*** يا اخواني هل يكفيني سنة لاجتياز اللغة ***( كلن يعطينا تجربته مع اللغة)

اللغه مو هم وانا اخوك انا لي الحين بامريكا تقريبا 3 اشهر وسهالات وتتعلم حبه حبه صحيح تحس مافيه تغيير بس صدقني تتغير وانت ماتحس اللغه يبيلها تقربا من 9 اشهر الى سنه وتتقنها ومن ناحية التوفل يبيلك تشد حيلك علشان تجيبه لانه مو بسيط وبالتوفيق

ما دام انك لم تسافر بعد
عليك بحفظ الكثير من الفلوكابلوري ،،، وبتدعيلي
حاليا ،، لاتشغل نفسك بتعلم اللغه و والغرامر و الليسيننيغ

وشو الفلوكابلوري .........

يعني الكلمات الأنجليزية

الصراحه فكره جيده أنك تحفظ كلمات كثيرة وتروح امريكا وما عليك إلا أنك تركب الكلمات بالطريقة السليمه وأمورك سهالات

يا أخوان المضوع مهم جدا ً نرجو التفاعل واضافة معلومات قيمة لايخلوها الوصف الدقيق

يا اخوان كل شخص خاض تجربة اللغة اكيد واجه صعوبه وواجه سهوله بكل اختصار

وش هي الصعوبه التي واجهتها وش هي السهوله التي واجهتها في اللغة

وقول كيف قدرت تجتازها في سنه وكيف يقدر المرء ان يجتازها في اقل من سنه تحياتي .

والله الصراحه الوضع يخوف

كل واحد يجيني ينصحني اللغه لازم مدري ايش واللغه لازم تسوي مدري ايش

ولاتنسى بعد سنه لازم توفل او جيمات ولا يرجعوك السعوديه

وربي خوفوني وخلوني في ضغط نفسي من قبل مااسافر

نصيحتي لك تبدأ الآن وانت في السعودية تبدأ بالحروف وبعدين تحفظ لك كم كلمة وتراجع القواعد
إما انك تشتري كتاب أو تسجل في معهد لكن لا تنتظر إلى وصولك لأمريكا
وبعد خمس شهور من دراستك في المعهد في امريكا تبدأ بمرحلة الإعداد للايلتس أو التوفل حسب اللي تقبلة جامعتك بس من وجهة نظري ان الايلتس أسهل لأن فيه كتب ومواقع كثيرة تساعدك على التدرب عليه وبكذا ان شاء الله سنه وانت مخلص متطلب اللغة وداخل الجامعة
وبالتوفيق

انا اشوف زي ماقالوا الاخوان نركز على الكلمات فقط الحفظ والنطق خاصة الكلمات الدارجة وتلقى كتب في جرير حلوه ومختصره ومصورة تحفظها بسهولة ، وثاني شي احنا عندنا بعض القواعد اللي اخذناها ايام الثانوي والجامعه بس ناسينها ولو مارسنا اللغه وانحدينا عليها يطلع الحفظ القديم بس نحتاج ممارسه

مااشاء الله فيه تجارب تحمس

افكر ادخل معهد الان