تجمع Linguistics (Pure & Applied), TESOL, Translation بكالوريوس، ماجستير، دكتوراه

بسالكم عن شغله
انا حصلت جامعه فيها تخصص لغويات واللي هي northeastren illnoi university هم يقبلون معدل 2.75 وتوفل 79
انا معدلي 2.68 وتوفل 79 قالو اول شي قبول مشروط رضيت بعدين غيرو كلامهم قالو مانعطيك قبول مشروط راح تدرسي لغه ولانهيتها اختبر توفل عشان ادخل التخصص لغويات
طيب انا اخذت لغه سنه في جامعه مختلفه وجبت درجت توفل المطلوبه ايش اسوي بالله
ياليت تساعدوني

شروطها قبولها دراستها (سهلة) ولكن حاليا قسم اللغويات موقف من الملحقية بحجة التكدس.

يعطيك العافيه عارفه انها متكدس التخصص
بس ودي فيها الجامعه بس ردهم غريب مدري ايش مقصدهم وانا مخلصه اللغه وجايبه الدرجه التوفل

الله يجزاك خير,,
فعلا البحوث كلها كانت كلها كمية في السمينار وكان أول تيرم وما قد أخذت كورس بطرق البحث. حسيت بصعوبة كبيرة فيه,
خلاص راح أرسل لك في السبرينغ بريك (عشان نكون كلنا مأجزين) رسالة تذكيرية لأني حابة أستفيد من اللي أخذ كورسات في طرق البحث.
أنا عندي كتب عامة عن البحث وكتابته بس اذا فيه recommendations لكتب معينة بكون ممنونة .
شكرا وربي يجزاك خير.

P.S
ردي متأخر لأن دخلاتي متقطعه ومرات من الموبايل فما أكون مرتاحة بال typing.

في جامعتي بصراحة الطلاب متفوقين جدا جدا جدا وكلهم سواء أمريكان أو أجانب مثقفين وعارفين بالتخصص من النقاط الصغيرة للكبيرة لدرجة البروفيسور نفسه مرات مايلقى اجابة على تساؤولاتهم. أنا أخذت سمينار هالتيرم وكنت أفكر بكلامك ولقيت اني صح أتردد شوي لكن أشارك بكل سمينار so farالحمدلله. فكانت مشكلتي بالسمينار اللي فات انه المتيريال كان في منتهى الصعوبة بعكس هالسمينار المتيريال سواء كتب أو بحوث كلها سهلة. وكنت حاسه بإحباط في السمينار اللي فات لأن شفتهم كلهم فاهمين الا أنا.... بس واقعيا أنا ظلمت نفسي بالمقارنة هم خبرتهم كانت أكثر وكانوا في مراحل أعلى مني.

