اسأل أحمد خياط
اسأل أحمد خياط
تنبيه: هذا الموضوع قديم. تم طرحه قبل 5387 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
LinkBack URL
About LinkBacks-
7 " - السلام عليكم استاذ احمد وجزاك الله خير7 "
عندي سوال ياطويل العمر
انا جبتلي قبول في مدينة تسكلوسا ولاية الاباما وطلعت عليه الفيزه
وحاب استفسر عن المدينة من ناحية الحضانة والسكن والامان
واذا جبت قبول من جامعة سنترال واشنطن هل يمديني اغير عادي
وشكرا جزيلا - مجهود جبّار وقلب وسيع والله يوسّع عليك دنيا وآخره7 "
استفساري هو الحين بتخلص مرحلة اللغة وانا لسا ماجاني القبول
في حالة إني قعدت في أمريكا الى ان يجي القبول بعد ماتخلص بعثتي بشهر مثلا وفي هذا الشهر راح أكون عاطل فهل أقدر أحول الايتوني حق المعهد للايتوني حق الجامعة بنفس رقم السيفس أو اني أطلع فيزه جديده باسم الجامعة لان الايتوني الاخير انتهي وخرجت من معهد اللغه
والف شكر لك - 7 "السلام عليكم ورحمة الله وبركاته
انا وزوجتي ندرس في معهد TLC في مدينة ساوث بند في ولاية انديانا المعهد جدا قوي
نريد ان ندرس تخصص لغة انجليزية في الماستر او اي قسم له علاقة باللغة الانجليزية
سالنا عن القبول المشروط في الجامعة الموجود فيها المعهد INDIANA UNIVERSITY SOUTH BEND قالو مانعطيكم قبول الا بعد ماتخلصو المستوى التاسع وثلاثة شهور كمان بعده
مع اختبار GRE وطلبوا مني ان ادرس سنة في COMMUNITY COLLAGE حتى ارفع معدلي
معدلي 1.4 من 4 في البكالريوس تخصص لغة انجليزية مع خبرة 10 سنوات في التدريس
معدل زوجتي 3.07 من 4 في البكالريوس تخصص لغة انجليزية
نحن الان في المستوى السابع في المعهد
هل تنصحنا ان ننتظر 5 شهور بعدين ناخذ القبول من هذي الجامعة او نبحث عن جامعات اخرى؟
هل تنصحني ان ادرس في COMMUNITY COLLAGE سنة حتى ارفع معدلي مع العلم انه قد تقبل الملحقية او قد لا تقبل ؟
ماهي الجامعات التي تقبل بمعدلي لدراسة الماستر؟
ماهي الجامعات التي تدرس ترجمة ماستر؟
ماهي الجامعات التي لاتشترط GRE?
الصراحة انا عجبتني المدينة الي انا فيها هادية ليست غالية وقريبة جدا من شيكاغو
ماذا تنصحني ??
الهم انصر المسلمين في كل مكان يارب
وعليكم السلام ورحمة الله وبركاته...
بالنسبه لتقديم لقبول جامعي:
صراحه الافضل انك تسوي الاثنين... بمعنى انك تقدم على جامعات اخرى من الان.. وفي نفس الوقت تستمر في المعهد الى ان تنتهي من المستوى التاسع...بكذا انتا راح تغتنم كل الفرص ان شاء الله ... يعني اذا جاك قبول في جامعه اخرى وبدون شروط او شروط اقل.. يصير تكمل معاهم .. اذا الله لايقدر مالقيت قبول.. يصير الله يعينك تسوي طلبات الجامعه التابعه لمعهدك الان...
