تجمع Linguistics (Pure & Applied), TESOL, Translation بكالوريوس، ماجستير، دكتوراه

الدراسة تبدأ في أوغست 8 أو9
لكن التقديم يكون من نوفمبر وأكثر شئ ديسمبر إلى 15 يناير هذا أغلبية الجامعات.

أول شئ امتحني توفل بالسعودية عشان تشوفي قد ايش تحتاجي لغة.. في الغالب خريج الإنجلش مايحتاج سنة كامله ...يمكن كم شهر بس عشان يستعد ويندمج. اذا جبتي التوفل في الثمانينات كويس وتحتاجي فقط تهتمي باللغة قراءة وبرامج على التلفزيون وقولي مثلا كم شهر بأمريكا . المعهد ماراح يعطيك كل شئ ..الإهتمام يشتغل قبل المعهد.
وأصلا التوفل والامتحانات المعيارية ماهي مقياس حقيقي لمستوى الشخص لأنها تعتمد على حاجات كثير مثل ادارة الوقت. أعرف خريجات ثانوي كانوا يجيبوا بالتسعينات وأعلى في التوفل وهم صغار مرره لكن اللي كانوا يشتغلوا عليه هو التدريب للإمتحان كثيير. يعني انت بالسعودية ممكن تجيبي الدرجة المطلوبه وخذي كم شهر بالمعهد عشان تندمجي وتركزي على نقاط معينه.

واللغة تتحسن تدريجيا وبجهد مستمر ومايوقف لأن حتى لو أخذتي 100 بالتوفل مثلا مو معناها أبدا انه خلاص الشخص ماراح يكون عنده عوائق باللغة وبيكون يكتب ويتكلم بمنتهى الطلاقه مثل الأمريكان. ياليت الوضع كذا لكن الحقيقة انه الجهد مستمر لتحسين اللغة وكل يوم بتتفاجأي من الحاجات الكثييير اللي ماتعرفيها حتى لو تشوفي لغتك ممتازة.

ألحين عندك 6 شهور في عام 2014 قبل ما يبدأ التقديم على (نوفمبر- ديسمبر -15 يناير) يعني يمديك تاخذي لغة + تقدمي على هالسنة بحيث تبدأ دراستك على أوغست 2015

يا سلام عليك، فعلاً اللغويات التطبيقية في أمريكا تكاد تعني "تدريس اللغة".
ودائما ما أكرر في هذا التجمع أن هناك اختلافاً ما بين المدرسة الأمريكية والمدرسة الأوروبية، ففي أوروبا قد تعتبر التطبيقية تشمل النفسية والاجتماعية، أما في المدرسة الأمريكية فالوضع مختلف تماما.
الآن أصبح هناك أقسام لم تعد تحت النظرية ولا التطبيقية بل أصبحت أقسام مستقلة تماما وتظل فلسفة الجامعات مختلفة في توسيع الأفق أو تضييقه في تسمية برنامجها حسب الأساتذة المتواجين في القسم.

السلام عليكم

طلبي غريب شوي

بس مالقيت موضوع مناسب زي هالموضووع احط طلبي فيه

انا لامبتعثة ولاشي..بس احتاج اتعلم اللغة ضروري ..
عندي كورس واحتاج احد يشرحلي اياه ..درس واحد فقط اسبوعياً

لو احد يقدر يدرسني بمبلغ معقول ..يوم بالاسبوع وتقريبا الدرس بياخذ ساعتين
على فكرة ترا من زماان وانا ادور ومو لاقية ..فاللي يقدر بكون ممنونة له

صادق, فيه اختلاف كبير بين المتخصصين في تحديد مايشمل اللغويات التطبيقية..وأسلم طريقة للي يبي يقدم انه يشيك على كل برنامج ويشوف كيف القسم نفسه يعرف أو يحدد اهتماماته.
هذا pdf يبين اختلاف اللغويين في تعريف اللغويات التطبيقية,, فيهم من حددها بفقط تعليم اللغة وتيسول وفيه من كان يشوف انها أوسع ويدخل فيها فروع كثير. http://www.cambridge.org/servlet/fil...inguistics.pdf

جامعة ايسكس في بريطانيا برضوه ماكان تعريفها للغويات التطبيقية واسع ويشمل (علم النفس, وعلم الإجتماعي..الخ) بالعكس حددته زي أمريكا بأنه يخص تعليم اللغة: University of Essex :: Course finder :: MA Applied Linguistics

فعشان كذا الإختلاف كبير بين البرامج من دولة لدولة وحتى بنفس الدولة بس بشكل عام اللغويات التطبيقية بأمريكا فقط تخص تعليم اللغة.

