كم يحتاج الواحد ياخذ معه فلوس؟؟

شوفي الموضوع ذا للمشرف ممدوح الله يجزاة خير .. موضح بالتفصيل المكافاة وتوزيعها على المرافقين
http://www.mbt3th.us/vb/forum8/thread105380.html

يا اخوان.. اسمحولي على المداخله.. اشوف ناس تقول 5000 دولار وناس تقول 8000 دولار..

حسب التجربه.. ماراح تحتاجون هالمبالغ الكبيره.. راح اعطيكم حسبه بسيطه للأعزب وممكن منها تعرفون كم تحتاجون..

اول شي اذا راح تنزل واشنطن.. فراح تحتاج تقريبا 250 دولا اكل وسكن هذا طبعا اذا كان راح تستقبلك الملحقيه..

الشي الثاني.. هل أذا رحت لديرتك فيه سكن جاهز (لقيت شقه أو راح تسكن عند أحد تعرفه بنفس المدينه).. إذا لا.. فراح تحتاج مبلع للموتيل والمواصلات.. ممكن تدخل الموقع هذا expedia.com وتشوف كم متوسط أجار الموتيل في اليوم.. ومنها تعرف كم تحتاج للسكن للفتره الأولى إلين تلقى شقه.. والمواصلات تعتمد إذا كان راح تعتمد على المواصلات العامه ولا راح تستأجر سياره.. إذا راح تستأجر ممكن تدخل على هذا الموقع enterprise.com ومنه ممكن تعرف تقريبا كم متوسط أيجار السياره في المدينه اللي راح تسكن فيها..

الشي الثالث الديبوزت والشقه.. هنا في أمريكا.. أكثر الشقق تطلب ديبوزت (تأمين) وعادة يعادل الأيجار الشهري للشقه.. يعني مثلاً لو إيجار الشقه بالشهر 500 دولار راح تحتاج نفس المبلغ ديبوزت.. يعني راح تدفع 1000 دولار مع توقيع العقد.. وهذا مثال بس.. ممكن تدخل هذا الموقع عشان تعرف متوسط الآجار الشهري في المدينه اللي راح تروح لها Apartments For Rent - Nationwide Apartment Rental Search - ForRent.com.. طبعا كل اللي عليك تسويه أنك تكتب أسم الدينه والولايه أول بس الرمز البريدي كافي.. ومنها راح تعرف كم راح تحتاج أول شهر للأجار..

الشي الرابع والأخير.. المعيشه..
هي تعتمد على صرفيه الشخص.. أنا بالنسبه لي أصرف بين الـ 500 إلى الـ 900 دولار بالشهر.. وأعتقد أنه مبلغ مناسب للصرفيه.. مع العلم أن عندي سياره.. والمبلغ هذا يشمل مصاريف السياره..

بعد ماتقوم بالحسبه ذي راح تعرف كم راح تحتاج.. وهي تختلف من شخص لشخص.. بس بين الـ 2500 إلى 3000 دولار أتوقع هو اللي راح تحتاجه.. طبعا بالنسبة للسؤال اللي هو متى تصرف المكافئه.. ماعندي خبر متى يصرفونها للمبتعثين الجدد..

طبعا أنا أنصح أنكم ماتاخذون معاكم مبالغ كاش كبيره معاكم.. أتوقع ألف دولار راح تكفيك أول كم يوم.. وممكن تستخدم بطاقة الصراف هنا.. وتقريبا ياخذون نفس سعر الصرف لو راح تصرفها كاش بس أسحب الحد الأعلى.. بس تأكد أن بطاقتك دوليه.. أنا يوم جيت هنا ماكان معي كاش إلا 800 دولار.. الباقي في البطاقه.. ويوم فتحت حساب صرت أسحب بشكل يومي الحد الأعلى وأحوله على حسابي الأمريكي..

أتمنى أني عطيتكم صوره تقريبيه واضحه عن أحتياجاتكم.. بالتوفيق أخواني وشدوا حيلكم..