السلام عليكم ورحمة لله وبركاته، انا استقدت من هذا الموضوع قبل التحاقي بالبعثه وانا الان علا بعد اقل من سنه ولازلت أستفيد ولله الحمد فشكرا لكم جميعا وأخص بالذكر الأخ دكتور اللغويات.
عندي عدة أسئله اتمنا من طلاب الدكتوراه الاجابه عليها، صحيح انها كثيرة ولكن راح تكون الإجابات مفيدة لي ولغيري.
١- هل دراسة الدكتوراه ( linguistics or applied linguistics) تختلف عن الماسترز؟ اقصد بذلك طريقه إدارة الكلاسات والمادة والمحتوى ام انها تماماً مثل الماسترز ولكن مدة أطول كورسات اكثر
٢- هل احتاج الا اختبار توفل او ايلتس اذا كان الماجستير من امريكا ؟ علما أني حصلت علا ٨٠ ibt
٣- هل هنالك رواتب أعلا الدكاترة اذا كانو في نفس وظيفه مع من هم حاصلين علا بكالوريوس او ماسترز وهل تعيني سيكون علا مرتبه أعلا منهم؟
٤- يصيبني رعب عند قرائه متطلبات و شروط القبول للدكتوراه وأحس انني لست أهل للدكتوراه خصوصا انني أعاني في الماسترز. نصائحكم لي ولغيري
وشكرا لكم
( تمت المشاركة باستخدام تطبيق مبتعث )
الصديق وقت الضيق March 9th, 2014, 05:38 AM
7 " وعليكم السلام ورحمة الله وبركاته,
بجاوبك على بعض الأسئلة (2 و4 ) وغيري ممكن يزيد ويجاوب على بقية الأسئلة.
2. بالنسبة اذا تحتاج امتحان توفل أو لا فهو يعتمد على الجامعات اللي راح تقدم عليها,, بعضهم يكتب حرفيا انه الطالب معفى اذا درس في أمريكا لككن مو كل الجامعات,, ونصيحتي لك الشخصية هو انه تستعد للإمتحان وتختبر مره ثانية , مع الأخذ بالإعتبار انه الجامعات في الغالب في الدكتوراه تطلب السكور يكون في التسعينات وأعلى . وكل ماجبت درجة عالية كل ماكان خياراتك بالجامعات أكثر.
ولأن بعض الجامعات اللي تطلب الجي ار اي, ترأف بالطالب الأجنبي من ناحية الفيربال وتقارنها بالتوفل لكن مثلا جزئية الرياضيات (للأقسام اللي تركيزها على formal linguistics) تطالب بدرجة لازم تكون كويسه بالرياضيات- بإستثناء الجامعات اللي ماتهتم بجزئية الرياضيات من الأساس.
بالنسبة لسؤالك الرابع يعجبني هالنوع من الأسئلة لأنه تبادل خبرات وبرضوه يدل انه الشخص واعي ومهتم.
بالنسبة للرعب شئ طبيعي أخوي لأن ببساطة احنا طالعين من السعودية واحنا غير مؤهلين والصادق مع نفسه هو اللي يعترف بهالشئ مو اللي يقول التعليم بداخل البلد ماقصروا معنا>_<
لككككن حتى بالسعودية التعليم متفاوت من منطقه لمنطقة ومن جامعة لجامعة,, فيه أشياء فعلا هم قصروا فيها من ناحية ماكانوا حاطين معامل أو غير مجهزه أو المناهج قديمة وفقط تعاريف,,اللغويات تحول بجامعاتنا الى مادة تافهه عبارة عن تعاريف احفظ واملأ الفراغ,,لا يوجد تعزيز لمهارات التفكير ولا النقد ولا مزج المادة مع الواقع. يعني كيف مادة لغويات تدرس كم كورس ..ومافي ولا كورس يطلب ورقة بحث صغيرة ايجاباتها تحتاج تفكير مو نسخ من النت. لا منهج كان كويس ولا طريقة التعليم كان فيها حث على اجتهاد حقيقي خارج عن احفظ وعبي الورقه. ماكانوا يعلمونا ولا يحثونا أصلا نقرأ خارج "كتاب " المنهج ..صار ممكن تنجح وانت حافظ شرائح باوربوينت ! يعني هون عليك أخوي لأن السبب متجذر وعميق ويتعدى الطالب ويصل للمؤسسة التعليمية كامله من مدارس وجامعات وأعضاء هيئة تدريس نفسهم خاملين وماكتبوا بحوث بعد رسايلهم.
هذا طبعا الحال العام لنا جميعا,, لكن فيه حالات خاصة وهي اللي لازم نركز عليها,, أقصد فيها الطالب نفسه, يعني أول خطوة لما يعرف الطالب انه عنده مشكله, معلوماته ضعيفه مثلا أو خلفيته عن البحوث محدودة أو لغته يحتاج يطورها أكثر ..كل هالأشياء مشاكل لكن الناجح هو اللي يحددها ويشتغل عليها حتى لو خذت منه جهد كبير وفترة طويلة من الوقت لأن الناتج النهائي يستحق هالتعب وعندها فقط راح يخف الرعب اللي يحس فيه الطالب لما يقارن نفسه بالجنسيات الأخرى في الدراسات العليا.