بالنسبه للدراسه في Community college:
اعتقد هذا شئ لابد منه... دراستك في الكليه راح يساعدك على رفع معدلك.. واحيانا تقدر تاخذ مواد تنحسب لك من المواد العامه او المتطلبات لدراسة الماستر...لكن المشكله ان الملحقيه حاليا مشددين جدا على موضوع الدراسه في الكليات! لكن اذا ارسلتلهم خطاب توضح فيه الاسباب وكمان خطاب داعم من الجامعه يوضح فيه انك راح تنقبل قبول غير مشروط في الجامعه بعد رفع معدلك الى مستوى معين.. احتمال يقبلوا...
حل اخر:
في بعض الجامعات (المشكله هذه الحاجه ماتكون مكتوبه في موقع الجامعات وتكون حالات فرديه) يعطوك خيار انك تدرس عندهم مواد معينه القسم او الجامعه تحددها لك... الهدف من هذه المواد هو انه ترفع معدلك... اذا رفعت معدلك للمستوى المطلوب .. راح يسمحوا لك انك تاخذ مواد الماستر... بس خلي في بالك هذا الشئ يكون حالات فرديه ويمكن يوافقوا الجامعه ويمكن لا.
بالنسبه الجامعات اللي تقبل معدلك:
زي ماقلتلك فوق.. في بعض الجامعات يقبلوا معدلك.. لكن بشروط مثل الدراسه في الكليه او اخذ مواد معينه عندهم ورفع معدلك..
بالنسبه للجامعات اللي فيها تخصص ترجمه لمرحلة الماستر:
افضل طريقه لمعرفة الجامعات اللي فيها التخصص المطلوب.. وكمان معترفه من الوزاره.. هو انك تدخل على موقع الوزاره. اضغط هنا. وبعدين في الخانات اللي في اليمين.. اكتب الدوله التخصص المرحله الخ...
بالنسبه للجامعات اللي ماتقبل GRE:
هذه الصفحه من موقع "سعوديون في امريكا" الله يعطيهم العافيه... فيها جامعات بدون GRE او GMAT. اضغط هنا.
معلومات اضافيه:
هذه موقعين فيهم معلومات عن التقديم للماستر للمعدلات الاقل من المطلوبه:
الموقع الاول.
الموقع التاني.
اتمنى لك ولجميع المسلمين الامن والامان والتوفيق في كل مكان... اللهم امين...
المصادر:
- www.saudiusa.com
- www.about.com
- www.beatthegmat.com
- 7 "السلام عليكم
انا والاهل جايين لامريكا بعد شهر
الحمد لله كل شي تمام حاجزين لواشنطن 4 ايام ( عشان الملحقيه ) بعدها لبوسطن ان شاء الله
بس بغيت اسألك وش المطلوب في الملحقيه ؟ اروح لهم علطول والا فيي استماره لازم اعبيها على الانترنت
...
ثاني سؤال : انا معي اخواني 4 .. واحد في اول الثانوي واثنين في المتوسط وواحد في خامس الابتدائي وانجليزيتهم ضعيفه جدا ماتأهلهم يدرسو في مدرسة امريكيه
سؤالي كيف ادرسهم هل فيي اكاديميه في بوسطن وهل الاكاديميه في واشنطن عندها سكن داخلي والا مافيه طريقه واخليهم يدرسو في السعوديه ؟؟؟
يعطيك الف عافيه
(اللهم فرج كرب المسلمين او اللهم ارحم موتانا وموتى المسلمين )
وعليكم السلام ورحمة الله وبركاته...
بالنسبه لطلبات الوصول للملحقيه:
اول شئ تحتاج انك تعبئ "اشعار وصول مبتعث جديد الى واشنطن العاصمه" . اضغط هنا. ان شاء الله راح يكون في شخص في استقبالكم في المطار وياخذكم الى الفندق المتعاقد معاه الملحقيه (الاقامه على حسابك بس اعتقد بتخفيض).
كمان راح تقابل شخص يطلب منك اوراق معينه عشان يفتح لكم ملف في الملحقيه..هذه الصفحه. اضغط هنا. فيها بعض النماذج والاوراق الملطلوبه من الملحقيه.
