القبول وجبنـآهـ .. بس الجآمعة رافضه ترسل خطاب القبول .. مساعده أخوي ممدوح ..

Up

up

Up

Up

up

Up

طيّب .. سؤال، أنت طلعت فيزا ؟
و المعهد هل هو منفصل أو تابع للجامعة ؟

إيه أخوي الفيزآ مطلعها لي أكثر من شهر ..

والمعهد منفصل معهدي في ELS في مدينة فيلادلفيـآ

..

بس كنت بجيب قبول جامعي عشان اقدر افتح ملف بالملحقية بدون نقص اوراق ولا غيره

..

هلا بك أخوي محمد ..

يفترض ما تسأل الموظفة عن الـI-20 . .

المفروض تقول لها عطيني " Letter of Conditional Acceptance "

راسلها وعطني خبر وش يصير معك , , ,

هذا اللي انا كنت أقصدهـ أخــوي

الموظفــة تقول مآنوفر لك القبول المشروط .. لاخلصت المعهد وجبت التوفل ترسل لنا صورة من شهادة المعهد وصورة من درجتك بالتوفل

اخوي هذا ما يعتبر قبول مشروط ....لانها ما ارسلت ورقه القبول

راسلهم وقلهم انك قبلت في المعهد وعندك i-20 وعندك فيزا بس لا تعصب وربك يفرجها

على كذا وأنا أخوك الجامعة أساساً ما عندها قبول مشروط .!.!.!

لو عندهم قبول مشروط كان عطوك ما يثبت أنها قبلت قبول مشروط

وإلا أقلها عطوك Letter of Conditional Admission/Acceptance . .

ورطه بصراحه طيب انت الله يهديك ماتعرف من الاساس انه مايعطو مشروط !!
انا اشوف تتفاهم مع الملحقيه على اساس وضعك وتشوف
او اسال اذا في جامعات قبولها سهل ويسرعه يطلع يصير تقدم وتعطيه للملحقيه تمشي فيه امورك وفتح الملف
(انا بصراحه ماعرف عن اجراءات الي على حسابهم الخاص لان احنا فتحنا ملف بقبول المعهد فقط)
بالتوفيق

حبايبي واعزائي هههههههههههه انا مب معصب

بس البنت اول ماراسلتها قالت نعطيك قبول مشرووط ..

وعندها كل اوراقي وتدري اني انقبلت بالمعهد وكل شي

وواحد من اخوياي هناك بالجامعة هو بنفسه اللي اشرف على ملفي وقالوا متى ماخلصنا اوراقه بنعطيه قبول مشروط

وكلمته امس وعطيته بيانات الموظفة رقم تلفونها ومكتبها وين .. وقالي بيروح لها لازم ياخذ منها قبول مشروط

لأنه هو اصلا يدرس ماستر هناك وجاب قبول مشروط من الجامعة وهو بالمستوى الرابع باللغه

//

إلى حد الآن راسلت 4 جامعآت .. وحده الله يكرمكم تشويته مع اقرب مخرج بقوقل ..

والباقي ارسلت اوراقي وانتظر واشوف وش بيصير

..

اما سالفه الملحقية صافطييييييييين لي شهر اراسلهم ولا احد عطاني وجه

//

الحين المعهد نفسه له موقع هذا هو

http://www.collegedirectory.els.edu/

هذا تسجل فيه وتروح تسوي بحث بالجامعات

وتحط صح على اول وحده انك تبي قبول مشروط .. وتحت تعبي بعض البيآنآت

واسم التخصص .. وفي الأخير .. حط صح على القبول من معهد ELS بحيث تخلص المعهد تقبلك الجامعة بدون توفل ولا جيمات

واخترت التخصص نظم معلومآت إدارية ..

وطلعت لي جآمعآت حول 24 جامعة كلها تقبلني بتخصص البزنس للبكالورويس بدون توفل ولا جيمات

بس اخلص المستوى 112 من المعــهد .. وعطوني رقم الأدفايسر بالدمام .. وواحد بالخبر

بشوفه يوم السبت ان شاء الله ينفعني .

مع العلم الجامعة اللي انا ابيهــآ وللحين مآرآسلتها هي

http://www.csus.edu/

أن كانك اخوي ممدوح تقدر تجيب لي قبول منهـآ لو يقعد شهر .. بحيث يكون مشروط

..

ومشكورين وماقصرتوا .. وهالبيآنآت اللي حطيتها فوق هذي الغرض منها إفادة اللي يبحث عن جامعات تقدم قبول مشروط

بالتخصص اللي يبيه بس يعبي البيآنآت صح .. وتطلع له الجامعآت وكل جامع وكم تكلف بالسنة

يعني بإذن الله محد يحتاج يروح لمكاتب ونهب فلوس

..

والله يعين ويوفق ان شاء الله

//