التفكير السلبي ,,,,,,,,ارجو عدم حذف الموضوع

والله ياخي ماادري ليه وصلت لهذه المرحله من اليأس
ترى الارزاق بيد الله سبحانه وتعالى
انا اقول الكلام ذا عن تجربة فأنا مثلك خريج كليه صحية وبمعدل 4.60 من 5
وصار لي نفس اللي صار معك وقدمت على مستشفى الحرس وعديت اختبار اللغه
وقالو سوف نتصل بك في اقرب وقت لكن ما انتظرتهم رحت قدمت على المستشفيات
الخاصة والحمدلله انقبلت في اكثر من مستشفى وشفت الافضل واخترته وبعد كذا قدمت
على المستشفيات في جده التي على البرنامج والحمدلله انقبلت في احد هذه المستشفيات
وعملت على برنامج التشغيل الذاتي الى ان جات الوظيفة الموقرة من وزارة الصحة
وكل هذا بفضل الله وحده ( قل ما شاء الله )
فلا تقول ابغى الحرس والا التخصصي بس دور على رزقك شف وين تلقاه ترى مو
عيب انك تشتغل في احد الصيدليات الكبرى منها انك تكسب خبره وراح تحسب لك عند
التعين في الصحة انها سنوات خبره اذا كانت تبع التأمينات الاجتماعية يعنى الفترة اللي
تشتغلها في اي صيدلية وتكون مسجل في التأمينات اول ما يجيك تعين تسحب برنت من
التأمينات بالمدة اللي اشتغلتها وراح يحسبوها لك بس اكثر من سنه اتوقع
غير كذا تكون ممارس لعملك فالعمل الصحي يحتاج الي ممارسة
اتمنى لك التوفيق ان شاء الله

اخوي اول شي بهنيك ع صبرك الطويل السنه والنص هادي الي قعدتها بدون عمل وجات بنتيجه

ان الله مع الصابرين وانتا صبرت ونلت وجائزتك الي هو الابتعاث

كمل دراستك واعمل وادرس وكد واتعب الحياه مو زي مانبغاها , الحياه ياعزيزي فيها الزين وفيها الشين زي مايقولو

يعني لازم نتعب ونكد ونجتهد ونحاول مره واثنين وثلاثه عشان ننجح , ياخي اش نفرق عن العلماء دول الي اكتشفو اشياء وهما كانو افشل ناس بالدراسه ومحاولاتهم الكثير كانت ممكن تفشل لكن مع المحاوله والاستمرار نجحو وزي مانتا شايف في حياتنا كيف اتطورت مع علمهم , اللي بقولو لا تيئس وتوقف وتقول لا انا مااقدر اكمل هادا الفشل انك ماتحاول , والنجاح انك تحاول مره واثنين وثلاثه واربع وخمس , انتا سويت اللي عليك واخدت امر الاركاب فرصه ماعاد تتكرر وانا اتمناها الفرصه هادي ونقول مبروك وعقبال الشهاده الاعلى , لمن تروح بتدرس بالخارج اول شي فكر الدراسه والعلم والنجاح بالدرجات العاليه وتكسب ثقافه دوله غير دولتك ويتغير تفكيرك بالتفكير المنفتح الي هو بالتحديد التفكير المنطقي باكثر وبعقلانيه ودا غير شهاده مو نقول انها قد الدنيا زي ما يقولو لا , بتجيب شهاده اعلى وترتقي ومعترفه دوليا يعني في اي مكان ممكن تشتغل مو شرط السعوديه وخلاص , ومدام جالك الرزقه كمل وقول يارب وقول بسم الله نبدا الطريق ونشق طريقنا دحين , ولمن ترجع كون واثق انك بتلاقي وظيفه عارف ليش , اكيد ربنا مارزقك بالشي دا الا في نهايه سعيده لك ولعيلتك

كون واثق بربنا سبحانه انو بيوفقك في اي طريق هو يحطك فيها ويرزقك فيها اهم شي لازم تكون واثق

