رضيع وعائلة متجهة إلى أمريكا ونريد استشارة من سبقنا

حنا عائلة متجهين بعد اسبوع الى الولايات المتحدة ان شاء الله ومافيه مواضيع توثق تجربة العوائل مع السفر بالتفصيل الممل. فودنا نطرح بعض الاستفسارات اللي نتمنى انكم تفيدونا فيها

عربية الطفل لو كانت صغيره نقدر ندخلها الطيارة ؟ ولا لازم مع العفش. طيب اذا نزلنا من الطيارة سمعنا انه فيه طابور يمكن يصل الى ساعة او اكثر. وش نسوي والطفل بيدنا وعربيته بالعفش ؟

اذا طلعنا من الرياض نخاف نلبس صيفي يذبحنا البرد عند الوصول, ونخاف نلبس شتوي ويكون فيه تدفئة بالطيارة.. وش تنصحونا ؟

هل صحيح ان التكاسي ما تسمح بركوب الاطفال الرّضع الى ان كان معك كرسي الاطفال اللي بالسيارة ؟

رحلتي الى واشنطن بعدها بثلاث ايام الى الولاية اللي ادرس فيها. ينفع اذا وصلت اتجه لمكتب الخطوط امريكان اير لاينز واسلمهم الشنط ؟ ولا ما يستقبلونها الا قبل موعد الرحلة ؟

شلون اكل الطفل بالطيارة ؟ صحيح ما يسمحون بادخال الماء الحار ؟ وطيب لو حطيت للطفل شوية اكل بحافظة طعام يسمحون ولا لا ؟

اقدر ادخل حليب مجفف ولا سيريلاك معي بالطيارة ؟

وجزاكم الله خير