ياجماعة انا بكالوريوس E وبكمل ماستر تغذية علاجية راح تكون سنتين مواد تكميلية غير الماستر ابغى اعرف مين من المسؤؤلين اللي عنده الاجابة على تساؤلاتي بهذا الخصوص هل ستعادل الشهادة ام لا؟ والله القهر اني كنت علمي وجايبة معدل عالي بس غلطة عمري اني دخلت E يا اخوان ايش صار معاكم افيدونا
أمورة January 25th, 2010, 06:15 AM
7 " السلام عليكم
امس رحت الوزارة وسألت عن موضوع المعادلة والاجابة كالاتي :
1- اي تخصص مو متماشي مع التخصص الي بتروحون له يجب عليك ان تدرس مواد تأهيلية او تكميلية ليكون متماشي مع التخصص المطلوب دراسة .
مثلا متخرج من ( بكلوريوس لغة عربية ) وناوي تدرس ( ماجستير محاسبة ) هذا يطلب عليك ان تدرس ما يقارب ( 15-30 ساعة ) وهذا الشي على حسب الجامعة الي بتدرس فيها .لانه الموظف قال لي انه المدة سنة وانا سألته انزين لو درستها كساعات قال لي ما في اي مشكلة ادرسها ساعات او مدة من فصل واحد او فصلين هذا شي يرجع لك وللجامعة .
2- يا اعزائي لا تخافوا القضية انشاء الله بسيطة بس تحتاج الى همه و نشاط لو حسبناها ( سنتين يعني اربع فصول لو اخذت 12 في الفصل على اربعة يكون الناتج 48 ساعة و الباقي ممكن ان تأخذها عن طريق صيفي او عن طريق تمديد البعثة لمدة 6 شهور والدليل تشوفونه في الكتيب الي توزع في الملتقى الاخير على ما اعتقد صفحة 61 و طبعا لا ننسى سنة كاملة على الانجليزي وموضوع الجيمات ).
3- انا قريت عن جامعة مكتوب وهذا على فهمي البسيط انه لو ما صرت على التخصص يجب عليك ان تأخذ مواد تأهيلية او تكميلية من مرحلة البكلويوس ومقدارها 30 ساعة وهذا طبعا يعتمد على الجامعة وسياستها .
ارجوا ان افدتكم والي يقدر يروح الوزارة يروح الدور الثالث ويتأكد من هذه المعلومات وافادتنا بهذا ان استجد شي .
انا اقول رووحوا البعثة ولا تفوتونها يا جماعة الخير
حسن 2010 January 25th, 2010, 10:35 AM
7 " ان شالله خير عطيتنا تفأل في الموضوع أخ حسن 2010 ولا احنا متحطمين......
والي عنده زياده يفيدنا.
تماضر000 January 25th, 2010, 04:33 PM
7 " أحد الزملاء تخصصه بكالوريوس دراسات قرآنية .. ومقدم على قانون .. لانه امتداده
ولما راح يصدر قرار الابتعاث اليوم .. اجبروه يختار اما تسويق او تجارة الكترونية ..
وقالوا له ان القانون ليس امتداد لتخصصك .. قال لهم انتم قلتم شريعة .. والدراسات القرانية ضمن الشريعة
وسالتكم سابقا وقلتم صحيح امتداده .. وايضا مشيتوا اوراقي في المطابقة .. فليه لما وصلنا عند هالنقطة قلتوا السستم رافض ؟
شرايكم ؟؟ هل هو امتداد ؟ ام لا
خيال الواقع January 25th, 2010, 05:53 PM
7 " ^^^
في الملتقى طرحوا دا السؤال وكان الجواب اللي بدخل قانون لازم يكون شريعة مودراسات اسلامية اوقراءت او اي قسم من اقسام الشريعة الاخرى..يمكن يعني قسم الشريعة هوا الاساس ومواده تتناسب مع القانون اكثر والله اعلم..
