المشاركة الأصلية كتبت بواسطة ahkhayyat
بسم الله الرحمن الرحيم
قبل دقائق خلصت من التسجيل وقراءت بعض المعلومات المهمه في شركة التأمين الجديده Aetna ، للي ماسمع عنها : هذه شركة تأمين صحي جديده اتعاقدت معاها الملحقية الثقافيه بواشنطن للاهتمام بالرعاية الطبيه الخاصة بالطلاب وموظفين الملحقيه.
خطوات التسجيل:
اول شئ روح لحسابك اللي في الملحقيه وراح تلقى 2 ملفات جديده في صفحتك مندرجة تحت Health Insurance كالاتي
Student Q and A الاول: عباره عن ترحيب بسيط من الشركة بالاضافة الى معلومات عن كيفيه ايجاد دكتور او عيادة صحيه قريبه منك وارقام خدمة العملاء بالشركة وكذلك تحذير من استخدام دكاتره او عيادات "غير موصى بها من الشركة" الثاني: عباره عن اسئلة واجوبة مفيدة للطلاب والمستفيدين من التأمين الطبي. طبعا انصح الجميع بقراءة هذه الملفين لاهميتهم!
طريقة التسجيل في موقع الشركة:
طبعا ممكن انك تروح تتبع الخطوات اللي مكتوبه لكن انا انصحكم انكم تسووا هذا الشئ لاني تعبت في البداية معاهم وهنا راح اعطيكم الطريقة المختصره
اولا:
اتصل على هذا الرقم 18662361038 واضغط رقم 1 بعدين راح يرد عليك الموظف اطلب منه رقم ال Member ID الخاص بك ، راح يسالك عن اسمك ويمكن تاريخ ميلادك..
ثانيا:
تروح لهذا الموقع اضغط هنا ( افضل انك تقراء هذه الخطوه ع السريع وبعدين تروح للموقع عشان يكون عندك فكره)
-اختار
I am the subscriber, primary member or employee
-اضغط على Next
-الان راح يطلب منك ادخال بياناتك الشخصية : الاسم الاول والاخير تاريخ الميلاد والرمز البريدي ( مهم : اذا ماعندك عنوان مسجل في الملحقية ، تقدر تكتب الرمو البريدي الخاص بالملحقيقه 20037
-بعدين في مربع يسالك عن رقم العضوية Member ID وهنا تقدر تحط الرقم اللي اخذته من خدمة العملاء ، غالبا يبدأ بحرف W
-اذا كل شئ تمام والحمدلله الموقع راح يطلب منك الموافقه على بعض الشروط وتحديث معلوماتك الخ...
معلومات مهمة:
-
في حال حاجتك للتأمين لا قدر الله حاول انك تتبع التعليمات بدقة اللي مكتوبة في الملفين اللي قلتلك اقراءها في البداية ، وللي مافيه يقراء راح اسرد بعض النقاط المهمه:
-هذه الشركة مسوية عقود مع مستشفيات وعيادات ومراكز صحية كثيره جدا اعتقد انها تفوق ال 5000 مركز وعيادة ، لذلك الشركة تبغاك تروح لهذه المراكز (صلي على النبي لا تقولي مو على كيفهم) غالبا المراكز اللي تحتجها يكونوا متعاقدين معاهم . السبب (على حد قولهم) لما تروح للمراكز اللي هما متعاقدين معاهم الفواتير والدفع وهذه الاشياء راح تكون منسقة وسريعه بينهم يعني انتا ماراح تسوي شئ هذا سبب. السبب التاني : في شئ عندهم اسمه Reasonable and Customary يعني باختصار "تسعيره" للحالات والتكاليف الطبيه. مثال: كشف الطبيب العام تكلفته في ال Reasonable and Customary مسجلة ب 100$ وانتا رحت عيادة ماهي معتمدة ومابينهم عقد مع الشركة والدكتور سجل عليك في الفاتوره قيمة الكشف ب 150$ اللي هوا اكتر ب 50 دولار من "التسعيره" اللي مسجله عندهم ، بكدا انتا راح تكون مسؤول عن دفع الخمسين دولار الزيادة ( خلي في بالك احيانا الفرق يكون مئات الدولارات وقد توصل اولوف!)
سؤال يطرح نفسه...
كيف اعرف اذا العيادة اللي انا رايحها متعاقده مع الشركة او لا؟
اولا:
تتصل وتسأل وتذكر اسم الشركة اللي هيا Aetna وفئة التأمين اللي عندك اللي هيا اعتقد راح تكون
PPO preferred provider organization للطلاب
ثانيا:
راح تجيك صفحة تقدر تدخل فيها معلومات المدينة اللي انتا فيها ونوع الرعاية الصحية المطلوبة وفئة التأمين اللي عندك ، وراح يعطيك قائمة بالمراكز المتعاقدة
اعرف حقوقك:
-انت غير مطالب بدفع اي شئ اذا كان المركز متعاقد مع الشركة ، حتى وان كان السعر مختلف عن التسعيره الموجوده لدى شركة التأمين!
-اذا سألك الموظف في المركز الصحي عن copayment او deductible ترد عليه وتقول فئة التأمين حقي تغطي 100%
-تكلفة علاج الاسنان السنويه 5000$ واذا تعديت هذا الحد راح يكون على حسابك لذا لازم تطلب من دكتور الاسنان ان يرسل خطة علاجية عشان يتاكد من رصيدك. -للعيون ، الشركة لديها مراكز متخصصة تمنح خصم خاص للاعضاء بالنسبة للنظارات والعدسات وغيره من لوازم النظر. الخصم ايضا يشمل عمليات تصحيح النظر بالليزر! -فحص النظر الروتيني مجانا! راجع "ملف التغطيه ، صفحه 4 التحميل ادناه"
(مازلت مستمر في رحلة البحث في حيثيات هذه الشركة وشروطها وغيرها ، واذا وصلت لاي معلومة جديده اكيد ماراح ابخل عليكم) تحديث:"ملف التغطيه" هذا الملف فيه ملعومات عن الخدمات المغطاه من قبل التامين. اضغط هنا.. الرقم السري للتحميل هو "mbt3th" الملف بصيغه pdf.
هذا واسال الله العلي العظيم انكم ماتحتاجوا التأمين الطبي ابدا ويوفقكم جميعا...
LinkBack URL
About LinkBacks
السلام عليكم
ها اضفتوا المرافق للتأمين وكيف كانت الطريقه االي استخدمتوها ؟؟؟
أ
كمان عندي استفسار بخصوص ZIP CODE موراضي يزبط لا رقم الملحقيه ولا رقم الرجال الي مأجرني الشقه ؟؟