بعثة ( المرحلة الخامسة )ودورة الانجليزي ومهارات التحصيل الاكاديمي

اللهم إنا نسألك الخير كله عاجله وآجله ماعلمنا منه ومالم نعلم ونعوذ بك من الشر كله عاجله وآجله ما علمنا منه ومالم نعلم........

الله يسهلكم اموركم ان شاء الله افضل حل الاستخارة وربي يكتب لكم الخير ان شاء الله

انتي متاكدة من كلامك تكفين ردي علي ضروري

سلااام

العدد فعلا كبيــر والاغلب مرتبطين بوظائف ,, واكل عيشهم.

يعني اجلس 4 شهـور بدون راتب
(وانا شاب ماعندي اي التزام مادي (ولله الحمد)الا انو مستحيل اعيش بدون دخل)
ف كيف الشباب اللي متغربين عن مدنهم وفاتحين بيوت ؟
وهذي عينه بسيطه ,, لو الموضوع شهر ,, يسهل الله ,, نجلس مطفرين عادي.
بس اربع شهور ,, مررره كثير خخخخخخ

انا متفائل خير انو بتكون مسائيه ,, ويالله التوفيق
العدد كثير ,, لازم يقسمون مجموعات.

موفقين.

مرحبا انا برضوا من المقبولين في هذه المرحلة والحمدالله

بس مره خايفة ماتكمل الفرحة

بالنسبة لي وقفت اختباراتي بالحاسب والدوام توقفوا عن العمل خصوصا الدوام المسائي لمدة 4 شهور

انا اشتغل بعيادة اطفال المساء وخيروني ادوام دوامين والا اسحب وجتني هالدورة الانجليزي وسحبت وان شاء الله خيره

احب اشكر الي طرح هالموضوع

والمتفائلين

الله يهديك ليتك صبرتي شوي لين ماتشوفين الوضع

وغير كذا قدمي اجازة استثنائي بدون راتب ومحد يقدر يرفض

بس المشكلة فية ناس مهيب قادرة تستقيل عشان اكل عيشها من هالراتب وعلى قولة الاخ الخيميائي صعبة نجلس 4 شهور مطفرين الا اذا بيمشون لنا راتب بعثة قبل مانروح مانقول لا << واثقة

السلام عليكم ورحمة الله وبركاتة ..

كيف كان اليوم في الاكاديمية انا لم اذهب لارتباطي خارج الرياض...

هل فيه تحديد مستوى ام الدوره عامه لجميع المستويات

وكم كان عدد الحضور.......ويارب وفقنا جميعآ واكتب لنا الخيره

اخواني الاعزاء موضوعي جدا مهم .......... اولا الدورة مدتها ثلاثة اشهر انا سألتهم ...
ثتنيا : انا من الممقبولين ولكني موظف حكومي وحطوا تحت حكومي ستين خط.......... وقالو لي لازم تغير المهنة وتجي وخلال الاسبوع هذا وطبعا ما افدر اغير المهنة الا باستقالة وكون الدورة ثلاثة اشهر في الرياض قاجازة استثنائية صعبة .... وانا جدا محتاااار هل اقدم استقالتي واكمل دراسه وياخوفي لو ارجع من غير شهادة ؟؟ او اكمل بوضيفتي وش رايكم ياجماعة الخير ؟؟؟ علما ان الراتب لاباس به .. لكن ودي اكمل وخايف ارجع بدون فايده .. واصير العصفور اللي في اليد طار .........
ثالثا : اهدوا في ردودكم وارائكم والحسد ممنوع والحمدلله على كل حال وكل واحد بياخذ نصيبه من غير مايطالع في غيره والله يوفق الجميع ............ تخياتي لكم .....

بالنسبة لتكملة الدراسة والاستقالة ترا ذي تخوف شوي

اول شي استخير وعسى ربي يختار لك الخيرةالمباركة

بس انا من ناحيتي استصعبها اذا كان الواحد موظف حكومي ويستقيل خاصة اذا كان رب اسرة

بس اذا كان مثلا موظف اهلي اهون صراحة

قدم اجازة استثنائية واحضر الدورة وعادي خلك مطفر 3 شهور ولا مطفر كل العمر

اما اذا قصدك انه هم رافضين الموظف الحكومي فاانا اقول لك استخير

ومن رايي اذا كان التخصص اللي بتكمل فية اكاديمي يعني مثلا تاريخ جغرافيا وبصير بالنهاية مالك الا تدريس نصيحة لاتروح

بس اذا كان تخصصك صحة والا بنوك رح لانة احس اسهل بالتوظيف خاصة اذا رجعت وشهادتك بتكون اقوى


الله يسهل لك ويسهل لي ياااااااااارب

اخوي انت حاول تحسبها صح ولاتنسى تشرك معك في الحسبه من هو مصيره متعلق بمصيرك..

ومن ثم قرر ولابد من المجازفه في الوظيفة او في البعثة ..

وفي الاخير استخير...بالتوفيق