هل هناك بصيص أمل لي بالنجاح؟

ابي اطمنك ترى الاساتذه بره مرة متعاونين وحبوبين ويحبوا يساعدو الطلاب وخصوصا المتعثرين اهم شي أنت من البداية تكون مجتهد وتكون علاقة طيبة مع الاساتذه وتطلب منهم المساعدة والاهم من ذالك أنك ما تستحي من التحدث وأن كنت تعلم أنه يشوب حديثك نوع من الاخطاء اتكلم وأنت تتعلم الله يسهل عليك ويوفق يارب وانت عليك أنك تجاهد نفسك من الحين قبل ما تروح لانك بتلقى ناس أفضل منك وبتحس أنك منت عارف شي وترى في مواقع في النت جدا رائعة تعلم القراءة والاستماع واشياء مرة حلوة بس شد حيلك من الحين واتعب شوي وبتلقى نفسك بعد ايام بلبل بالانجليزي... موفق

الله يعينك أن شاء الله..

الحقيقة هذي المشكلة يعاني منها ولدي .. وعندي اخوين من قبل يعانون نفس المشكلة .. والكبير منهم قدر يتغلب عليها والحمد لله تشوفه طبيعي جداً ..

الحل أنك تعالج هذه المشكلة ..فيه مركز في الرياض الحقيقة نسيت أسمه متخصص في معالجة صعوبات التكلم وتعليم طرق للتخاطب من دون تلعثم .. طبعاً أنا عني بعيد وما اقدر أودي ولدي له ..

و فيه طريقة أخرى تقدر أنت تسويها بنفسك وهي إللي أتبعها أخوي ..

حاول لما تتكلم تعطي نفسك وقت وتأخذ نفس وبعد شوي تكمل الكلام .. يعني تكلم حبة حبة ..بهدؤ ..

تأخذ وقت هذه الطريقة إلى أن تصبح شخص عادي مثل تماماً ما صار مع أخوي ..

وبعدين مهم جداً تعرف أسباب هذه الحالة أنت إلحين كبير تقر تفهم نفسك أفضل من غيرك .. وتقدر توصل إلى السبب الحقيقي..

وأشوف أفضل شيء تستعين بمعالج نفسي لو كان السبب نفسي ..

أو أبحث عن المركز إللي قلت لك عليه .. أبحث في قوقل .. وأن شاء الله تلقى العنوان ...

وبالتوفيق لك أن شاء الله ..

يا ابن الحلال توكل على الله

من ناحية معهدي فهم متعاونيين مرررره ولله الحمد

ومن ناحية التوفل فيه جامعات كثيره ما تبي الا شهادة المعهد (البكلريوس عد واغلط ) والماستر فيه جامعات لا بأس بها

وبالتوفيق ياخوي وان شاء الله يجي اليوم اللي تقولنا تخرجت

إذا قصدك ماتنطق بعض الحروف أو تأتأة خفيفة فما عندك مشكلة
عندنا صينيين و فيتناميين واصلين المستوى الخامس وماتدري وش يقول اذا تكلم,, حتى المدرسين يعانون من صعوبة الفهم عليهم

توكل على الله.. الناس هنا تقدر.. فلا تشيل هم وشد حيلك وأن شاء الله تتجاوز هذا الشي بالعزيمه والأصرار..

بالتوفيق أخوي

nobody perfect
يا سيدي ما في احد كامل اهم شي الصحة ما دامك طيب و بعافية هذي اكبر نعمة
دائما خليك متفائل و دائماً انظر لمصائب الناس تهون عليك مصائبك
واذا في احد ضحك او استهزأ فكن واثق انه هو المريض لانه يشعر بفراغ و نقص كبير و يخفيه او يحاول نسيانه بالضحك والاستهزاء بأي شيء
و لا تنسى المثل القائل ( من راقب الناس مات هماً )
استعن بالله و توكل عليه و خلي ايمانك بالله قوي
اصلا امريكا و بالذات فلوريدا حتخليك تنسى كل شي
على ما سمعت انها فللللللللللللللللله