أبي رايكم وأنا أمكم ؟

حبيبتي دامه وده بامريكا توكلوا على الله

كندا قبولها صعب ودراستها بعد صعبة مرة ,

القبول مطلوب درجة بالتوفل حوالي 90 وهذي درجة مو سهله ابد.

بينما امريكا تطلب مابين 61- 68 للبكالوريوس بهالحدود
وبعض الجامعات اذا درستي بمعهدهم يعفيك من اختبار التوفل.


امريكا اسهل بكل النواحي . بعدين امريكا قارة ممكن تلاقي فيها كل اللي تبغينه .. مناطق دافية مناطق باردة مناطق سياحية او مناطق رخيصة ..... الخ

وشي اخير السعوديين ماشالله في كل مكان صاروا يعني ماراح يضيع لا تخافين ,, والشعب الامريكي فرندلي ومتعاون.


لو تقري في المنتدى عن الولايات ومميزاتها وتختارين الجامعة اللي تناسب تخصصه وتعطيه قبول مشروط
راح تستفيدين كثير من هالمنتدى ان شالله

واذا عندك استفسار عن جامعة معينة او ولاية معينة الاخوة مايقصرون


والله يوفقكم يارب

الله يسعد قلبك على هالدعوه ويجزاك خير ،،،

شوفي يالغاليه فيه مواضيع هنا مثبته للعديد من الاخوان عن جميع الولايات يعني ابد دوري على راحتك وبتشوفينها بالصور بعد
وامريكا قاااااره كبيره جدا

ومكونه من ثلاث اقسام
الولاايات الشرقيه <<< مثل فلوريدا وفرجينيا والاباما وغيرها
الولايات الوسطى<<<اوهايوا والينيوي وغيرها
الولايات الغربيه <<< مثل كاليفورنيا وغيرها بس

لذلك اهتمي اكثر شيء لما تختارون الولايه الى ثلاث نقاط مهمه
مستوى المعيشه
مستوى الامان
تعامل الشعب مع الاجانب هل هو جيد او لا

وعموما شعب امريكا طيب في الغالب ولكن عليك بالسؤال قبل لاتختارين الولايه والجامعه ولاتاخذين بنصيحه شخص واحد بس
خذي بنصيحه اكثر من واحد "

مثال/ انا واحد نصحني في الجامعه اللي انا فيها الان وخلاها بنظري جنه الله في ارضه من كل شيء
ويوم جيت هنا انصدمت لامطاعم ولا مساجد ولا اسواق ولاتكاسي ولاباصات ولا حدائق ولا يوجد الا الجامعه وسكن الجامعه لدرجه اني ماصرت مركز في دراستي من الطفش مافيها اي شيء الا انها ارض خضراء وبس ويوم اسأل الرجال لقيته حول الى كندا وهقني وطلع؟؟؟
عشان كذا طبعا انا جالس ادور لي قبول في جامعه ثانيه وفي ولايه ثانيه
عشان كذا نبهتك في الاختيار

وعسى الله ييسر اموركم ان شاء الله ،،،

مساء الخير يامنا

الله يسهل امورنا واموركم وامولد ويوفقه يارب


الشباب ما قصروا ووفو وكفو

واحب اضيف نقطه معينه

كندا مشهوره بالشهادات والتخصصات الطبيه فقط ,, يعني اذا ولدك بيدرس طب او شي له علاقه بالطب يتجه لكندا لكن تخصصات البزنس وغيره يتوجه لامريكا ,,,

وعسى الله يفرج عليه ويوفقه بالدنيا والآخره يارب

( انا ماشي لامريكا الجمعه الجايه ان شاء الله ,,

لا تنسينا من دعواتك الله يخليك


تحياتي