدلله كان هدا القسم امنيه لي وتحققة

أخوي أبو حميد بالنسبه لهندسة الحاسب ترى قسم جميل لأنك تستطيع ان تحتك في تخصصك في اليوم اكثر من مره طبعا عن طريق استخدام الحاسب وتطبيقاته زي منت شايف كلنا مجتمعين في المنتدى عن طريق الكمبيوتر
طبعا حط في بالك ان دراست الحاسب ماهي سهله
الحمدلله انا الان في اخر ترم ومريت على 90% من المواد كلها ممتعه لكن لو يفكونا من مواد الهندسه الكهربائيه لأننا تقريبا نشترك معهم في دراسة 60% من مواد الهندسه الكهربائيه وهي بصراحه مسببتلي عقده

ياشباب انا مختار هندسه كهربيه بس مختاره مهو رغبه بس يقولون الوظيفه فيه بعد التخرج على طول بعدين ياشباب الهندسه الكهربيه صعبه ولا لا وما هي اسهل اقسام الهندسه
مع الف شكر