اسأل أحمد خياط

بالنسبه لمعاهد كاليفورنيا وفلوريدا:
- هذه قائمة بالمعاهد اللغه في اميريكا كلها..كل اللي عليك تسويه اختار الولايه وراح يجيك اسم المعهد ، عنوانه ، ورقم تلفونه ، وموقعه الالكتروني. اضغط هنا

بالنسبه لاسهل الجامعات للقبول المشروط لادارة الاعمال:
صراحة هذا الشئ صعب تحدده ، لكن اعتقد اذا كان مستوى الجامعه متوسط او اقل يكون القبول سهل فيها.

بالنسبه لعدد معاهد Kaplan:
هذا فرع من موقع Kaplan وفيه عدد ومواقع وفروع معاهدهم في جميع انحاء العالم.. اختار المنطقه في الخريطه وراح تجيك قائمة بالفروع. اضغط هنا

بالنسبه لكاليفورنيا او فلوريدا:
الخيار بين الاتنين صعب جدا ..لان كلهم كويسين في عدة نقاط..لكن (رأي شخصي) كاليفورنيا افضل ..اولا من الناحيه العلميه (الجامعات وغيره) كاليفورنيا فيها عدد لا بأس به من الجامعات القويه ...ثانيا من الناحيه المناخيه.. كاليفورنيا معروفه بجوها المعتدل ... ثالثا من الناحيه الترفيهيه..طبعا كاليفورنيا فيها اماكن سياحيه عالميه ، منها الهوليود ، ديزني لاند (في فلوريدا كمان) ، سي وورلد ( في فلوريدا كمان) وغيره الكثير..لاحظ في اشياء موجوده في الولايتين وهذا يعطيك انطباع انه في منافسه بين الاتنين..لكن زي ماقلتلك شخصيا "كاليفورنيا الافضل"

معلومه:
هذه بعض المواضيع اللي تتكلم عن المقارنه بين الولايتين.
- الموضوع الاول. اضغط هنا
- الموضوع التاني. اضغط هنا



المصادر:
- www.kaplaninternational.com
- www.englishinusa.com
- www.top-law-schools.com
- talk.collegeconfidential.com




الله يختارلك اللي فيه الخير ولجميع المسلمين يارب...

وعليكم السلام ورحمة الله وبركاته...

بالنسبه لبنك موجود في D.C. و Findlay, OH:
اتوقع انت تقصد المدينه اللي في اوهايو؟ ان شاء الله يكون صح.
Bank Of America بنك كويس واعتقد انه موجود في واشنطن وفي فندلي . اضغط هنا للعنوان ورقم التليفون

معلومه اضافيه:
اعتقد هدولا البنكين كويسين في المدينه ، لان لهم فروع كتير بناءا على هذا الموقع. اضغط هنا..
1- Fifth Third Bank
2- Huntington National Bank

بالنسبه للسكن مع العوائل:
افضل مرجع لك انك تكلم الجامعه ، غالبا الجامعات يكون عندهم قائمة بالعوائل الراغبه في اسكان الطلاب..

بالنسبه للمطار:
نعم فيها مطار اسمه Findlay Airport. وهذه معلومات شامله عن المطار..اضغط هنا

بالنسبه لشركة T-Mobile:
مااعتقد ان الشركة موجوده..بحسب مافهمت من موقع الشركه..كيف بحثت؟ اخترت عنوان جامعة University of Findlay. اللي هو:
1000 North Main Street Findlay, OH 45840-3653
وبعد كدا حطيت الرمز البريدي للجامعه في موقع الشركه. اضغط هنا.. ولكن ماطلع اي فرع موجود في المدينه!



المصادر:
- www.airnav.com
- local.yahoo.com
- www.t-mobile.com


اتمنى اني اكون افدتك ، والله يسهل عليك وعلى جميع المسلمين..امين

السلام عليكم ورحمة الله وبركاته...

الى جميع الاخوه والاخوات...
الموضوع اكبر من انه سوال وجواب! الموضوع له هدف وشروط وانا حريص جدا انه يوصل للهدف ويكون مطابق للشروط ان شاء الله...
لذلك ارجوكم:
>>> استخدم خاصية البحث لهذا الموضوع.
>>> ولاتكتب سؤالك قبل قرأت الصفحة الاولى لهذا الموضوع...علما بانه سوف يهمل اي سوال لا تنطبق عليه الشروط مهما كان..

وجزاكم الله جميعا خير الجزاء...

