استفسار هااااام موعد المقابله قرب والى الان مختبص

السلام عليكم و رحمه الله و بركاته

انا مقبول في البعثة الى أمريكا عن طريق برنامج خادم الحرمين الشريفين (ابن موفد)

اللي ابي استفسر عنه اني لما ادخل موقع الوزاره و اروح عند (نظام متابعه الحاق الطالب بالبعثات ) اللي موجود في السطر الرابع على اليسار تحت عنوان _تطبيقات الوزاره_ >>ماشا الله علي حريص و دقيق ( :

طبعا ادخل رقم السجل المدني يطلع لي جميع المعلومات حقتي صحيحه لكن خانه _الاجراء_ مكتوب قبالها ***ستعرض على اللجنه في الاجتماع القادم***
ايش السالفه؟؟؟!!!!!!

مع العلم ان كل اموري من الوزاره خالصه بس انتظر المقابله الان اللي هي في 27 مارس


الاستفسار الثاني عن الملتقى والله ياجماعه الخير مادري وش سالفته بس اسمع فيه و اللي سمعته ان الطلاب اللي يحضرون الملتقى تكون الوزاره راسلتلهم (مسج) بالحضور الى الملتقى..
بس انا ما ارسلولي شي ):

برظو ايش السالفه؟؟؟!!!!!


الاستفسار الثالث بالنسبه لرقم الطلب ما اذكر ان الوزاره عطتني شي صريح اسمه (رقم طلب) لي مع العلم ان الجهه اللي قامت بمخاطبه الجامعه هي الملحق الثقافي و القبول جاني من الوزاره بورقه (نوذج الحاق الطالب بالبعثه) لكن على النموذج في رقم كانه مختوم على الورقه هل هذا هو المقصود برقم الطلب؟؟؟

وفي النهايه ابي اوضح ان جميع الاوراق اللي احتاجها من الوزاره (المتعارف عليه) و المطاليب تبع السفاره و المقابله جااهزه بس انتظر اليوم اللي انقز فيه للرياض عشانها بس شايل هم الاستفسارات اللي فوق

فتكفون يا ليت تساعدوني و شكرا شكرا شكرا