على العموم الله يسهل امور المبتعثين ويكتب لنا الخير
عهدالمحبة February 4th, 2010, 06:58 PM
7 " السلام عليكم اخواني الاعزاء اريد ان اقول شي مهم بخصوص موضوع المواد التكميلية وانا شخصيا اتصلت على الجامعة الي ناوي اروح لها انا وزوجتي انشاء الله وكان الرد انه تحصل لعى سمستر كامل للمواد التكميلية ومقدارها 18 ساعة ةهذا الشي يعتمد على الجامعة وتأكيداً على هذا الشي زوت معرض الجامعات وسألت تقريبا اكثر الجامعات وكان ردها هو سمستر واحد فقط ويعتمد على عدد الساعات ( 15-18) ساعة .
وانا في طريقي الى مكان وزارة التعليم العالي التقيت مع الدكتور القحطاني وسأله عن موضوع المواد التكميلية فقال لي انه تحتاجون سنة كاملة لمعادلة الشهادة , طبعا انا قلت للدكتور بعد هذا الكلام الي طرحه لي انني اتصلت على جامعة معتمدة من قبل وزارة التعليم العالي وقالوا الي انك تحتاج لسمستر واحد فقط فقال اذا الجامعة كالت هذا الشي فتوكل على الله وانشاء الله يمشي موضوع المعادلة للايجاب .
طبعا اخواني الاعزاء في نقطة اريد ان اقولها وهي مهمة الوزارة سوف تعيد صيغ التخصصات ولن تطبع اي تخصص غير امتداد للتخصص المختار وهذا الكلام اكده لي اكثر من مسؤل في الوزراة .
فعليكم يا اخوان ان تغيروا تخصصاتكم لقريب الامتداد على الاقل وذلك بأرسال معروض وقدموه للدكتور الحربي وانشاء الله بيوافق عليه على طول وبسرعة وهذا الشي لمصلحة .
ارحوا ان افدتكم بهذا التعليق ولا تتحبطون وهذه نصيحة هالبعثة فرصة لا تقدر بثمن فلا تضيعونها ارجوكم ارجوكم ارجوكم .......
وشكرا
حسن 2010 February 14th, 2010, 01:18 PM
7 " لا حول ولا قوه الا بالله
وش هالسالفه الجديده وش اللي ادرس ماستر و يعادلوها دبلوم انا لله وانا اليه راجعون
طيب انا تخصصي اعلام ـ علاقات عامه ـ وبأدرس ماستر تسويق
ينفع ؟؟؟؟؟؟؟؟؟؟؟؟؟؟؟؟؟؟؟؟؟؟؟
ugd hgohg]d February 16th, 2010, 12:27 AM
7 "
7
أخوي العزيز لا توهق المبتعثين .. انت عارف إن 90% من القطاع الخاص تكتفي بالبكالوريوس كأعلى درجه .. يعني مايحتاجو يأخذو طلاب الماستر والدكتوراه >> طبعا الدكتوراه مرره ماتاخذهم القطاعات الخاصه واما الماستر بعض الشركات الكبيره تأخذهم بشرط ان تكون لديه الخبره والعلم الكافي في هذا المجال .. واما باقي القطاعات الخاصه ماتقبل طلاب الماجستير لأن يستلزم ان تكون مرتباتهم عاليه فهي بذلك ليس لديها التفويض بإعطاءهم هذه الرواتب .. فيخير هذا الطالب بأن يشتغل لديهم ولكن براتب مقارن لطالب البكالوريوس >> يعني يتآكل حقووو
والله في وحده جابوها متخرجه من امريكا ماستر اداره اعمال ورجعت هنا تعبت وقالت معظم الشركات الخاصه ماقبلتها لانها ماستر وبعضهم قالولها عادي نشغلك في شركتنا بس براتب كانك بكالوريوس
أخواني وأخواني الله يوفقكم يــارب