تجمع Linguistics (Pure & Applied), TESOL, Translation بكالوريوس، ماجستير، دكتوراه

يا إخوان ... كل عام وانتم بخير .. أنا مرافق لزوجتي على برنامج خادم الحرمين وأنا متخرج من قسم اللغات والترجمة واعمل معلم منذ ٧سنوات وأرغب في إكمال دراسة الماجستير في نفس تخصصي ولكن مشكلتي هو المعدل حيث أن معدلي 2.22من5 .. من يستطيع مساعدتي في الحصول على قبول ولكم مني الدعاء

مبروك لقبول زوجتك وربي يوفقكم جميعا لكن في موضوع مهم لازم تنتبه له اولا ان اصحاب المعدلات المنخفضة يعانون جداً من الحصول على قبول خاصة في امريكا لذلك اذا زوجتك معدلها كويس وفرصة حصولها غلى القبول اعلى منك فعليكم بالبحث بجامعة تقبلك انت اول بعد كذا انصحك تعمل معادلة ويس لشهادتك عشان يرتفع معدلك وينحسب لك من ٥ وأتوقع افضل لك تبحث عن تخصص ثاني غير الانجلش لان في كل الجامعات دائماً قسم الانجليزي يطلب معدل وتوفل اكثر من باقي الأقسام لكن لو جربت التربية او الادارة غالبا تكون اقل ولو تقدر تجيب جي أر اي بدرجة عاليه كويس بعد لانه يغطي نقص المعدل عند بعض الجامعات
أنا والله ما ابي أقلل من عزيمتك بس قدامي كم نموذج واحد معدلة ٢.٥٠ وواحد ٢.٩٠ والى الان ما حصلوا قبول
وانا راح ابحث لك بقائمة الجامعات السهل قبولها ان شاء الله بس اتذكر منها university of Wisconsin whitewater
الله يكتب لك التوفيق ويرزقك القبول يارب*

شكرًا لك أم دحوووم ..اسأل الله العلي القدير أن يجعل ما تقومي به في موازين حسناتك ،،،

السلام عليكم ورحمة الله وبركاته
صدق او لا لقيت تجمع تخصص لغة انجليزية

في البداية اسأل الله العلي العظيم التوفيق لي ولكم
يا اخوان اخوكم حائر جداً جداً فهل من موجه

انا الان ابحث عن تخصص تيسول وتحديد كنت محدد جامعة سانتا باربرا بكالفورنيا واخبروني بصعوبة القبول هناك بمعدلي وهو 3.34 انا خريج لغة انجليزية وادابها بالانتساب من جامعة الملك عبد العزيز وارتفع سقف الطموح واريد اكمال الماستر والدكتوراه بحول الله بالخارج .

طبعاً قالو لي غير التخصص اذا تريد كالفورنيا او غير الولاية للتخصص وانا لا يوجد لدي مشكلة بالاثنين

انا في حيرة مابين التيسول ، او اللنغوستك او الانجلش او الابلايد لنقوستك ، اتمنى من اي شخص يخبرني بالفروقات بينهم من بين الصعوبة والسهوله خصوصاً التيسول والابلايد لنقوستك .
كل ما سألت قالو يبي لك مستشار اكاديمي وانا بالرياض وبالمشاكل رحت جدة علشان اخذ الشهادة والتوصيات كل دكتور الله يهديه مو فاضي لشي ، التوصيات جت بعد حب خشوم وطلبات وشحاذه ، فما بالك تسأله تقوله وش رايك اتخصص في التخصص الفلاني .

الي فاضي ياليت يكتب لي مالديه من معلومات وشكراً جزيلاً لكم .

انا خريجة لغة انجليزية بمعدل 4 ونص من 5
وماعندي توفل ولاشي واحس صعب ماقدر اجيب الدرجه المناااسبه
مبتعثة لامريكا

ايش افضل الجامعات بقبول مشروط افضل >

وفي اختبارات او اي شي قبل مادخل التخصص


( تيسول) في هذا التخصص


وايش رايكم بالترجمة ؟؟؟؟؟؟؟؟؟؟؟؟؟؟؟؟؟؟؟



انتظررر الررد

ألاحظ هذا الخطأ كثير بين الطلاب!

يا أحد مثلاً خايف من الاختبارين كلهن أو من أحد الاختبارين مثلاً التوفل وهذا كثير شفته وإذا سألت أحد له 6 أشهر يختبر آيلتس ليش ما جربت التوفل قال يا أخي صعب! كيف عرفت هل جربته وشفت درجتك؟ لا بس والله الناس يقولون صعب!

هذي مشكلة كبيرة صراحة وتكبر حين تأتي من متخصص باللغة الإنجليزية وتكبر أكثر حين تأتي من من يبحث عن ماجستير في التيسول ومعلوم أنه يتضمن مواد عن تقييم اللغة وأقل ما في الموضوع التجربة وزيادة المعرفة!

زميل لي كان يتفادى هذه الاختبارات ما أمكن ويبحث عن قبول مشروط ثم اضطر إلى الاختبارات بحكم ضيق الوقت عنده فسجل في الآيلتس ولم يأتِ بالدرجة المطلوبة وفكر في الاختبار مرة أخرى ولكن كعادة الآيلتس في أمريكا بحكم الضغط والندرة لم يكن هناك موعد قريب وسيفوت عليه وقت التقديم وبعد المحاولة معه اقتنع باختبار التوفل فاختبر وأتى بالدرجة المطلوبة وقُبل ما شاء الله!

أرجوا أن لا يكون كلام الناس هو المعيار والمؤثر الأول والأخير في القرارات لأن كل شخص يختلف عن الآخر ..

ماشاء الله تبارك الله ،، و الله يوفقك اول شي ،،
ثانيا ،، ما راح تلاقي ماستر ترجمة بأمريكا .. شيليه من راسك ،،
بخصوص التوفل خلال دراستك فترة اللغة هنااك حاولي تشدي حيلك و تحضري للتوفل و كثير المراجع له لو بحثتي
و بما ان تخصصك انجلش ما راح تتعبي ان شاء الله و تجيبي الدرجة المطلووبة ،، لو تراجعي الموضوع بتلاقي فيه كثيير جامعات نصحوا فيهاا الاعضاء
و ماقصروا =)

حياك الله
بس لو ترجع للصفحات الاولى راح تلاقي جوابي عن الفرق بين الفروع الثلاثة وبالنسبة للسهوله التيسول اسهل بعده الابلايد لينقويستكس وبعده اللنقويستكس النظري
وراح تلاقي برضوا اقتراحات الاعضاء لاسماء جامعات ممكن تفيدك
وبالتوفيق

ابن بيت آل هليلة

الله يجزاك خير استفدت كثير من ردودك

محتاره كثير بالتخصص اتمنى ادرس لغه اسبانيه بس سمعت انه مالها مستقبل في السعوديه وبتكون شهادتي دبلوم
فمالي الا تخصص applied linguistics ومعدلي 2.80 من 4
ممكن القى قبول بجامعه مستواها ممتاز اكاديميا بذا المعدل ؟؟

الشكر للجميع في هذا التجمع الجميل .. الله يوفقكم ويرزقكم جميعا ..


Bicultural-Bilingual Studies Department | COEHD | 2011–2013 Graduate Catalog | UTSA
أنا اخترت جامعة UTSA في سان أنتونيو - تكساس ..
تخصص TESOL .. للماجستير ..
هل احد درس فيها ؟ وإلا درس في معاهدها ؟ وهل قبولها سهل أو صعب ؟


استفدت كثير من هالموضوع ومن ردود الجميع ..