حوار الخوف من عدم قبول الفيزا الامريكية اسبابه ؟

والله صرآاحه كلمآت رآئعه جزآاك الله الف خير ابو سعود .

بس عندي استفسار الابليكشن من وين اجيبه او بالاصح كيف القاه لاني بصراحه ما عندي خلفيه عنه

ويآريت اخوي لو تكتب لي وش الاورآاق اللي احتآجهآا وقت المقآبله للسفآاره ؟ ورآح اكون شآاكر وممتن لك .

صح لسانك والله
من تجربه وليس كلام ناس
انا كان اخر مكان افكر فيه للدراسه هي امريكا
بسبب كلام الناس عن حقد الشعب الامريكي على الشعب السعودي
وقصة الارهاب وما الارهاب وانا غامدي يعني صيدتي بريال
بس لما دخلت براسي قلت بقدم وماني خسران شي
واذا مازانت اموري بطلع نيوزيلندا
وفعلن قدمت اوراقي واخذت موعد وبعد المقابله بـ 3 اسابيع جاتني التأشيره على الفديكس الحمد لله
وزي ما قال اخوي ابو سعود اهم شي لا ترتبك وكون صادق معهم بأي شي
ويعطيك ألف عافية على الموضوع اخوي

الله يجزاك خير أخوي ..

بس معليش أعذرني: موضوع الخوف ماهو قلة ثقة ولا أرتباك ولا شي, الموضوع أنك بتكون أمام ناس ما تدري وش يبون بالضبط, وما ينلام الطالب بخوفه.

لأننا للأسف صار حتى الإنسان النظيف عندنا يولدون فيه الخوف من كثرة شكوكهم, خلونا نحس أنه مجرد كونك "سعودي" فأنت متهم, ومعليش أدري هالكلام قوي ولكن هذا هو الواقع للأسف.

عقبال ما تنقلب الآية ونصير قادة العالم بالعلم والتعليم: ليتني يومها مسؤول, ساعتها كل واحد منهم بأخليه يلعق أقفاص الإتهام, ويعض الإبهام قبل يجاوب على سؤالي بإتهامه حتى لو هو بريء


لكن بجد والله هذا الكلام اللي لازم ينقال أن الوضع ماهو بالبساطة اللي متخيلها الواحد: الواحد يضمن الأمور اللي تكون بيده بس, لكن الأمور اللي تكون تعنيك وقرارها عند غيرك فطبيعي تتخوف منها: خصوصا يوم تكون أمورك بيد ناس متولدة عندهم صورة ذهنية أنك متهم قبل ما توصلهم, وماهو عشان الله يسر لك أمورك تحسب الناس كلهم أمورهم ميسرة, لا ياخي فيه مصايب وفيه ناس رفض طلبهم لأسباب غير معلومة ..


تقول: لما تكون نظيف أنتظر أسبوعين وأستلم تأشيرتك 300 %
من وين جات الثقة هذي !!!


<<< هذا راح لهم قبل أكثر من ثلاثة أسابيع وأموره كلها بالسليم, وكانت معي أكثر من 300 ورقة متجهز لأي سؤال, وسألني كل اللي بباله وجاوبته بكل اللي في بالي, وأنبسط على الآخر وقال لي: "فيزتك مقبولة"
وإلى الآن لا حس ولا خبر والفيزا ما خلصت


يا أخي بكل الأعراف: المتهم بريء حتى تثبت إدانته, لكن وش تسوي مع ناس يعتبرونك متهم حتى تثبت برائتك !!!

وإياك أللهم امين

باللنسبة للأستمارة مطلوب منك 3 DS-156, DS-157, DS-158
ادخل الرابط التالي لتسجيل DS-156
https://evisaforms.state.gov/ds156.asp

اما البقية بحت عنها بالموقع يجيني خطأ 404 يعني انها غير موجودة ربما خطأ بالموقع
عموما ادخل هنا بعد فترة من الأن وجرب
https://ksa.us-visaservices.com/Forms/VisaForms.aspx
عندك خيار للغة العربية افضل لك
باللنسبة للاوراق الي تحتاجها وقت المقابلة:
1- الأيتوني ( قبول المعهد او الجامعة ) الأصل + صورة منه
2- دفع 498 بالبنك السعودي الأمريكي ( سامبا )
يجب احضار وصل السداد
3-دفع السيفس واحضار الورقة المطبوعة من الموقع بعد الدفع
4- اخر مؤهل تعليمي حصلت عليه + صورة منه , والي قبله للأحتياط
5- صورة شخصية حديثة مقاسها 5*5 خلفية بيضاء بدون أي تعديلات من قبل الأستوديو
6- الجواز ( غير منتهي الصلاحية )+ صورة منه وياحبذا لو كان طازج مجدد عشان يعطونك تأشيرة 5 سنوات
7- والأهم للتذكير الأستمارات كاملة معبئة ds 156 , ds157 ds 185 ياحبذا لو تكون مكتوبة ومطبوعة مباشرة من موقع السفارة
لأن البعض يطبعها من ثم يقوم بتعبئتها ولما يجي يكتب عليها يخربط ويمسح ويشطب ويكتب ويحوس حوس
خل شغلك نظيف ازين لك
إن شاءالله اني مانسيت حاجه ولاكن تأكد من غيري و اقرأ هنا وهناك وادخل السفارة بكل ثقة وجهوزية تامة
والله يوفقك ويكتب لك الي فيه الخير

عآفآك الله اخوي وجزآك الله خير .

بس صرآحه سمعت انه فيه استماره جديده ds _160 وانها هي المطلوبه > توي رآد على موضوع يقول هيك ,

[QUOTE=لودرديل;1649866]

تقول: لما تكون نظيف أنتظر أسبوعين وأستلم تأشيرتك 300 %
من وين جات الثقة هذي !!!
[QUOTE]
حياك الله غالينا
لو قلت اسبوعين هذا مايعني انه 14 يوم بالضبط ربما تنقض وربما تزيد على حسب الضغط.
ودامهم خذوا جوازك واوراقك كلها سليمة ابشر خير إن شاءالله
لأنه فيه ناس تنطرد مباشرة يقولك " بطريقة ما او بأخرى " انت مرفوض اطلع برا يعني
و احب اني استوضح لك أمر
من ترفض تأشيرته يتم ارفاق ورقه مكتوب عليها السبب
اما عن الأجرائات المشددة فابصراحة كل دولة تبحث عن امنها وسلامتها والعذر معاهم .