شوف الصدف .... د العيسى معاي في المطار

لـكـل مـقـام مـقـال , والذي فـعـلته كان فعلا غير صحيح وبعيدا عن التّهذيب . . .

كان يجدر بك أن تعرف أن ذلك لم يكن الوقت المناسب ولا المكان المناسب لتمطر الملحق بأسئلتك

وأي شخص كان مكان العيسى لفعل مثل ما فعل بل ولربما ثار في وجهك جرّاء مضايقتك له بأسئلة تطفلية سخيفة في أصلها وفي وقت طرحها . . .

كان من المتعيّن عليك أن تسلّم على الرّجل وتطمئن على حاله وتغرب عن وجهه لا أن تكون ضيفا ثقيلا عليه,

الله لا يحوجك الا لوجهه الكريم

والله يوفقك

صددددددددددددددددددف سبحاااااااااااااااااااان الله ................

ههههههههه .. الله يوووفقك خيوو ويغنيك عن الناس ^^

اولا شكرا على النصيحة المبطنة

ثانيا ياخ ممدوح اقراء مشاركتي بتمعن وبعدين رد
ثالثا الملحق في خدمتي وخدمت الطلاب في اي مكان وزمان وهذا الكلام مهو من عندي منعد طويل العمر ابو متعب عسى الله يحفظه لنا انشاء الله اي مسئول يتحمل المسئولية

بعدين اتحداك انت لو لك حاجة عند اي مسئول ولقيته صدفة اكيد بتجرب حظك

بعدين انت مشرف المنتدى المفروض تقول غير هذا اكلام

أنا قرأت مشاركتك مرة وحدة وبعدين ردّيـت , مشاركتك ما تستدعي الواحد يتمعّن فيها على قولتك ...

أنت في هذا الموقف كـنت " بـثـر " وثـقـيـل طيـنـة , أنا أقولها لها صراحة في وجـهـك ,

وأما مسألة خدمة في كل مكان وكل زمان , أنا ما أدري من وين جايبها ؟ ؟ ؟,

أنا عمري ما سمعت عبدالله بن عبد العزيز قال اللي تقوله أنت .!.!.!.!. . .

طيب , لو المسؤول نايم في بيته الساعة 1 الفجر , يحق لك أنت وغيرك تجي تدق باب بيته وتقوله في إلحاق بالبعثة وإلا ؟ ؟

خاف الله يا شيخ واستح من الله وخلقه .. الله ما شفناهـ بالعقل عرفناهـ وفي شيء اسمه ذوق وتقدير لظروف الناس .!.!..!.!

وتـحـدّيك لي مردود عليك , وكل ما أستطيع قوله هو " كـل يـرى الناس بـعـيـن طـبـعـه " , , ,

وأخيرا , وش دخل كوني مشرف وإلا عضو ؟ ؟ ؟

أنا كلمة الحق واللي أؤمن فيه من أي موقع كنت فيه .!.!.!

السلام عليكم ابغى اقول لكم شي ممدوح معه حق وتوفيق معه حق بتقولون ليه طيب بقولكم ليه بس لا ممدوح ولا انا كنا حاضرين مع توفيق اثناء حواره مع الدكتور عشان كذا بتوقع نبدأ مع ممدوح انت كلامك صحيح يمكن الدكتور كان مستعجل او عنده رحله بيلحقها بحكم انها كانت في المطار وانت يا اخ توفيق ثقلت عليه بالاسئله , اما بالنسبه لتوفيق يمكن شاف الدكتور فاضي يعني جالس على الكرسي ويطالع في السقف قال اهرج معه واساله عن كم شي بالعربي المفروض يجاوب عن الاسئله بحكم انه مسؤول في الوزاره اذا طرحت باسلوب وسلامتكم .

السلام عليكم ورحمه الله وبركاته:
اولا الحمدلله على سلامه الوصول...وانشالله يتم الحاقك بالبعثه......
انا متاكد ان سبب سوالك بالمطار...كان بسبب قلقك على مستقبلك...
كما تفضل الاخ الشرف لكل مقام...مقال..
يكن ثقافه الواسطه التي نعيشها...والقلق والدافع الشخصي يدفعنا احيانا ان نبادر ونسال ...لعل الحظ يبتسم لنا.....
الاخ المشرف .... ردك على صاحب الرساله كان في شويه قسوه...
انا من ناحيه شخصيه لا اوومن بالواسطه ولا بسوال المسوولين خارج اوقات عملهم...
لكن نتمنالك اخوي التوفيق انشالله ويتم الحاقك بالبعثه..وترجع للوطن وانت تحمل اعلى الشهادات

السلام عليكم

اخوي ابرد عليك ليس مدافعة عن الدكتور لاني ما اعرفه والقصه اللي ذكرتها قصيره ما اقدر احكم من خلالها عليه. ولكن من وجهة نظري كموظفه احط نفسي مكانه اثناء المحادثه..ومن باب حسن الظن بالناس

انت جيت تكلمه بوقت يمكن في اجازته وطالع يغير جو بعيدا عن هموم مشاكل الشغل؟؟ وفجأه يجي احد ويذكره ويساله سؤال..ويمكن انه
عشان يساعدك يحتاج يكون في مكتبه او يكون معه ارقام معينه .. يعني اللي اقصده انت سألته يساعدك لمركزه وممكن هو في وضع مايقدر.

مثال : انا موظفه وفي اثناء اجازتي ابي انسى الشغل ومشاكله وما ابي اي احد يذكرني فيه..وطبعا اكيد لما اكون في اجازه لازم يكون فيه احد ينوب عني.. حصل لي نفس الموقف مره..كنت مسافره واول ماركبت الطياره ابقفل جوالي الا يدق ويطلع احد مرضاي..تسئل اسأله وانا مختبصه ما ادري وش ارد..حتى لو اعرف الجواب نسيت كل شيء ومستعجله ابي اقفل الجوال..ليش ما تدق على اللي ينوب عني وخلاص.

وانا متأكده انه مهما تكلمت راح يطلع احد يخالف وجهة نظري لان الموضوع صعب يفهمه الغير موظف.

تحياتي.. لا تنسوا حسن الظن

اشكر الجميع على ارئكم المهذبه والله احترمتها وقدرتها واسقبلتها بكل رحابة صدر

هو صحيح ممكن يكون الدكتور مستعجل لانه كان رايح الى واشنطن وممكن انا كنت غلطان بس هاذا ما يمنع انني اسئلة لانه في مكان عام مو في مكان يخصه برضو انا كلي ذوق واحترام مو زي ما تتصور
ممكن هذا الموقف عشان قلقي على مستقبلي او ماني عارف ايش اسوي لاني بصرف الي قدامي وراي

بس ما اسمحلك ياخ ممدوح التهجم علي بطريقة الي انت رديت بها الا اذا كان عندك سبب لاذلك !!!

والملك مو صاحبك او قريب لك اسمه الملك عبدالله بن عبدالعزيز الله يحفظه له تقديره ومكانته

واختتم السالفه وهي في الاصل قصيرة الكبير كبير