بالنسبه لاخوانك:
طبعا ممكن يدرسوا بالمجان في المدارس الامريكيه الحكوميه.. اما بالنسبه للاكاديميات السعوديه.. اللي اعرفه وحده اكاديميه بس بعيده في فرجينا. اضعط هنا.
اتمنى لك التوفيق ولجميع المسلمين... اللهم امين..
المصادر:
- www.sacm.org
- www.saudiacademy.net/
- هلا اخوووي الله يوفقك والله انك فاعلآ معروف7 "
الله يجزاك خير انا عندي هالموضوعين
اتمنى ان تلقي نظره عليه وتعطيني رايك فيها
تقدير لجهودك
http://www.mbt3th.us/vb/search.php?searchid=563184
- 7 "انا معاي دبلوم مختبرات طبية سنتين ونص وطبعاً دراستي كلها انجليزي ومعدلي نازل 2.75 من 5 وابغى اكمل باكلريوس
الاسئلة :
س / هل الجامعات الامريكية يقبلون في معدلي هذا وسهل القبول ؟ ماهو الحل اذا لايقبلون به ؟
س / انا أريد أن تكون دراستي انا واختي بنفس الجامعه ويوجد جامعات تدرس تخصصي وتخصصها هل فرصة التحاقنا بنفس الجامعه كبيرة ؟ او يوجد استثناءات بما اننا بنفس الجامعه نبغى ندرس ؟
س / ما مدى صحت بان شهاداة الدبلوم لايعادلونها ويجبرونا نبدا من جديد [ انا سمعت المواد اللي اخذتها بالانجليزي يعادلونها ولا يعترفون بالمواد العربية مع العلم بأن كل دراستي بالانجليزية ] !؟
اللهم فرج كرب المسلمين او اللهم ارحم موتانا وموتى المسلمين
بالتوفيق للجميع
واسف على طرح اسئلتي وسبقني 3 اشخاص طرحوا اسئلة قبلي
لكن متى ماحبيت تجاوب على سؤالي جاوب ..
دمت بخير ..
بالنسبه للقبول الجامعات للمعدل الاقل من المطلوب:
راجع صفحه 124 ، رد #1124
بالنسبه لدراستك انت واختك في نفس الجامعه:
مااعتقد فيه اي مشكله ابدا..هذه الحاجه ليست من اعتبارات القبول.. المهم انك تكون انت واختك مستوفين لشروط القبول... اعتقد افضل طريقه ممكن تسويها عشان تتاكد ان التخصص اللي انت واختك تباه موجود في نفس الجامعه هي الاتيه:
1- ادخل موقع الوزاره.
2- اختار الجامعات الموصى بها. وافق على الشروط. اضغط هنا.
3- اكتب المدينه والتخصص والمرحله اللي تباها انت.
4- راح تطلعلك قائمة بالجامعات اللي توافق بحثك.
5- في صفحه جديده ، اتبع الخطوات من 1-4 لكن في الخطوه 3 اكتب التخصص والمرحله اللي تباها اختك.
6- الان صار عندك قائمتين فيها جامعات مناسبه لك ولاختك..
7- شوف الجامعات اللي اتكررت في البحث الخاص بك والخاص باختك وهذه الجامعات راح تكون فيها تخصصك وتخصص اختك..
بالنسبه لشهادات الدبلوم:
اعتقد مو كل الجامعات تعادل الدبلوم... لكن بعض المواد مايتم معادلتها.. مثلا المواد الدينيه او شئ زي كدا..
لكن:
هذه قائمة قام بها اعضاء "سعوديون في امريكا" الله يجزاهم خير.. فيها جامعات تعادل الدبلوم. اضغط هنا.
الله يسهلك القبول ولجميع المسلمين.. اللهم امين...
المصادر:
- www.saudiusa.com
- وزارة التعليم العالي
- السلام عليكم ورحمة الله وبركاته...7 "
الى جميع الاخوه والاخوات...
