تجمع Linguistics (Pure & Applied), TESOL, Translation بكالوريوس، ماجستير، دكتوراه

هل فيه جامعة تسمح لي بدراسة ماستر لغويات بعد إتمام معهد الجامعة بمعنى بدون توفل؟؟؟؟

اخواني يا ليت احد يفيدني
افضل انواع اللغويات من حيث العمل الاكاديمي

حياك الله أخوي
(اللغويات التطبيقية ) Applied linguistics
حاليا تعتبر أفضل تخصص أكاديمي
وبالتوفيق

هل فيه جامعة تسمح لي بدراسة ماستر لغويات بعد إتمام معهد الجامعة بمعنى بدون توفل؟؟؟؟

السلام عليكم اخواني واخواتي مدري اشلون طحت عليكم
الله يجزاكم خير ابي قبول دكتوراة من جامعة ما تكون متعبة ومعقدة وبصراحة انا محتارة وش اختار تخصص
تكفون انصحوني بس يكون في مجال اللغويات التيسول التيفول تدريس اللغة الانجليزية من اللي عندة تجربة ينصحني
الله يسخر لكم من يساعدكم اذا ساعدوني

Top Doctoral (PhD) Programs in TESOL

عندك هذي القائمة واغلب الجامعات اللي فيها معتمدة من الوزارة بس على حسب التخصص وعموما التيسول غالبا يكون تحت مظلة اللغويات أو المناهج وطرق التدريس وانتي ورغبتك
يعني اذا ميولك اللغويات ابحثي عن التيسول تحت قسم وادارة اللغويات واذا ميولك تصميم المناهج وطرق التدريس فاختاري اللي يكون تحت اeducation او المناهج
والله يكتب لك التوفيق

حياك الله اخوي

ايه نعم فيه جامعات تقبل هالشي بس غالبا لتخصصات غير اللغويات ( لأن بحكم انك راح تكون متخصص باللغة الانجليزية فمفروض انك قادر تجيب التوفل ) وبعدين إذا التوفل معقدك اختبر الايلتس مرة سها وبتقدر تجيب فيه درجة وغالبا اللي يطلبوها الجامعات تكون 6 فما فوق لللغويات
وعندك جامعة بول ستيت سمعت انها تقبل بعد المعهد بس الله أعلم
وبالتوفيق

أم دحومي ..

أولاً بارك الله فيكِ على ما تقدمين من مساعدة

ثانياً وبحكم خبرتكِ في هذا المجال أريد رأيك بهذا البرنامج في جامعة كاليفورنيا. نظرياً أراه لا يتطلب شروطاً كثيرة

2009-2010 Program Requirements - Applied Linguistics and TESL (cont. 3)

أرجو إبداء رأيك بالبرنامج وتوضيح ما المقصود بما وضع تحت بند Foreign Language Requirement وأيضاً نوع الشهادة Certificate فهل هي تختلف عن درجة الماستر أم ماذا؟

وأيضاً لم أر ذكر للتوفل!

وشكراً جزيلاً

حياك الله
بالنسبة للجامعة فهي من الجامعات اللي قوية و سمعتها زينه وتعتمد على الابحاث كثير والقبول فيها صعب ليس بسبب شروطهم ولكن انتقائيتهم
وفعلا ماتطلب جي ار اي للماستر ولا الدكتوراة بس يطلبون توفل وهذا تلقاة في متطلبات الجامعة والبرنامج اللي فاتح انت عليه هذا شهاده يعني زي الدبلوم ( بس عموما هم عندهم ماجستير ودكتوراة ) يعني اذا انت عندك بكالوريوس تقدم على الماستر مو على السرتيفيكت
الشي الثاني Foreign Language Requirement هذا غالبا يعفونك منه لأن عندك لغة ثانية وهي العربية أما الامريكان فالمطلوب منهم يدرسون لغة ثانية لكن بعض الجامعات تطلب منك تدرس غير العربية وثل الاسبانية او الفرنسية بس غالبا بعد ماتبدأ دراسة ( يعني تأخذ كورس لغة)
يعيب الجامعة انها في لوس انجلوس وطبعا هي من اجمل المدن بس المشكلة الغلاء فيها لكن اذا وضعك وظروفك تناسب فبالعكس توكل على الله وقدم عليه لأنهم يفضلون التقديم يكون مبكر للسنة القادمة
افتح الرابك هذا بتلقى فية متطلبات القسم بالضبط منها التوفل او الايلتس ونموذج كتابة وتوصيات
UCLA Department of Applied Linguistics and TESL - Instructions for Applying
اتمنى اني افدتك
والله يكتب لك التوفيق

الله يعطيكِ العافية ..

أنا عارف الجامعة قوية ولا فيها كلام وأنا استغربت أن المتطلبات ما ذكرت في الصفحة اللي وضعتها وكنت حاس أن هناك شيء ناقص في الموضوع وصدق إحساسي أن هذه الأشياء بدهية عندهم حتى درجتهم المطلوبة عالية

الله يوفقنا وإياكِ وشكراً على الإفادة