أعتقد المشكلة انه بالسعودية مافيه هالتفريق أبدااااااااااا لأسباب كثير منها انه أغلب المحاضرين ولا الدكاتره تخرجوا من بريطانيا فماكان فيه تنوع في الخلفية العلمية والسبب الثاني وهو الأهم انه سياسة الجامعات نوعا ما موحده ..أقصد كلية الآداب في النعيرية مثلا منهجها بيكون مثل منهج كلية الآداب في الخفجي ومايشجعوا على الإختلاف في المنهج. ونفس الشئ بالنسبة لكليات التربية كلية التربية قسم انجلش في الجبيل بيكون مثل منهج كلية التربية في نفس المنطقه هذا كله على افتراض انه هالكليات كلها تتبع جامعة وحده, الأسوأ على الإطلاق لما تكون جامعة مثل الملك فيصل نفس منهج جامعة ثانية! نفس الخطة ونفس الكتب ونفس كل شئ!! جامعة الملك سعود نوعا ما أفضل من ناحية انه عندها تنوع بسيط كلية اللغات والترجمة , أدب إنجليزي , لغة انجليزية. في أمريكا كمثال ولايات المنطقه الغربية كل جامعة تختلف عن الثانية في منهجها وقوة البرنامج وفي الإهتمامات البحثية. ومش بس من جامعة لجامعة حتى من كلية لكلية حتى لو تبعوا نفس الجامعة! مافي تكرار في كل صغيرة وكبيرة ومافي نمطية, وماعندهم مشكلة بالتغيير.
احنا. مافي شئ عندنا بالسعودية انه الجامعة قوتها من قوة الدكاتره أصلا أول مايقرب الدكتور من الستين وهم يجهزوا أوراق تقاعده , ماعندنا زي الجامعات الأمريكية معامله خاصة للعضو المتميز في أبحاثه أو دراسته (في الغالب يمكن لأن أصلا دكاترتنا خاملين في البحوث ولا يهمهم الموضوع نهائي) , لكن لو كان عندنا تشموسكي سعودي كان عطوه مراقبات وجدول وخلوه يلحق فلان وغيره من الأعضاء عشان يتأكد انه ملفه تبع الجوده مسويه صح, كان خلوه يصلح لطلاب تحضيري وكان خلوه يكتب بحث ويحط أسماء أعضاء "مشاركه" وهم ماعمرهم رفعوا قلم, بس مش مهم أهم شئ ترتيب الجامعه وسمعتها -__-
احنا عندنا بيئة دراسة وبيئة عمل قاتله للطموح وتعزز فقط المظاهر وإن كان الإبتعاث فيه أي ميزة فهي بيد اللي بيصيروا دكاتره ويمسكوا مناصب أكاديمية,, فرجاء اللي يسبقننا ويتخرج يصر على التغيير ومايمشي على نفس الأنظمة البائسة..لأن الهدف مو بس بشهادة ولقب دكتور. أتمنى فعلا اللي رجعوا يقولون لنا ايش كانت تجاربهم عشان مانرفع سقف الأحلام كثير.

وعليكم السلام ورحمة الله وبركاته , أغلب اللي بالموضوع طلاب دراسات عليا وفي دول ممكن فرق الوقت يكون من 8 ساعات وأكثر ومرات 12 ساعة يعني نهار بالسعودية يكون ليل هنا.
فالأفضل لك مدرسة خصوصية بالسعودية متفرغة
,, بالنت ما أشوف التدريس بيكون عملي.

^
ماعندي مشكلة بالوقت ..اقدر ارتب وقتي على وقت الي بيدرسني

انا بدخل جامعة قريب تخصص انجلش ومتخوفة من الموضوع ..وضروي اتعلم دحين..وبالنت اسهل لي بكثير من مدرسة خصوصية ومواصلات والمشوار هذا كله

أختي الي تبغين تتعلمين إنجليزي، أنصحك بمعهد وحفظ كلمات بشكل يومي ومشاهده الأفلام (سامحني يا رب اذا كان نصيحتي هذي ذنب) ولو مرة تبغين واحد يدررسك من الانترنت اكتبي ابو عمر تعليم إنجليزي في قوقل.
بالتوفيق


( تمت المشاركة باستخدام تطبيق مبتعث )

أسئله لطلبه الدكتوراه،
١- بالنسبه للدكتوراه، متا لتخرج اذا كنت ادرس ٣ مواد في السمستر بالاضافة الا كورس في الصيف؟ أعطوني أمثله من جامعاتكم


٢- كيف يتعامل دكاترتكم مع أخطائكم اللغويه سواء في بحوثكم، او حديثكم؟ خصوصا الأخطاء البسيطة والكتابه الضعيفة التي لاتدل علا ان كاتب هذه البحوث هى طالب """دكتورااااه""" ؟


( تمت المشاركة باستخدام تطبيق مبتعث )

الله يعافيكم على تفاعلكم
طيب الابلايد في حال درسته باخذ كورسات مثل السنتاكس والفونولوجي ؟ وفي حال درست النظري هل بيكون ممكن لأن عارفين الاساس حقنا وهو شيء متخوفة منه حقيقة ماودي بالابلايد اذا كان كله تكنيكس وتستنق والامور هذي ولو اني مااشوفها سيئة بس احس تشبعت الجامعات منها وبنفس الوقت اخاف ارمي نفسي بشيء صعب ومااكون قده جالسة افكر بكل الاحتمالات

طبعا بشوف انظمة الجامعات باذن الله

المشكلة ان الدراسة على كذا بتتأخر سنة في حال ان التقديم بيكون متأخر ولو بسافر للغة فيه امكانية اوقف الابتعاث ؟ فكرت اختبر الايلتس هنا مرتين على الاقل ممكن اجيب قبول من الجامعة وادرس وقتها اللغة حتى وقت الدراسة تشوفونه منطقي ؟

قليل من الدكاترة من يدور ورى أخطائك اللغوية وزلاتك، تهمه الفكرة وأما اللغة فهي شيء آخر؛ لأنك أنت متخصص لغويات ولست متخصص في الأدب أو الكتابة أو حتى اللغة الإنجليزية.