مسلسل الذكر والأنثى، السعوديين بالخارج ،،،

August 7th, 2009, 12:26 PM

السلام عليكم ورحمة الله وبركاته
اسعد الله ايامكم بالمسرات اخواني واخواتي اعضاء هذا المنتدى
يحزنني ان اكتب عن هذا الموضوع الذي من المفترض اننا تجاوزناه منذ قديم الأزل
ولكن نلاحظ من الأخوان والأخوات المبتعثين وبالأخص في أمريكا ولعدم خبرتي في جميع الولايات سوف أخصها في ولايتي واشنطن ، ومدينة سياتل ،،،

اود ان ابدأ برأس المشكله الا وهم أخواني الشباب ،،، وسوف اتكلم بلغة الشارع ليفهم الجميع
الله يهدينا وأياهم الواحد منهم اول ما يشوف بنت سعوديه جلس يدور براسه الف خطه وخطه كيف انه يقدر يسوي علاقه معاها وكيف انه يكون قريب منها ويتجرد من جميع أخلاقيات المسلم والرجل العربي التي من المفترض عليه المحافظه عليها ، وعلى سبيل المثال ، مجموعه من الشباب لما وصلو عندنا بنت ومعها مرافق اخوها الصغير لم يتجاوز 20 سنه واخته جايه تدرس دكتوراه والبنت حلوه والشباب الله يعطيهم العافيه شافو ان البنت ماهي متحجبه قالو خلاص هذي ؟؟؟ وانتم عارفين وكل واحد جلس يضبط بالولد وبحكم انه اندر ايج ما يقدر يشتري شراب صارو يجيبون له شراب ، مع العلم ان القانون الامريكي بيوديهم بداهيه لو البنت ماهي بنت رجال وتكلمت مع الشباب باحترام وقالت لا احد يجيب لأخوي شراب ولا بشتكي عليكم مع العلم أنه بأمكانها انها تشتكي ويروح تخطيطهم هباء منثورا ،،،

نجي من طرف الجنس اللطيف البنات ،،، ذولي عاد كلام ثاني ، طبعاً البنت السعوديه لما تجي تشوف سعودي برا بحكم ان الأغلبيه من الشباب مشوهين السمعه تبدا تخاف انها تتكلم مع أي واحد واذا مرت من عند واحد وسلم عليها بحسن نيه قالة هذا ما عمره شاف بنات، مع العلم انها ما تدري ان الولد الامريكي احلى منها لكن مصدقه عمرها انها انثى وتتفلت والشباب السعودي وفيه وفيه وهي اصلاً خساره عليها تروح تدرس بجامعة جازان ماهو بامريكا وانواع دق الحنك مع الاجانب ولما يسلم عليها سعودي تقول عيب اخلاقي ما تسمح لي ارد السلام على رجال غريب بس الظاهر 90% من المبتعثات تمشي على قاعدة الاجنبي ماهو برجال ، وما تدري أن الاجنبي بلاه عليها أكثر من الذكر السعودي واعتذر عن كتابة ذكر لأنه لو كان رجل ما كان منه خوف ، واعتذر على الاطاله واتمنى ان ارى ردودكم وآرائكم وشكراً لكم ،،،


قبل ان انهي الموضووع اود ان احيطكم انني أحد كتاب هذا المنتدى واحببت ان استخدم معرف جديد للكتابه لأن اسمي معروف في سياتل وينادوني فيه اكثر من اسمي الحقيقي ، عموماً الاسلوب كان عشوائي علشان مااحد يعرف من الأسلوب ، وما طرحت هذا المووضووع الا انه باط كبدي وقاهرني التفكير من الطرفين واتمنى ان يتم تصحيح الفكر والعمل على مبدأ ان السعودي اخ للسعوديه والسعوديه اخت للسعودي وكلنا تفكيرنا اخوي ونخاف على بعض بدون اي شي آخر ونخاف على الصغير ونحترم الكبير والي يبي يشرب ويخرب على حاله لا يخرب احد معاه علشان يوصل لأهداف أخرى ،،، شكراً مره أخرى والسلآم عليكم ،،،


صوت الشارع الامريكي

• نشر عبر تويتر
• نشر عبر فيسبوك
• نشر عبر جوجل