تجمع Linguistics (Pure & Applied), TESOL, Translation بكالوريوس، ماجستير، دكتوراه

ما راح أختلف معك كثيرا لكني راح ضيق نقطة الاتهام شوي.
كثير من الطلاب السعوديين للأسف يسعى لشهادة فقط، اهتمامه ببناء نفسه علميا صفر، يدور السعوديين في القسم علشان يأخذ منهم أسئلة الفصل الماضي، يدور جامعة مشي حالك... بعضهم موعود بوظيفة في السعودية وقايل له صديق أبوه بس جب شهادة بس وتعال نوظفك،... هذي الأمور كلها معروفة في البلد وجالسة تنخر في التنمية والله يعين أبناء الأجيال القادمة على المحرقة اللي راح نخلفها لهم، لكن مع ذلك يجب أن نكون منصفين، هناك طلاب يرفعون الرأس ويتفوقون على الأمريكان، أشخاص يبحث أحدهم عن العلم قبل الشهادة ويريد بناء نفسه علميا ومهاريا قبل الشهادة.

صدقيني لو الشهادة هي اهتمامي كنت بعدما تعينت محاضر حطيت رجل على رجل في السعودية، وشفت لي برنامج دكتورااه عند أهلي وربعي، وطقطقت عليه لين أجيب الدكتوراه وصلى الله وبارك، لكن أنا همي أكبر من هذا، ولولا كنت صاحب عزيمة ما درست ماجستير في السعودية وأخذت ماجستير ثانية من بريطانيا وماجستير ثالثة من أمريكا كنت اختصرت المشوار.

على فكرة البنت كانت تمتدح القسم لكن تقول ان اللغويات صعبة عليها

ظروف الناس المادية والعائلية تختلف , لما تتوفر الاولويات يبدأ الانسان يفكر في العلم والتنمية

القسم أكيد راح تمدحه يقولون "ما يمدح السوق إلا من ربح فيه"
لي أصدقاء تخرجوا من القسم حتى الأيلتس ما كانوا يطلبون أيلتس وشوي تطوروا صاروا يطلبون ٥ ثم ٥.٥ والقسم كان كله على بعضه دكتورين والحين جابوا لهم كم دكتور، وبرنامجهم ما تدري وش يبي خابص التطبيقية على النظرية على ترجمة

أنا أخالفك تماما
لما تتوفر لك المادة والراحة تبدإ تفكر في "الهيصة والميصة" وتركن إلى الدعة... كثير من المبدعين دفعتهم الحالة التي يعيشونها للتفكير الإبداعي وتطوير الذات والمنافسة رغم كل الظروف الشرسة
علي النعمي وزير البترول مثالا.

اعطيك انا مثالا , قبل ما والدي يتوفى وانفصل , كنت الاولى على الدفعة بمعدل ٣.٩٣/ ٤ وفي الماجستير ٤.٧٧ للمقررات
الان فقط ابغى وظيفة اقدر اصرف على نفسي , لو تأخرت المكافأة جعت , ولو وقفت عني ما لقيت حتى ثمن تذكرة العودة

وأنت في الطريق الصحيح الآن... النعيمي كان يوما في مثل مكانك لا تنظري لحاله الآن، انظري لحاله عندما تهزأ بسبب شربه من برادة الأمريكي.

للأسف اعرف ناس اهم شيء الشهادة من امريكا لدرجة دمروا مستقبلهم بتخصصات دراسات عليا ماهي امتداد لتخصصهم كله عشان مسمى شهادة
انا تعاملت مع ناس مختلفة من طبقات الأكاديميين عرفت شو معنى يوم تكون متمكن من تخصصك والله يجيهم رعب منك لأنك تكشف حقيقة المزيفين وتوصل لمرحلة يكرهونك ويحاولون تنفيرك من اي عمل في قروب مشترك

ما عندي أي اعتراض على كلامك.

انت سويت لي غسيل مخ < اعتراف