يا شباب صاحبكم ضايع

الله يوفقك بس ترا كل اسئلتك لو تبحث في المنتدى بتلقاها بس طول بالك الموضوع يبغاله بحث من كل النواحي بالتوفيق

مشكور اخوي على المساعدة وجزاك الله الف خير وصدقني وفرت على حاجات كثير لاني قاعد اسال الشباب وبس كل مين يفتي على شوي
انا عارف ان الاسالة كثير بس والله الواحد يبي ياخذ الحيطة والحذر من جميع الجهات كفيت ووفيت يا قمر وما اقول غير الله يوفقنا اجمعين ولا يحرمنا منكم يا قمر

1- هل أراسل الجامعات والمعاهد وأجيب الموافقة وأقدمها للوزارة ولا هم رايحين يتكفلوا بكل شي ؟
انت مخير بين الاثنين،باستطاعتك الانتظار لحين الوزاره تحضرلك قبول بس المشكله بتجبر علئ المدينه وقد تكون غير جيده للمعيشه خصوصا وانتم عائله.او انك تختار انت الجامعه والمدينه المناسبه لك ولعائلتك وتحضر منها قبول وتقدمه للوزاره.

3- هل يستحق المرافق الالتحاق بالبعثة ويصبح مبتعث , للمعلومية الشهادة دبلوم من جامعة الملك عبد العزيز بتخصص تقنية البرمجة وقواعد البيانات , أخاف أنهم مايوفقون أو مايحسبو لي عدد الساعات إلي أنا درستها وتروح على وابدأ من جديد 4-5 سنوات ؟
عليك بالحصول علئ تاشيره طالب، باي حال يحق لك دراسه اللغه في معهد، واول ماتوصل قدم علئ طلب انظمام للبعثه.

4- كيف أآمن لعائلتي سكن ؟
موضوع جدا مهم .... هناك العديد من المواقع تقدر تحصل فيها بس المشكله بموقع السكن المهم بشكل كبير .. احياء كثيره غير صالحه للسكن.

5- هل يوجد في الجامعات معاهد نقدر نلتحق بيها ولا لازم ندرس في معهد وبعدين ندور على جامعة ؟
من الافضل ان تحصل علئ قبول جامعه وتدرس في معهدها علشان تسهل عليكم دخول الجامعه.

6- أذا كان يتوج على المراسلة وجلب الموافقة بالالتحاق أبي جامعات في مدن صغيرة جدااا عشان يكون اسكن رخص جدااا ؟
المدينه الي اسكن فيها تعتبر من المدن الكبيره والسكن فيها رخيص .افخم سكن شقه غرفتين 3 ادوار مع القراج ب900
المعدل للشقق غرفتين بين 500-700

انا اسكن حاليا في ولايه نيومكسيكو ، مدينه البكركي، ادرس في معهد الجامعه الممتاز، المدينه ممتازه جدا للعوائل حيث يتواجد العديد من العوائل السعوديه فهي امنه ورخيصه والشعب حبيب والدراسه فيها ممتازه.
اذا احتجت مساعده اكثر عن المدينه او الجامعه انا حاظر اخوي،حيث اني اعمل في مكتب الطلاب الدوليين في الجامعه.

الله يكون بعونك اخوي

موفق مع كل الدعاء لك

معلومات مفيدة شكرا لك...............

الاخوان ماقصروا