شرح لأهل الإتيكيت في اللباس الأمركي فقط

اي شي عاااااااادي

جنز واي تيشيررت الي يررررررررررررريحك .. لان ماحد يطالع في لبسسك .. لانهم هنا اصلا يلبس جنز ازرق وتيشيرت اي لون

يعني عااااااااااادي

شورت واي فنيله

الوضع سهااااالات وحبي وعلى كيفك ولحد يناضر على لبسسسسسسك

السلام عليكم
ما شاء الله عليكي يا نووونا .. فن وذووق
كفيتي ووفيتي

واللي اعرفه ان الامريكان لبسهم جدا بسيط ابد ما فيه تكلف ..

افضل بدل عندي ... هي ... KENZO و FERRE و CERRUTI
والكرافات من KENZO

والبدل حقتهم .. بدل .. مو اي كلام ..
صحيح انها غاليه ..
لكن شيء مرتب جداً جداً ..


فيه ملاحظة بخصوص الأزرة أحب أأكد عليه .. في البدلة ..
الزر اللي يتسكر هو اللي فوق عادة اذا كان في البدلة زرين ..
واذا كان ثلاثة .. الزر اللي في الوسط هو اللي يتسكر ...

اذا جلست على كرسي .. تفك الزر .. وما تخليه .. واذا قمت ترجع تسكره ..
اذا مشيت الافضل انك تفك الازرة .. واذا وقفت الافضل انك تسكر الزر الوسط .. اذا كان ثلاثة ازرة في البدلة .
المهم لا تسكر الازرة كلها في اي حال من الاحوال ...

لون الحزام ... لازم يكون نفس لون الجزمه ..

في الكرافات ..
الافضل دائما انك تكسر بلونها لون القميص ..
يعني لو كان القميص ازرق فاتح .. والبدلة سوداء ... اطلع بكرافا .. رصاصي الغامق سادة .. مثلاً
او اذا كان ابيض .. اطلع في الكرافا .. بلون كحلي .. مثلاً ..

بعض الكرافات تجي ملونه بلونين او اكثر ..
حاول تأخذ من ذا النوع .. ويكون لون من الالوان الموجودة في الكرافا نفس لون القميص ..



جيوب البنطلون وجيوب البدلة الجانبية .. من اهم الامور لأناقته ... أنك ما تحط فيها شيء ... محفظة - جوال - دخان .. الى الخ ..
حاول بقدر الامكان التقليل منها .. ويفضل انك تدخلها في الجيب الداخلي للبدلة .. في اسوء الامور .


بخصوص الكرافات ..
طبعا فيها انواع للربطات ..
فيه الفرنسية والايطاليه والامريكية ..
وكل ربطة لها مميزاتها ..
لكن الاشهر الآن هي الربطة .. الايطالية ... وهي اللي افضلها ..
خفيفة والعقدة حقتها تجي صغيرة .. مش كبيرة ..
موضه العقده الكبيرة انتهت ..


هذي بعض التفاصيل الدقيقة .. لبعض الامور فيما يتعلق بما جاء في باب البدلة ومستلزماتها ..

كلامك فن وذوق

أنا قبل ماأروح هناك بشتري بناطيل عادية ليست جنز وقمصان بنفس لون البناطيل بس فااتحه يعني


بنطلون كحلي معاه قميص سماوي

بنطلون زيتي غامق مع قميص نفس اللون بس فاتح

زي كذا




وبرضو راح أشتري جنز مع قمصان مخططة (خطوط عمودية)

والله موضوع في الصميم!!

ولا يهمونك اللي يسخروا والا يضحكوا

ولا تنس المثل اللي يصدق موضوعك ويقول:

(كل ما يعجبك والبس ما يعجب الناس )

وبعد أنتم ما شفتوا يوم يجي بعض الغربيين يحاولوا يلبسوا ملابس السعوديين

كيف شكلهم يضحك....

حنا ما نبغى في نفس المشكلة ونصير مضحكة عندهم...

هههههههههههههههههههههههههه

ابعد عن الجنز اللي لونه ابيض بس !!!

هههههههههه

نصيحتي لاخواننا المبتعثين انهم يلبسون اللبس التالي :

الول شي سروال دروش او الاصيل ويكون كرسي مايكون بدون كرسي
وثاني شي يلبس فنيله دروش برظوا او الاصيل
وثالث شي وهو الاهم لاتنسى تلبس السروال القصير ههههههههههههههههههههههههههههههههههه

تستهبل يالاخوو وش هالسؤاال اللي من جد احسك في اجااازه ومن الطفش كتبت هالموضوع انا وانا اخوك مقدر وضعك انا ادرس بامريكا وعندي حاليا اجازه وبديت اهلوس فلاتنصدم يمكن بكره انزل موضوع مثل موضوعك هههههههههههههههههههههه

ولاتزعل مني اخوي بس وربي مت من الضحك اول ماقريت موضوعك .

وتقبل مروري ...

تصدق ان موضوعك خطير والاخطر ردود بعض الاخوه والاخوات لأنو بصراحه احيان الواحد يتوقع انه ذوق لكن يتفاجا انه طعس واما شغلة الكرفتات فانا شايلها من راسي نهائيا اول شي لأنها قروشه ويبيلي كورس اتعلمها ورحم الله امرئ عرف قدر نفسه

اما شغلات الجنزات والتطقيم فغالبا المحلات تكون في العرض تطقيمه حلوه او تستعين بالبائع او شخص تثق بذوقه