تجمع Linguistics (Pure & Applied), TESOL, Translation بكالوريوس، ماجستير، دكتوراه

الله يجزاك خير اخوي تفاكير

والله اني قاعده ادور الاسهل بحكم اني أم وعندي مسؤليات ثانيه

مابي تخصص معقد رغم ان لغتي الحمدلله كويسه

أدري بس لو بدرس هذول وشوله اروح امريكا .. ادرسهم بالسعودية واريح عمري !
انا مشتقه بعمري وحايسة الدنيا علشان اتخصص بالترجمة ، وبالاخير اكتشف ان برامح الترجمة قليلة جدا جدا
بالله اذا امريكا كذا ، اجل من عنده برامج للترجمة كثيرة !

الله يوفقك

اهآ ، مو مشكلة نترجم روايات وكتب بس خلنا نلقاهم اول ! P:
اجل لقيت التيسول ممتع ؟ .. والله ما أدري ، انا جربته ككورسين في البكالوريس بس ماعندي خلفية قويه عنه :/
ليش شبه مستحيل ، يعني حاطين هالبرنامج يلعبون علينا !!
شلون كاتبين ممكن للمستعجلين يخلصونه ب12 شهر ؟
أنت كيف نظام دراستك ، اقصد كل ترم كم ساعة مثلا .. أشرح لي اياه بشويش علشان استوعب ^^
وودي أسألك دامك تدرس هالبرنامج ، تنصح فيه ولا لأ ؟ كيف المدينة وكيف الأجواء ؟
الله يجزاك الجنة ويسهل امورك

مافيه أي اجابة ....

اللي يبي قبول جامعة ماستر في تخصص "TEFL"
" Teaching English as a Foreign Language "

بدون GRE
التقديم مجانا ع الجامعة بدون اي رسووووم ....

Southern New Hampshire university
Southern New Hampshire University (SNHU)

وأي خدمة انا حاضر ,,,,

وهج البرنامج مدته تقريباً 34 ساعة
كل ترم تاخذين ثلاث مواد (تسع ساعات) هو الحد الأدنى.. ثلاث مواد راح يكون معدل الدراسة الطبيعي لمواد زي كذا في عمل بحوث وتحضير ومناقشات .. إلخ
أربع مواد (12 -13 ساعة) هو الحد الأقصى راح يكون فوق الطبيعي يعني راح يكون فيه اكسترا وورك ووقت مضغوط شوي خصوصاً في منتصف الترم الي يصادف الميد تيرم وطبعاً الفاينالز
أنا بصراحة ماسألت عن البرنامج الي مدته سنة لكن من المواد الي كاتبينها هي نفسها الي يدرسونها الطلاب بالمعدل العادي اللهم إن الجدول ضغطوه أكثر وراح تكون 12 شهر مزدحمـــة جداً بالنسبة لك .. يعني زي مايقولون "لحمة بدمها" !
المدينة صغيرة جداً جداً عدد سكانها تقريباً 22 ألف نصفهم منسوبي الجامعة ... مافيها مطار أو مطاعم أو بقالات عربية
أقرب مطار يبعد ساعتين في ناشفيل في ولاية تينيسي .. الجو عائلي جداً .. والمدينة من وجهة نظري قد تكون أرخص مدينة في أمريكا كلها من ناحية الإيجارات ممكن تاخذين دوبلكس بحديقته وموقفه الخاص مابين 400-600 دولار
الجو حلو .. لا برد مفرط ولا حر مفرط .. وفيه طبيعة جميلة
الجامعة مرنة في تعاملها مع الطلاب !
هذا بالمختصر مايخص الجامعة
أما بالنسبة للتيسول واللغويات .. هذي مسألة ميول أولاً وأخيراً فيه ناس تحب التدريس وتخصصها في البكالوريوس أو سبق وعملت في التعليم لذلك تكون الدراسة بالنسبة لهم سهلة .. خصوصاً أن هناك مواد تتطلب خبرات تدريس وعمل تقييم للكتب الدراسية وعمل تحضير دروس
وفيه ناس تخصصت بكالوريوس لغويات بالدرجة الأولى لذلك تفضل دراسة اللغويات وتستمتع فيه وتحس إنه بيكون أسهل لها
يعني ما أقدر أقول التيسول أفضل من اللغويات "كحقيقة" ولكن سأقولها "كوجهة نظر" لكن كمستقبل اللغويات أفضل وظيفياً .. ولكن الموضوع هو رغبة وميول يعني على سبيل المثال كأني أقول لواحد تعال إلعب كورة قدم تراها حلوة وممتعة .. بينما هو ميوله واستمتاعه بلعب كرة الطائرة لأنه مقتنع بقوانينها
بالتوفيق لك

^
^
طيب مالكـ وجهة نظر في موضوعي ,,, ولا ع الاقل قل شئ .... يهمني رأيكـ :|

السلام عليكم ...

ابي اعرف وشووو الفرق بين ..

TEFL in education
and
TEFL in science


عندي قبـــول

the master of science in teaching English as a foreign language

وشووو مميزاته .. وكيف التخصص , المستقبل فيه , مطلوب او لا , وشكرا لكمـ


المصدر: http://www.mbt3th.us/vb/forum8/threa...#ixzz29AMGQQgr
حفاظاً على حقوق الكاتب نرجو عدم حذف المصدر مبتعث

وعليكم السلام
والله وأنا خوك من قال لا أعلم فقد أفتى .. ماادري عن البرنامج وشهو بالضبط لذلك مااقدر أفتيك
لكن الي بدا لي إن الأول تربوي ! بس الثاني ماادري
وقد تكون كلمة علوم وكلمة تربية عائدة على القسم الي جاي منه القبول ..
يعني بالنسبة لي أنا قبولي جاي باسم فيلوسوفي وآرت (فلسفة وفنون) .. والتخصص الدقيق تيسول ! فماادري هل القسم حقك علوم والتخصص الدقيق TEFL ولا لا
فالي يحدد هو البرنامج نفسه
هذا والله أعلم

أخوي المسافر،

الجامعة مو معترف فيها حسب موقع الوزارة وصححلي اذا انا غلطان.

الفرق بينهم ان Education دائما تكون اغلب مواده تابعة للتربية بعكس science او Art يكون فيه مواد باللغويات

هذا اللي اعرفه وبالتوفيق.

سؤال عن التيسول

الاحظ انه دايما تابع لكلية الفنون والاداب مع انه تتيشنق -تدريس- ليه مو تبع الاديوكيشن -التربيه-؟


شي ثاني

اخوي تفاكير

برنامجك سنتنين ؟ طيب المواد في السمستر الواحد تتوقع 3 حلو ولاكثير وضغط ؟
وهل يوميا تدرس ولاعادي حسب الجدول ؟ بمعنى هل فيه مرونة بالبرنامج ولايحتاج تفرغ كامل ؟