مساعدة .. أرجوكم

السلام عليكم ورحمة الله وبركاته ..
اول شي .. ماشاء الله تبارك الله اللهم لا حسد .. مشرف تربوي ومتزوج ولديك ابناء .. أسأل الله ان يحفظ لك زوجتك وابنائك ويمدهم بالصحة والعافيه
انا الآن بأمريكا وصراحه الحياه صعبه من ناحية الغربه والبعد عن الأهل وثاني شي انت معك عيالك .. واللي شفته انا ولمسته من الأشخاص اللي جايين وزوجاتهم معهم إنهم يتعبون عليهم شوي .. وانت لما تداوم وين تودي عيالك ..
تبغى نصيحة لوجه الله .. لو أنا مكانك متوظف ومتزوج والله ثم والله ثم والله لأبقى بمكاني واحمد الله على مايسر لي من نعمه .. لأن اكثر اللي هنا ترى مبتعثين وغالبيتهم غير موظفين سابقا .. يعني طلعوا يدرسون عشان يجيبون شهادات ويرجعون يتوظفون فيها ..
ياخي أنا لي 16 يوم بأمريكا والله ماقد سمعت أذان الصلوات .. بصراحه تحس انك بس تكرف دوام ونوم وصلاه في وقتها مستحيل تصليها
يعني حتى صلاة الجمعه مانقدر نصليها .. معك فرصتين ( انك تغيب عن المحاظره وتروح تصلي .. ولا تحظر وتترك الصلاه )
وأنت فكر كثير قبل ماتطلع ..
هاذي وجهة نظر بعد ماشفت اللي انا انا شفته ولمسته بنفسي بأمريكا .. واتمنى ان تقبل كلامي بصدر رحب ولاتتوقع انني اريد تحطيم
معنوياتك .. والخيار الأخير لك .. وانت استخير ربك وشف اللي يسره ربي لك

الطموح زين ..
والتكمله ممتازه وزياده لمعيشة الشخص في زمن الغلا ..
فيه ولايات تكثر فيها السعوديين .. والعوايل .. واعرف ناس كثيره راحو بعوايلهم .. لأن المرافق (الزوجه والأولاد) يمشي لهم مرتب ..
يعني لاتعتقد انه مرتبك بس يكفي .. مرتبهم معك بعد يفيدك بالمعيشه
بالنسبه للجامعات والله مادري ..
لكن اتوقع انا مثلك قدمت على الوزاره ابتعاث لكن شرط من الشروط انك لازم تكون جايب بالتوفل اقل شي 350 ..

ادخل قسم المبتعثين على حساب الحكومه وشف الأشياء اللي يقعون فيها ..
وتلافها وان شاء الله دربك خضر وتصير دكتور قد الدنيا ..

الأخ بانوراما السعودية
اشكر لك تفاعلك ونصيحتك وبالعكس ترى والله كلامك بهالطريقة يسعدني ويدل على أنك تبغى الخير - ولا غير - ولكن وناخوك الفرص لاااااااااااااااا تتكرررررررررررر ، وأنا حاسبها إنها فرصة إذا ما استغليتها كويس فلن تأتي مرة أخرى وتدور علي وتقول وينك . هل فهمتني ؟
الأخ d7oomy
شكرا على اهتمامك وتوجيهك