الله يجزاك خير على المشاركة المعنوية والإفادة والتشجيع ,,

أسأل الله لك التوفيق ,,

أحب هذا النوع من الأسئلة وأتمنى لو أغلب اللي يدخلون يسألون أسئلة مثل كذا أو أسئلة أكاديمية أو أسئلة بالتخصص. لأن الهدف الإستزادة مو بس ندخل الجامعة أو نلقى قبول.
عموما الكتابة هي مهارة يعني تحتاج وقت وخبرة طويلة عشان تصقليها. والبحوث نفسها أنواع فيه اللي سهل وكل الطلاب يبدأوا فيه مثل Review وهو كتابة نقدية ومراجعة لدراسات سابقة, وفيه بحوث راح تجمعي فيها داتا وتحلليها ..الخ من أنواع البحوث. و كل شئ راح يبدأ بخطوة.. في المرحلة اللي تدرسي فيها سواء ماستر أو دكتوراه راح تكتبي بحوث صغيرة في كذا كورس وبعدين الرسالة وكل هالأشياء تبني خبراتك. في مرحلة الدكتوراه نفسها على حسب جامعتك طبعا بس الأغلب في البرامج انهم يخلون كتابة بحث "قابل للنشر" يعني جودة عالية بيكون متطلب في المرحلة قبل حتى كتابة الأطروحة. وكل هذا عشان يدربوا الطلاب على كتابة بحوث "متميزة". يعني السالفة راح تاخذ وقت. لكككن النشر نفسه ماهو صعب أو مستحيل . النشر يعتمد على مكانة الجورنال نفسه في بعضها التنافس عليه أقل ويقبل من طلاب وهذا غالبا يكون جورنال مجاني النشر فيه وبهالحالة قبول البحوث سهل. لكن لما يكون النشر في peer reviewed وجورنال التنافس فيه عالي مثلا طالب أو خريج دكتوراه جديد مع دكتور مشهور مثلا طبعا بيختاروا النشر للدكتور الا اذا كان الطالب نابغه وبحثه فعلا طرح مشكلة محد تطرق لها. عشان تكتبي في الجورنال لازم تبدأي القراءة في المجلات العلمية اللي تناسب تخصصك عشان تعرفي طريقتهم والمطلوب عشان توصلي للنشر أو للتميز بالبحث. وأبي أنبه على نقطة ترى حتى الدكاتره الأمريكان اللي يدرسونا مايلقوا عملية النشر سهلة وخصوصا في مجلات معينة لأن التنافس شديد.

أنا وجهة نظري انه الجامعات السعودية وسوالف الجودة بدأت تغير اهتماماتهم يعني صار فعلا فيه تركيز وحتى حوافز ومكافآت ثابتة للي ينشر في مجلات علمية محكمة ترتيبها عالي دوليا وكل ما كانت مهمة كل ما كان الدعم المادي أكثر. يعني انت نظرتك واهتمامك بالبحث من البداية فعلا مهم وأشجعك عليه..كونك تطلعي باحثة هو الهدف من الدراسات العليا وهو المتطلب لكل الكادر الأكاديمي في الجامعات. يكفي انه ترتيب الجامعات عالميا أو( حتى ألحين بالسعودية بدأ ا)..ا.نه يتم التركيز على عدد النتاج العلمي للأعضاء.

وأولا وأخير الدراسة وكتابة البحوث هي لإستمرارية الحراك العلمي في مجال التخصص.

هذا الرابط لمجلات علمية للغويات ,, فيه طبعا أكثر,,, بس حوالي 70% من البحوث اللي يعطونا في السمينارات كانت من هذي المجلات:

Journal Rankings on Language and Linguistics


Linguistics Inquiry من المجلات العلمية اللي كثير من طلاب ال MIT ينشروا فيها.
عقبالك يارب,,

تحت امرك اي وقت
بالتوفيق وكل السعاده

السلام عليكم ورحمة الله وبركاته..
مجهودكم واضح ويُشكر ماشاءالله تبارك الله.. قرأت كثير من الموضوع لكن عندي استفسار بسيط
أنا عندي بكالوريوس انجليزي طبعا واطمح بعد الابتعاث اني اتوظف في جامعات ان شاءالله, سؤالي هو: هل يفرق اذا تخصصي في الماجستير كان لنقوستكس أو ابلايد لنقوستكس من ناحية المواد اللي أدرّسها؟
بمعنى اذا درَست ابلايد لنقوستكس, هل حكون محصورة بتدريس مادة ابلايد لنقوستكس وبعض مواد البيسكس مثل (ريدنق-رايتنق-لسننق)؟
أو أقدر أدرّس مواد ثانية تحت الثيورتكال لنقوستكس مثل السنتاكس والمورفولوجي طالما أنا دارسة شي ينتمي تحت مظلة اللنقوستكس عموما وبطبيعة الحال عندي خلفية عن هذه المواد.
أتمنى يكون استفساري واضح ومفهوم.
إجابتكم ومساعدتكم حتساعدني في اتخاذ قرار التخصص كثييير.

جزاكم الله كل خيييير

على حسب حاجة قسمك
بعض الشباب ماخذين ماجستير لغويات نظرية ولما رجعوا القسم خلوهم يدرسون أدب إنجليزي!!!!!
ليش؟
لأن القسم محتاج أحد يدرّس أدب