فشعورك شعور طبيعي لكن المهم ايش حتسوي عشان تشتغل على نقاط ضعفك أو العقبات اللي تشوف انها بتواجهك؟؟
وشروط القبول أشوفها صعبة في الغالب في الجامعات اللي توب 30 لكن كل مانزلت بالترتيب بتشوف جامعات شروطها عادية.
طالما انك تعاني في الماستر معناها بيكون صعب عليك تحدد أقوى الجامعات في الدكتوراه وتشتغل عليها ... من كذا أشوف اللي يدور على جامعات سهله وبالأخص متسااااهله في الدراسة في الماستر بيتعب كثييييييير في الدكتوراه. عموما فيه جامعات متطلباتها معقولة مثل كولارادو بولدر وجامعة تكساس أرلنغتن وجامعة كنساس وبعض الجامعات في الغرب كاليفورنيا وأوريجون,, ابحث فيهم..شروطهم ماهي صعبه. وفي الغالب مسارات تيسول واللغويات التطبيقية شروطهم أبسط من غيرها من التفرعات الخاصة باللغويات. واذا كل شئ تقفل ومالقيت قبول عندك بريطانيا وأستراليا قبولاتهم بصراحة لاتقارن بأمريكا ..يعني مابتتعب كثير.
cereal March 9th, 2014, 08:34 AM
7 " بيض لله وجيهكم(ن) معلومات مفيدة جدا. انا الان طالب تيسول وبأذن لله اكمل دراستي
تحياتي لكم
( تمت المشاركة باستخدام تطبيق مبتعث )
الصديق وقت الضيق March 9th, 2014, 09:15 AM
7 "
طيب ماهي التخصصات التي تندرج تحت applied linguistics ؟
يعني لو كان اهتمامي بالدسكورس والسوسيو واللغة كتطبيق يعني على الواقع بتكون تندرج تحت النظري فادرس كل شي حتى لو مالي رغبة فيه عشانها ؟ او لها مسار معين ؟
شفّافة March 9th, 2014, 02:51 PM
7 " قريت الموضوع كله وطلعت بفكرة شاملة عندي استشارة حاليا محتارة بوضعي ياليت تعطوني آراكم حسب اللي تشوفونه مناسب
محتاجة أدرس لغة لحاجة نفسية للحين مااختبرت الايلتس ولا اعرف مستواي حقيقة بس اشوف نفسي محتاجة للغة حتى اصل للرضا عن نفسي ومستواي
حسب اللي شفته ان التقديم يبدا بشهر 9 في أغلب الجامعات بوضعي الحالي وش ممكن اسوي ؟ لأن لو درست لغة مثلا ماراح الحق على التقديم فعلى كذا ماراح اقدم الا 2015 وابدا 2016 ؟ والا وشلون اتعامل مع الموقف ؟ لأني بديت جديا افكر باللغويات النظرية واشوفها تحتاج لغة قوية
في حيرة من أمري والله .
شفّافة March 9th, 2014, 07:27 PM
7 " انا أفضل مع فترة اللغه تاخذين كورسات عن الايلتس او التوفل حسب رغبتك لانها مهمة جداً جداً جداً للعب دور في رفع درجة الشهادة . كلامي هذا من خلال تجربه شخصيه وتجارب اخرين
( تمت المشاركة باستخدام تطبيق مبتعث )
الصديق وقت الضيق March 9th, 2014, 08:44 PM
7 " applied linguistics في أمريكا هو = educational linguistics فقط
يعني يشمل على تيسول وsecond language acquisision و language learning and teaching, methodology ومرات يطرحوا discourse معه زي في UCLA
اذا بحثتي في جامعة وطلعت انها تعطي فقط syntax , phonology and morpholohy معناها احتمال انها تميل فقط لل descriptive linguistics وقوتها في هذا المجال يعني التحليل و structure . كل جامعة في أمريكا لها برنامجها الخاص وكل برنامج في أمريكا له اهتمام قوي في مجال معين مثل اللي يهتم بتوثيق اللغات المههده بالإنقراض البرامج القويه بهالشئ وتركز عليه جامعة منيسوتا.
ومو شرط المسار يندرج تحت تصنيف معين مثلا اللغويات الحاسوبية في أغلب الجامعات منفرده في مسار خاص . لكن المهم انه اللي يدرس لغويات حاسوبية بأمريكا مستحيل يقول أنا أدرس لغويات تطبيقية لأنها زي ماذكرت فقط تختص بالتعليم.
cereal March 9th, 2014, 11:01 PM
7 "
وبعض التخصصات فعلا أسهل بالقبول بالدكتوراه من اللغويات لأن الفرق في المتطلبات,, مثلا الخبرة البحثية متطلب أساسي بالنسبة للغويات لكن لو تشوف التخصصات الإدارية بشكل عام متطللباتهم تعتمد على مشاريع أو خبرة عملية تهمهم أكثر من مجرد انه الشخص يعرف يكتب بحث.
وقبول الدكتوراه صعب لكن كل ماكانت الجامعة من بعد التوب 30 \40 تكون فرص القبول أكثر لأن المنافسة تقل.
وقبول صعب مومعناها مستحيل..فقط يحتاج صبر وتخطيط وأخذ بأسباب.