ثاني شي ارضي الوالد والوالده عشان ربنا يرضى عنك اكثر واكثر وتتوفق

وثالث شي بقولو بالتوفيق ولا تتراجع

وانا عندي قانون بحياتي لمن ابدء بالشي لازم انهيه

وانتا بديت بكل الاجرائات ولازم تنهيه للنهايه المشوار الي هو تكمله الدراسه

خلي القانون دا في حياتك واسمعني بتتوفق


يارب يوفقك كمان وكمان


اخوك الحبيب زاك

الله يوفقك ان شاء الله ويسهل امور

أخوي لي صــديــق عـــزيــز علــى قــلــبــي وهو مثل حالتك وكما وصفت بالضبط كان مايملك فلوس التاكسي وعلى قولتك يروح تأشيرة وينام في المساجد لكن.. يااخي الكريم تدري انه جلس اكثر من 3 سنوات على هذا الحال ...؟ حتى انه يأس انه يتوظف وراح الامارات ودخل على مديرة التمريض وتعرف عليها وتعاطفت معاه ووفرت له وظيفة ولكن ماتكفي لان المعيشة غالية ..

وبعدين عرفته على مدير التمريض في المملكة وسالفة طويلة عريضة واخلى وزير ولا مسؤول الا ودخل عليه ولا في فائدة

وبعدين توظف في الهيئة الملكية وبجدارة وبعد عدة اختبارات .. وهو الان يرغب باكمال الدراسة في الخارج ويسحب عليهم ...

لا تيأس ونا اخوك ..لا تحزن

وعش واقعك ولاتسرح مع الخيال

وأقبل دنياك كما هي

فلن يصفو لك فيها صاحب

ولن يكمل لك فيها أمر

لأن الصفو والكمال والتمام ليس من شأنها ولا من صفاتها!

من ذا الذي نال في دنياه غايته؟

من ذا الذي عاش فيهاناعم البال؟

وتذكر أنه إذا أشتد الحبل أنقطع، واذا أظلم الليل انقشع،

وإذا ضاق الأمر إتسع،

ولن يغلب عسر يسيرين...

دع المقادير تجري في أعنتها ولا تنام الا خلي البال...

مابين غمضة عين وانتباهتها يغير الله من حال الى حال ....

ولا تنسى أنك في نعم عظيمه وافضال جسيمه

ولكنك لاتدري!!

تعيش مهموما"حزينا" تتفكر في المفقود ولا تشكر الموجود!!

فــ إطمأن

واهدأ

وتفاءل

وأبشر

وأصبر

وأجعل شعارك في هذه الحياة


{لا تحزن إن الله معنا}

الصلاة والدعاء في جوف الليل .. نصيحة

بالتوفيق إن شاءلله ،،

فعلالأ أنت شخص مناظل بس لو تكمل نظالكـ شووي لإن بإذن الله مابينكـ وبين علو القمة الإ خطوة
على العموم أنا نفس حالتكـ أنا عسكري وقدمت إستقالة والله كله على شأن البعثة ولا أبشركـ بعد أنا رايح بداية على حسابي وعلى خيارين ممكن أيه ممكن لا
تذكر أنه لايوجد شئ قيم في الحياة يأتي بسهولة أ
أعجبتني همتكـ أزادكـ الله طموح وعلماً ورفعكـ قدركـ


وتذكر أن المجد لايأتي في صحنناً من ذهب
تقــــــــــــــــــــــــــــبل مروري

هذه ابتلاء لك من الله والمسلم مبتلي (( ولنبلونكم بشئ من الخوف والجوع ونقص من الاموال والانفس والثمرات وبش الصابرين))
عليك بالصبر والدعاء وكل ماضاقت تفرج واستخير الله واذا مالقيت وظيفه اطلع البعثه يمكن مالك خير انك تتوظف
والله يخترلك الي فيه الخير

أن مع العسريسر..........
أن مع السر يسر ..............

توكل عالى الله ...وروح بعثة ..وأحسن الظن بالله ...
وصدقني لو ربي كاتبلك وظيفة لوتجتمع الانس والجن على أن يمنعوك ما ستطاعوا...
ولا ربي ما كتبها لك والله لو ايش ما تحصلها ....

وصحيح أن الدنيا ماشيه بالوسطة بس والله الذي لاألها الاهو أن ربي مسخرلهم الواسطة
يعني كاتب لهم الوظيفة ...

يعني المسالة أرزق مقسمه على الخلق...

آجل درستك شوي... وأرتح.... وقعد مع أهلك وأنبسط وترك معك بعثة لاتتدلع

مــاشاءالله عليك يابوفهد

هــذي الهـــمـــة ...

تــحيــة إكــبـــار وتــقــديــر