الموضوع اكبر من انه سؤال وجواب! الموضوع له هدف وشروط وانا حريص جدا انه يوصل للهدف ويكون مطابق للشروط ان شاء الله...
لذلك ارجوكم:
>>> استخدم خاصية البحث لهذا الموضوع.
>>> ولاتكتب سؤالك قبل قرأت الصفحة الاولى لهذا الموضوع...علما بانه سوف يهمل اي سوال لا تنطبق عليه الشروط مهما كان..
>>> لاتنتظر اجابه سريعه ، واذا كنت تنتظر اجابه سريعه فااعلم ان هذا الموضوع ليس المكان المناسب لك!
أشكر لكم تفهمكم والمساعده على انجاح هذا الموضوع...جزاكم الله كل خير.. - بسم الله الرحمن الرحيم7 "
السلام عليكم ورحمة الله وبركاته
اشكرك اخي الكريم وجعله الله في ميزان حسناتك في هذا الشهر الكريم
اخي انا عندى دبلوم حاسب وحابة ادرس علم نفس اكلينيكي .....
طبعا راح ادرس على حسابي الخاص ....
وياريت تفيدني في اجامعه معترف بها وقوية في اكلاهوما مدينة ادمند ..... تدرس هذا التخصص وابغى اعرف هل صعبة
اتمنى اني ماثقلت في طلبي
والله يحفظ الاسلام والمسلمين يارب - سلام عليكم7 "
اخوي احمد استفسار اذا تسمحلي
انا طالب ابروح لامريكا بعد كم يوم انشاء الله علئ حسابي الخاص وعندي استفسار عن الاوراق المطلوبه للانضمام للملحقيه
- أختام الدخول (من وين اخذها وهل يعطوني نسخه منها )و صورة عن جواز السفر للمبتعث الأساسي ولجميع الأشخاص المرافقين لمقر البعثة
- صور للمؤهلات الدراسية التي سبق الحصول عليها
- صورة من القبول الأكاديمي (وشو هذا ومن وين اخذه )
- صورة من قرار الإبتعاث (وشو هذا ومن وين اخذه )
- (USA) صورة من I-20
- صورة بطاقة الاحوال المدنية للطالب و صورة دفتر العائلة للطالبة
- افادة من السفارة بأن ولي الامر موفد للعمل و لا يزال على رأس العمل ( اي سفاره يقصدون علما بان ابي متقاعد عن العمل )
- صورة من ختم الدخول (I-94) والفيزا بالاضافة الى المرافقين ( هذا الظاهر يعطوناه في الطياره بس اذا وصلت للمطار ما ياخذونه هم ولا يعطوني نسخه منه )
- صورة من الصفحة التي عليها تاريخ الخروج من المملكة ( من وين اخذها )
- صورة من شيك ملغي ( من وين اجيبه )
- صورة من قرار الاجازة الدراسية أو الاستثنائية أو اخلاء الطرف من جهة العمل بالنسبة للمرافق/المرافقةأي وثائق أخرى لها علاقة بالطلب(مسوغ إختياري)
الله يوفقك ويسر امرك وامر كل مسلم
اخوك ناصر ....
جزاك الله خير بما تقوم به لأخوانك المسلمسن ونفع بك الامة
لدي عدة استفسارات
1- ما هي أوضاع الدراسة بجامعة ohio Northern university أقصد من ناحية تعاون الدكاترة معنا كسعوديين مع العلم التخصص صيدلة فارم دي؟
2- ما هي أوضاع السكن والمعيشة والامان بعد الله في مدينة ادا في اوهايو؟
3- انا ذاهب ان شاء الله على حسابي الخاص وان شاء الله سأنضم للبعثة فسؤالي هل مبلغ 40 الف ريال سعودي كافية لحد الانضمام للبعثة؟
وجزاك الله ألف خير ووفقك في حياتك العلمية وأرجعك الله سالما لبلدك وأهلك