مرحبا اخوي الله يجزاك خير على جهدك و ان شاء الله يكتب في موازين حسناتك

انا ابي اسئلك عن معهد Rochester Institute of Technology و عن مدينة Rochester هل هي مدينة دراسية او مدينة لعب و هل الاسعار فيها غاالية لأنها تابعه لولاية نيويورك (اكل ,سكن , ملابس ...) وانا محتاج رايك الشخصي في المدينة و المعهد مع العلم اني بدرس بعد اللغة بإذن الله هندسة ميكانيكية بكالوريوس

الله يوفقك لما فية الخير

و السلام عليكم

السلام عليكم أخوي .

أنا عندي سؤالين: انا ابقدم ماستر موارد بشريه في جامعه مارشال بقبول مشروط.

السؤال الاول: ماادري كم سنه يأخذ الماجستير مع المتطلبات؟؟ انا راسلتهم وقالوا لي سنتين بس ماادري مع المتطلبات او بدون؟؟هذا الرابط حق مواد هذا التخصص

http://www.marshall.edu/lcob/Humanre...irruculum.html

وسؤالي الثاني : ايش رأيك بهذه الجامعه هل هي قويه وتنصح فيها؟؟



اللهم اغفر للمسلمين والمسلمات الاحياء منهم والاموات.. والله يوفقنا واياك لطاعته.

الله يغفر لك ولوالديك والمؤمنين

اخوي تقدر تعطيني نصيحة ناوي اشري لاب توب من المديل الجديد الي معالجه i5 or i7 ( مادري ليش احسك تحب هالاسئلة )

تقدر تفيدني علما ان الاستخدام راح يكون في البرمجة يعني مو بس تصفح وياليت تذكر لي رقم المعالج المفضل ايضا يعني مثلا
i5-7xx

ولو شريته من امريكا وش الحل مع الكيبورد عشان تصير عليه الاحرف عربيه غير الطوابع الي ممكن تخرب الاب توب مع الحرارة والاستخدام

الله يوفنا واياكم وجميع المسلمين

شكراً أخوي أحمد على جهدك الواضح الي تقوم به
أنا ما اأدري وش الشروط الي تقول عنها بالصفحة الأولى
لأني قريتها 4 مرات ولا شفت أي مخالفة أرتكبتها
مع العلم أن لي اربع ايام وانا انتظرك تدخل وترد على سؤالي وبعدها أتفاجأ بتجاهلك لي
والله يا غالي الي يبي يسوي الخير ما يشترط على الناس ويتكبر عليهم بردوده
حتى لو كان ردي مخالف لشروطك على أقل تقدير قدرنا ورد السلام علينا
على العموم
بالتوفيق لك وما قصرت مو مهم اني استفيد
اهم شيء ان في غيري استفاد من أجوبتك
حفظك الله ورعاك
أخوك محمد

مرحبا اخ احمد

يعطيك العافية على الجهود المبذلة ويشهد الله ان المجهود الي تبذلة مو قليل وجعله الله في ميزان حسناتك حيث انه يحملك عناء وياخذ من وقتك الكثير الكثير

الله يكثر من امثالك


انا طالب انوي الدراسة بعد تخرجي من الجماتعة هذا التمر نويت ابتدي بسمر ون حيث دراستي تبتدي 10 مايو
ومقابلتي بالقنصلية 25 بريل

هل استطيع خلال هذا القوت القصير تدبير اموري من ناحية تخليص فيزا وحجز موعد للسفر


ولا هنت ممكان اخ احمد تذكر لي بتفصيل ماهي الاوراق المطلوبة للسفارة

أخوي وش الفرق بين
Individual Plans
و
Family Plans
و وش المطلوب مني إذا بغيت أطلع رقم ( هل أفتح حساب قبل ؟؟ )
ولكـ جزززززيل الشكر
والله يوفق الجمييييييع
تحياتي

جزاك الله خير على سعة صدرك
اخترت تخصص علوم سياسية لاكمال الماستر سؤالي
-ماهي أفضل الجامعات الأمريكية في هذا التخصص وماهي التخصصات الفرعية الموجودة فيها؟
-كم مدة دراسة الماجستير في الجامعات الأمريكية بشكل عام بدون اللغة طبعا
-جامعة كلورادو -دنفر في أي ولاية وهل تنصحني بها (المناخ-تكاليف السكن والمعيشة-الأمان)
اللهم أعز الاسلام والمسلمين