طريقة الاتصال بأمريكا.. وطريقة الشراء بأمريكا..!

يالغلا ، بالنسبة لشرائح الجوال .. بتلاقي كثييير .. واللي يحكم بينها في الأخير
هو أنت على قدرتك المالية و إحتياجك .. أنا برضو سمعت أن T-mobile ممتازة
من حيث الأسعار .. عن نفسي أنا شاري أيفون من at&t و أدفع شهرياً 150 دولار
تقريباً مقابل خدمة مفتوحة في كل شئ .. دقائق و رسائل جوال و إنترنت ..!

بخصوص بطاقة ماستر كارد الأهلي ، إيه نعم .. تقدر تسوي منها كل شئ!
تحجز فنادق و تشتري من النت .. شرط تكون حاط فيها المبلغ المطلوب كاش ..!

والشحن ترى مهوب بطاقات شحن .. الشحن بطريقتين .. يا أما تروح لفرع بنك
الأهلي في السعودية و تودع الفلوس كاش .. أو يكون عندك حساب في البنك الأهلى
و تصير تحط الفلوس في حسابك الجاري في البنك الأهلى ، و تدخل النت أو الهاتف
المصرفي و تحول الفلوس من حسابك الجاري لحسابك الإئتماني ..!

* إنتبه إذا جيت تسجل في النت ، ضبط كل أمورك في السعودية .. لأنه بعد
ما تسجل بيطلب منك تروح لصراف الأهلي و تفعل شغله ..!

بخصوص بطاقة البنك الأمريكي .. إيه، تقدر تسوي فيها كل شئ .. تشتري وتصرف!
و أحسن من بطايقنا السعودية .. لأن البطاقة العادية تقدر تشتري فيها من النت بعد
و تحجز فنادق و تسوي كل شئ أون لاين .. يعني ما تحتاج بطاقة الأهلى و مشوارها
الطويل ، لكن خذها معك على كل حال إحتياط ..!

بخصوص بطاقتك في البنك العربي .. إيه تقدر تسوي فيها إذا كانت الشبكة اللي
بتستخدمها في أمريكا موجودة على بطاقتك .. لكن ما أنصحك أبد! .. بيأخذون عليك
سعر صرف العملة .. و يأخذون فوقها رسوم .. بتطلع عليك أغلى من بيع السوق ..
لكن حلوة أوقات الطفرة أو إذا إحتجت فلوس ضروري ..!

بالتوفيـق ..!